نصحتوني بسورة البقرة وبدأت فيها بس تعالو اقولكم شصار لي لما قريتها

[زهور نيسان]

السلام عليكم

شخباركم حبابيب قلبي ربي يرزق كل بنات القسم وكل من يتمنى الضنا :yaaaaaarb:

تذكرون موضوعي هذا

http://www.q8yat.com/t1134053.html


نصحتوني بالبقرة
مع اني جربتها قبل وكنت ما اقدر اكملها
من يومين بس بديت فيها وجبرت نفسي وتحديتها
كنت اجزآئها على طول اليوم لحد ما اخلصها

بس شاللي صاااااااار يا بنات :eh_s(12):

اول يوم من قريتها حلمت حلم يخوف حيييييييل فزيت من النوم من الخرعة
حلمت بشي جذي جنه سمج بس على شكل وحوش تخوووووف حييييل
كانت واااااايد مليانة في البيت لدرجة انهم كانو فوق بعض من كثرهم وفي صناديق كبيرة
كنت امر يمهم يفتحون حلجهم :eh_s(11):

كانت احجامهم كبيرة ومقرفة حيل
فجآة شفت كاني ناديت ريلي يجي يذبحهم وقام مثل اللي رش عليهم حاجة زي الماي واختفوا

وانتهي الحلم


اليوم الثاني من البقرة

حلمت بقطوة وكانو يوزوعونهم علينا
عطوني وحدة وقالو لي ذبحيها من راسها
واقوم اخذ مقص وسجين وقطعت بس اذونها من الخوف ما اقدرت اكمل
بس قالو لي لا لازم تذبحيها من راسها كله
واخذت مقص وقصيت راسها ونتفتها تنتف :eh_s(11):

والله حدي اخترعت من هالاحلام

صار لي يومين نومي مخربط وكل شوي اتفززز من هالاحلام

حسيت لاني قريت سورة البقرة بس خلاني اصر على اني اكمل ولا اوقف بس بنفس الوقت
يابنات شجعوني والله ابليس يوسوس لي اوقف عنها

معقولة يكون فيني شي ؟ احس برعب كله اتلفت في البيت بروحي احس حد وراي ولا بيطلع يني :eh_s(*):
واقعد ادور في البيت ورا البيبان لايكون فيه وحوش نفس الا شفت بالحلم :eh_s(11):



​

 

[جبرنى الشووق]

حبيبتي ماتشوفين شر أن شاء الله
ماني مفسره أحلام ولا أبي افتي بشي مالي علم فيه

بس هذي هواجيس الشيطان تعويذي من إبليس واستمرت على قراءتج
إذا تبين تعرفين تفسير حلمج اسألي المشايخ بس نصيحه أخت لا تفسرينه

لكي محبتي

 

[عسل حدي]

تعوذي من ابليس وطلعي الوسواس من راسج وداومي عالبقره ترا حلوه وتريح القلب وتهدي النفس وكل هالاوهام شيليها من بالج
الله حافظج من كل شر

 

[bnt_kwt]

استمري ولا توقفين
مع الاستمرار بالقراءه كل هالاحلام راح تختفي بإذن الله

 

[عسل حدي]

رب لا تذرني فردا وانت خير الوارثين

 

[دلع24]

شوفي حبيبتي

الحلم والعلم عند الله بس الي باين ياعين يااا حسد او نفس عشان جذي مطلعتلج هالاحلاام من قرائتج لسوره البقره


نصيييحه استمري عليهااا اربعيين ليله واذا فييج شي راح يبطله الله


والله يرزقج وخلي سوره البقره شغااااه عندج بالبييت

واشربي ماي زمزم ورشي البيت بماي مقري عليه

والله يحفظج ويرزقج بالي تتمنيينه

 

[دلع24]

بدلياتي واايد من الايفووون ��������هههههههه

 

[كنوشة 2009]

استمري بسورة البقرة ولا توقفين وعليج بادعية المساء والصباح
وقراءة آية الكرسي والمعوذات والوضاء قبل النوم
واكلي 7 تمرات كل يوم على الريق

 

[أنثى ملاائكيه]

استمري موفقه

 

[Um_yoyo2010]

حياتي استمري لا توقفين واذا صج تبين الشفاء بقولج شي يطلع اذا فيج
نفس او شي ثاني




كل يوم ع الريق ٧ تمرات عجوه مع سكانة ماي زمزم
لمدة ٤٠ يوم متواصله اذا نسيتي او خربطتي ردي من جديد لا تقطعينماشاءالله اختي حيييييل فاد معاها سبحان الله يقولون تتطلع كل شي من جسمج والله عن تجربه

 

[Smchoocha]

كملي حبيبتي لا توقفين

 

[نوف الصقعبي]

جربتها مع كثرة الإستغفار حتى زوجى كنت اقوله كثر من الإستغفار

وربي رزقني بطفلين الحمدلله​

 

[نوف الصقعبي]

لاتوقفين نصيحة اخت هذا الشيطان الرجيم ماراح يخليج بالوساوس

لاتشغلين اغاني بالبيت وحتى برا البيت

ودايمآ خلي قناة المجد للقرآن شغاله بالبيت تطرد كل خبث بأمر الله تعالى

تصدقي كل يوم بالسر حتى ولو بنص دينار

وكثري من الإستغفار

نامي على طهاره وتأكدي من طهارتج بكيفية غسل الجنابه كما امرنا رسولنا الكريم
وايد غافلين عن هالشي وعبالهم اذا تسبحو انهم طهرو من الجنابه

صفي نيتج من داخل لاتحسدين اللي افضل منج مهما كان

حبي الخير للناس الله سبحانه يرزقج بكل خير

لاتغتابين احد مهما كان حتى لو بينج وبين زوجج لاتغتابين بنت او اين كان

ثقي تمامآ بقدرة الله عز وجل

وان الباسط والرازق هو الله تعالى والقابض المانع هو الله تعالى سبحانه

والاعمال بالنيات

​

 

[نوف الصقعبي]

والتزمي بصلاتج لاتفرطين فيها مهما كان

صلاتج

صلاتج

يااختي انتى وزوجج لاتفرطون فيها


و إن شاء الله يرزقج كل خير​

 

[نوف الصقعبي]

استغفر الله العظيم​

 

[M!SS.LOBY]

الله يرزقج

 

[M!SS.LOBY]

:eh_s(7):الاستغفار راح يفيدج ان شاءالله

 

[اميره بكلمتي]

استمري عليها هذي وساوس شياطين أعوذ بالله منها وانتي خليج عليها يوميا والرقيه الشرعية والأذكار واستغفري وإذا أن شغلتي بالبيت شغلي مسجله وحطي سوره البقرة والرقيه الشرقية للبيت وايه الكرسي

 

[عسل حدي]

رب لا تذرني فردا وانت خير الوارثين

 

[&هند&]

انا مريت بالي مريتي فيه كنت احلم باثيوبيات وكل اني اتهاوش والحمدلله حملت بعلاج بنفس الشهر كملي ولا توقفين والله يرزقج بالذريه الصالحه ،،،