نصحوني بأحسن عياده حق تقويم الاسنان وسعر معقول ؟

[مو صج ~]

السلام عليكم بنات
انا صاري تقريبا اربع سنين اعالج بالحكومه بمستشفى العدان عند الدكتور فيلب صج اسناني كانوا دمار وتعدلوا بس كان يبيلهم بعد الاسنان الي فوق مجدمه ويبين حق الي يشوفني على جنب واحس مو منتظمين ودي يصيرون احلى وخصوصا كان الحكومه مواعيد زفت وكان وقت دراسه ولا بعد يوم شال التقويم ماسألني !!
تنرفزت حيل
وسمعت منكم تتكلمون عن وايد عيادات فا بليز الي جربت تحط العياده والدكتور وجم. كلفها
وبعد عندي كرت خصم على عياده الحكمه و الثريا التخصصي والحساوي كلنك وشيخه انترنشنال كلنك وغيرهم
اتمنى تفيدوني وشكرا

 

[bebo-q8]

هلا اختي مو صج... عجبني الاسم الي حاطته هههههه... حياتي في الحين مركز تيجان الدولي لطب الاسنان خصم 30% على اي شي تبين تسوينه وفتح الملف والاستشارة هم مجانيه... في كتور تقويم وااايد زين امس وحده رفيجتي يات العيادة هني وشالت التقويم ابيه واااايد حلوين اسنانها وماطولت وهي مركبته وفي انواع بعد في الشفاف وفي العادي وبالنسبة للاسعار مو غاليه بس لما تجين الدكتور يشوف حالتج ويقولج كم يكلف انتي مو خسرانه شي الاستشارة مجانا واذا حبيتي تستفسري اكثر دقي علي هذا رقمي وماراح اقصر معاج ابرار 96627600 حياج حياتي

 

[جوري 88]

انا حطيت تقويم بمركز رويال بالمنقف عند د. آلاء العواد تبارك الرحمن شغلها حلو وتنصحج اذا تحتاجين ولالا يعني مو تجاريه

اسعارهم من 800 وفوق على حسب الحاله وعندهم فتح الملف والاستشاره مجانا اذا تبين التفاصيل هذا رقمهم

ت: 23711155

 

[مو صج ~]

شكرا بيبو عالافاده

والجوري ٨٨ شكلي اقتنعت بس اول مره اسمع دكتوره شاطره و ٨٠٠ زين
شكرا عالافاده حبيبتي

 

[بنوتة الكويت121]

انا سويت تقويمي بعيادة سما عند الدكتور خالد الشرقاوي وايد زين وباله طويل وينصح خوش دكتور

سويت تقويمي ب 550 لان عندهم عرض هالفتره

وصارلي حاطه تقويمي قبل ٥ ايام

 

[مو صج ~]

بنوته الكويت
نايس بس العرض لين متى وعندج رقمهم ؟ شكرا عالمرور

 

[مو صج ~]

بنات منو جربت ابتسامه كلنك لقيت عليهم عرض يديد ب ٥٠٠ ؟