نصيحه لوجه الله ...بتكون بميزان اعمالج(للي عندهم مشاغل)

[نسايم عبير]

السلام عليكم

نصيحتج هذي بتكون لي معروف كبير وصدقه لوجه الله لي

خواتي اللي عندها مشغل داخل البيت بالذات خياطه وحده

شلون بديتي مشروعج

انا الحين عندي الخياطه والمكينه ولله الحمد

بس بغيت اعرف شلون ابدي


هل اسوي عرض وافصل عالطلب؟
ولا اسوي عرض للبيع قطعه وحده؟
هل الخياطه لانها بروحها راح تقدر على طلبات الزباين؟
انا مابي انزل معارض عشان يكون شغلي متميز...ولا انتم شرايكم ادش معرض اول مره ؟؟؟

يعني شنو احس فكره حق بداية مشروعي

انا عندي خبره بالخام والتصميم ولله الحمد

..............................
سؤال اخر
شنو العواقب اللي ممكن اتحاشاها من تجاربكم؟؟


اي نصيحه ممكن تضيفينها اكون شاكره لج
وربي يوفقكم بمشاريعكم ويفتحها عليكم من الرزق

 

[نسايم عبير]

للرفع عشان خاطري

 

[الريان]

شوفي يالغاليه ...عن تجربه..
ابدي بموديل حلو وبسيط في التكاليف وراقي في التصميم واللبس....واللي تبي تسوي نفس الموديل بس يمكن تغيير الوان وموجوده عندج...عشان تبعدين عن المشاكل ..تقولج مو هذا الموديل اللي طالبته..ويكون على الطبيعه والمواد والالوان متوفره عندج...واغلب الحريم تبي الجاهز الحاضر صورته جدامها ..
وهذا يعطيج وقت وتحكم بالقيمه والوقت والجهد...
اتمنى ان الصوره تكون واضحه جدامج والله يوفقج...

 

[brettey]

ليش مو انتي تصممين وتعرضينه في مشغلج احسن
انا قبل امي عندها مشغل من عقب الغزو لي 1999 بس كان عندها كذا خياطه بس كانت تصمم على طلبات الزباين وشاريه كاتالوجات بس في جم زبونه تعر لا مو هذا موديلي بس نادر ماحصل هالشي لان غالبيتهم شطار وعقب سكرته لان صارت مشاكل والعين والحسد لعبوا دور كبير للاسف
مادري بس اذا عندج هوايه التصميم صممي احسن لج في البدايه جم قطعه ومن كل موديل قطعه

عسى الله يفتحها بويهج ويوسع لج بروقج من حيث لا تحتسبين

 

[زينانه]

انا اقول لازم تصممين موديلاتج باشكال مختلفه الناعم والقوي الوسيع والضيج
عشان يعجب كل الاذواق.وبجذي راح تربحين

 

[alhnan]

ماشالله
اهنيج على مشروعج
الفال لي يا رب
انا ما عندي مشغل بس مخططه و زوجي رافض
بس هم بنصحج
انتي صممي مثلا 4 موديلات فقط لا غير
ودشي معرض مثل الروضان او سفير الرقعي
وانزلي بالمعرض من اول شهر 7 او من الحين اذا تقدرين العرض راح يكون لرمضان و العيد حاولي يكون نظام دراعه اكثر لان المناسبه رمضان
وفصلي نفس الموديل بس تغيير اللون عشان لاحد يقول اخترب و العربون نص القيمه و نصيحه راعي الله في السعر لان حاليا كلهم طغوا في الاسعار
راح تحصلين زباين شكثر وهذا اللي لاحظته في المعارض ماشالله بعضهم يخلص دفتر الفواتير بظرف يومين بالمعرض
وقفي استقبال طلبات رمضان تاريخ 20-7 او اي تاريخ ثاني على حسب الطلبات لان بس عندج خياطه وحده يالله تلحق
وشوفي نفسج اذا الوضع اوكي دشي بعرض العيد من 5 رمضان لي 20 رمضان و خلي الخياطه لها مجال عشان تتفرغ بالشغل
هذي حسبه تقريبيه يعني حسب الطلبات عندج وهم موديلات العيد نفس رمضان بس زيدي موديلين
بعد هالعرضين راح تكون عندج نسبة زباين و ارقامهم احتفظي فيها و دزي لهم مسجات على شهر 10 حق عيد الضحية واستقبلي بالبيت او هم ممكن تنزيل معرض اذا حسيتي الاقبال قليل
نصيحه دشي معارض لحد ما يكون عندج زباين بعدين صيري فالبيت

شوفي بالنسبه للعقبات ما عندي علم
بس هل عندج رخصه خياطه و هالامور هذي اللي ممكن تجي منها عقبات
وعلى فكره لازم تاجرين وحده تعرض ملابسج بالمعرض او من خواتج تلبسون و تعرضون لان الموديل ما يبين الا ملبوس

 

[((الزين))]

هذى ثانى مره اكتب الرد وان شاء الله ما يعلق المنتدى
حبيبتى التفاهم مع الزباين يكون عن طريقج انتى
وخلج حريصه من الخياطه لان بعضهم لاذمه ولا ضمير
تصور موديلاتج وتوديهم حق غيرج
اذا عندكم زواره او جمعه دايما لبسى من موديلاتج
اذا عندج احد بمدرسه او دوام خليها تلبس من موديلاتج
خيطى مجموعه وعرضى بالبيت ودزى مسجات حق اهلج وصديقاتج
حطى اعلان بالمنتدى وبمنطقتكم وزعى كروت لج
امممم هذا اللى اذكره الحين
عل فكره انا كان عندى مشغل ووقفت
انتى لا تصيرين مثلى كملى والله يوفقج

 

[نسايم عبير]

الحنان
مشكووووووووووووووووووووووووووره بعد عمري كلامج ذهب ودرر

ام عبدالرحمن ربي يسر حالج ماقصرتي

الحين عرفت شلون ابدي وشنو اسوي

بس للاسف رديت الخياطه لان طلع خياطها مو شي

 

[sweet fashion]

اب
اب

 

[السدرة2]

الله يوفقج نسايم بس نصيحتي خلي اسعارج معتدله ترا الحريم موغبيات صاروا يعرفون التكلفه ويحسبونها صح وصاروا ما ياخذون من المشاغل وتنفذ الدراعه بسعر اقل لان الدراعه اول وتاي لبستين وتنحذف بالكبت بس ابي اسالج سؤال وانشالله الله لا يحرمج الاجر من وين جبتي الخياطه لي 3 سنين ادور دليني على المكتب الي جبتي منه والله يوفقج

 

[نسايم عبير]

مشكوره السدره
صاجه بس لا تنسين ان التعب كله بينصب علي لاني بروح اقص خام وانقي كلف والفراره هذي اطلع الروح وخاصتا اذا بشتري حق اكثر من موديل واكثر من زبونه واهيا بتجي تاخذها على الراحه

فمن حقي اني اطلع ربحيتي ماقدر اخلي ربحيتي بس 5 ولا 10 دنانير

 

[نسايم عبير]

مشكوره السدره
صاجه بس لا تنسين ان التعب كله بينصب علي لاني بروح اقص خام وانقي كلف والفراره هذي اطلع الروح وخاصتا اذا بشتري حق اكثر من موديل واكثر من زبونه واهيا بتجي تاخذها على الراحه

فمن حقي اني اطلع ربحيتي ماقدر اخلي ربحيتي بس 5 ولا 10 دنانير

 

[نسايم عبير]

مشكوره السدره
صاجه بس لا تنسين ان التعب كله بينصب علي لاني بروح اقص خام وانقي كلف والفراره هذي اطلع الروح وخاصتا اذا بشتري حق اكثر من موديل واكثر من زبونه واهيا بتجي تاخذها على الراحه

فمن حقي اني اطلع ربحيتي ماقدر اخلي ربحيتي بس 5 ولا 10 دنانير

 

[فديت قلبه]

.





نصآيح آلبنـآت وفت وكفت
بس بدعي لج إن ربي يوفقج ويرزقج من اللرزق الحــلآل

 

[حلاتي بندرة وجودي]

اب

اب

 

[زهرة الزهور]

الله يوفقج ويرزقج من واسع ابوابه

جيبي خياطة شاطرة اهم شي الخياطة عشان ما تتعبين نفسيا وتخرب موديلاتج
وخلي شغلج حلو حتى لو كلف زيادة ترى الشي الزين سعره فيه وما حد يقدر يقاومه

موفقه

 

[السدرة2]

مشكوره السدره
صاجه بس لا تنسين ان التعب كله بينصب علي لاني بروح اقص خام وانقي كلف والفراره هذي اطلع الروح وخاصتا اذا بشتري حق اكثر من موديل واكثر من زبونه واهيا بتجي تاخذها على الراحه

فمن حقي اني اطلع ربحيتي ماقدر اخلي ربحيتي بس 5 ولا 10 دنانير

بس حبيبتي مارديتي على استفساري منوين جبتي الخياطه:eh_s(10):

 

[يارحيم إغفرلي]

الله يرزقج ويرزقنا

 

[% HoooR %]

الله يرزقج يارب

حلمي أفتح مشغل
بس بعدها ما توفرت الامكانيات

 

[هيـآآطً انثـےَ]

الله يوفقج يارب ويفتحها عليـــــــج

حبيبتي معلومه اتمنى تستفيدين منها

"بالبداايه خلي اسعارج عاديه حاولي بالبدايه لاتربحين بس كأنج تسويين دعايه عرفتي

وطبعا اذا سويتي جذي الحريم راح يجونج من كل صووب وبعد مايرتفع اسمج عندهم

ارفعي الاسعاار باللي انتي ودج فيـــــه "

شرايج بالمعلوومه ^_&