نصيحه

[R هوى روحي R]

السسلام عليكم

بدش بالموضوع انا من جم يوم كتبت موضوع بالزوجيه ومانزل

المهم بستششيرك الحكيمات والمتزوجات وابي جاوب يريحني

انا زوجي كان يحب وحده قبل زواجنا وهالشي حيل معذبني وبين فتره وفتره اعصب وازعل بسبب هالجرح الي بداخلي اهو يقول تركها وانا احس بالعكس ان اهي الي تركته لاني احسه للحين يحبها بس زوجي من النوع الكتوم تكلمت جم مره معاه بالموضوع بس ماخذت الاجوبه الكافيه على اسئلتي
تقريبا صارلي 3 سنوات متزوجه
انا احبه واموت فيه واحسه يمثل حبه لي بس الطبع يغلب التطبع

انا حيييييييل تعبانه نفسيا وصايره حساسه احس الامور بداخلي متراكمه ومعقده ابي اجوبه كافيه برررتاح

فكرت اني نحلف عللى المصحف ونفتح الي بداخلنا بواجهه بمخاوفي وبحزني عشان اقدر ارتاح واستقر من داخل وابي نتفاهم على الي نحبه ونكرهه ونتمناه وبعدها نقوم نصلي ركعتين وبدعي ربي وابيه يردد معاي دعاء

انا محتااره اني افتح موضوع حبيبته معاه لان كذا مره قال سكري الموضوع بس مو قادره هالشي يكبر بداخلي ومخرب حياتي

شتنصصحووني فيه

طبعا راح احطه بقسمين بالزوجيه والنساء والولاده عشان ينزل الموضوع

وادعوولي ان الله يسهل اموري ويهديلي زوجي ويسعدنا مع بعض

 

[H&M love]

الله يهدي سركم و يسخره لج يارب

 

[om deaj]

خلاص بعد اذا هو سكر الموضوع وقالج مافي شي ليش تخلين الشيطان يوسوسلج وسكبر الشق والبعد والجفا يدش بينكم

تغلبي على شيطانج ولا تدورين السوالف

 

[حرم النقيب]

شوفي عمري سواء هو تركها او هي تركتة الحرمة بشطارتها تنسية الحب الاول مافي رجال ماحب بس في حريم هم ينسون انتي جذي راح تخلينة علي طول يذكرها لان انتي تذكرينة فيها لا بلعكس انسيها وعتبريها ماضي وفتحي صفحة يديدة والرجال بس يجيلة طفل ينساها وينسي اي حب راح يحس بلتزام ياعمري بهلحنة راح تكرهينة نفسك وخاصة الرجال مايحب اذكرينة بشي مايحب اذكرة تري راح تخربين حياتك

 

[faroos]

انصحج انج تنسين الموضوع مادام تكلمتو فيه


الشيطان يوسوسلج و خليج مثل هالحاله و اسوء


تقولين هو زين معاج و قالج نساها خلاص لا تنبشين اكثر و تطلع اشيا انتي بغني عنها


تعوذي من ابليس


و الله يهديه لج

 

[R هوى روحي R]

انزيييين تنصصحووني اني اقوله يطلع لي كل شي بقلبه حتى اذا في اشياء مضايقته فيني يقولها

مادري انا احس بنقص ومحتاجه له بس احسه بارد وياي مادري ليه

شرايكم اقوله عن هالشي ولا اترك الموضوع بكبررره

 

[زينه البنات2012]

اللله يهديكم

 

[ام الحلوااات]

اللــــــه يـــهــــديــــه ويـــصـــخـــــــره لـــــج

 

[ام فوااز]

تعوذي من الشيطان ولاتخلين الأفكار تلعب براسج
ترى الريال مرده لزوجته وهذاك كان ماضي وكل ريال له ماضي خنكون واقعين وكل ريال مر بنزوة
انتي بشطارتج تكسبينه وتعقلينه
لايوسوس لج الشيطان وانتي من خلال عشرتج معاج يتعرفين شكثر يحبج
الله بسخره لج ويصلح أموركم

 

[هذا اناا]

ليش تبين تخربين بيتج بيدج ترى لا اول واحد ولا اخر واحد كانت له علاقه قبل الزواج نصيحه لاتفتحين معاه هالسوالف ترى بكره يصير الوضع عنده عادي خليج ذكيه ولاتعطينه مجال يتكلم بشي من هالسوالف جدامج

 

[أحلام العمر]

انصحج انج تنسين الموضوع مادام تكلمتو فيه


الشيطان يوسوسلج و خليج مثل هالحاله و اسوء


تقولين هو زين معاج و قالج نساها خلاص لا تنبشين اكثر و تطلع اشيا انتي بغني عنها


تعوذي من ابليس


و الله يهديه لج
جذي محد بيتعب وتنهار نفسيته غيرك حاسه فيك بس هذا كل من الشيطان يكبر السوالف براسك لا تكلمينه ولا تذكرينه فيها والرجال بهالمواضيعع ماراح يقول الصج

 

[قشطة بعسل]

لا تخربين عل عمرج دامه اهو مايتكلم بسالفه ليش تفتحين عل نفسج ابواب

 

[كتالونيه]

حبيبتي
الله يصبرج وانا انصحج انج ماتفتحين
معاه الموضوع
وحاولي تنسينه حبها وتاخذين كل حياته
والله يرزقج ويخليكم لبعض
ملاحظه صغيرونه :-انشالله موضوعج راح انقله
لقسم ثاني لانه في قسم مختص بالمشاكل الزوجيه
وتلاقين عضوات يساعدونج اكثر
وشكراً

 

[كتالونيه]

حبيبتي
الله يصبرج وانا انصحج انج ماتفتحين
معاه الموضوع
وحاولي تنسينه حبها وتاخذين كل حياته
والله يرزقج ويخليكم لبعض
ملاحظه صغيرونه :-انشالله موضوعج راح انقله
لقسم ثاني لانه في قسم مختص بالمشاكل الزوجيه
وتلاقين عضوات يساعدونج اكثر
وشكراً

 

[الجوهرا]

انتي من صجج اتفتحين مواضيع قديمه واصلا اذا استمريتي اتنبشين فيه راح تخلينه يشتاق يرجعلها كأنج قاعده اتذكرينه فيها خليها تولي وانسيه وخليج ذكيه وشاطره حاولي تحتوينه وتنسينه طوايفها عيشي حياتج وريحي زوجج معاج في ازواج طلقو حريمهم ونسوهم واهم عشره ولا هذي شنو وحدا وصخه حرام تضيعين عمرج اتفكرين في هالموضوع

 

[FJ style]

حبيبتي كل مشايخ الدين يوصون ان الواحد ما ينبش بالماضي اللي سبق الزواج
ودام اهو حابج وعازج عطيه وقت ينسى
ترى لو كان يحب صعب ينسى بس عطيه وقت لا تنحشينه منج
وبعدين انتي بطريقتج هذي قاعده تخلينه يتذكرها طول الوقت
غير انج قاعده تخلينه يقارن بينكوم
انتي حنانه وهذيج كانت حبيبه
انتي لجة هذيج وناسه
لاتصيرين غبية وتخربين بيتج
بلا دعاء بلا خرابيط
غلط طريقتج
خليه ينساها ويتعلق فيج اكثر
كوني له حبيبه وعشيقه مو بس زوجه
عوضييييه واخذي قلبه

صح الله يعينج وهالشي يقهر بس حرام دامه قاعد يسكر الموضوع معناته يحبج ومحترمج لا تفتحين باب عليج
باجر يفتح لج قلبه وتسمعين شي يقثج وبهالطريقه راح يتمادى وممكن كل مرة يفتح قلبه وتموتين قهر وممكن ياخذها من باب ان انتي لازم تقدرين ظروفه وووو ولا سمح الله يرجع لها

سكررررري الموضوع وصيري عشيقته
وبعدين انتي تقولين صار لكم ٣ سنين زواج ترى تعتبرين توج وتحتاجين وقت تعلقينه فيج
يالا وين شطارتج
اشتغلي مسجات حب وغرام وسوالف وحركات وطلعات رومانسية وفناتق

لا تكونين نكدية وقثيثة ومزعجة وتخلينه يشتاق