نظامج مع التوأم

[دوم مشتاقه]

مساءكم أحلى مساء
حبيت اسأل اللي عندهم توام شلون تاقلمتي معهم وشنو نظامج معهم
احس أني ضايعه خصوصاً ان ما عندي احد يساعدني تعبت بنومتهم ورضعتهم فقلت مالي الا خواتي بالمنتدى ينصحوني ويفيدوني من خبرتهن

 

[c a t w o m a n]

ما عندي فكرة حبيبتي و ما حيست أطلع بدون رد


انشالله أمهات التوينز يفيدونج بالموضوع

 

[أنا الثريا]

حبيبتي روحي قسم التجمعات اتوقع في تجمع حق امهات التوينز...ان شاء الله ينفعونج

الله يعينج والله تعب​

 

[ام الحلوااات]

يـــارب يـــاكــــريــــم اعـــيـــش هـــاالاحـــســاس
اللــــه يــخــلــي لـــج تـــوأأأمــــج




ااااااااااااااااب لــعـــيـــووونــج

 

[attoosh]

انا ولدت شهر 5 توينز شوفي لازم اكون عندج خدامه ضروري بالنسبه لي بالاربعين ما انام الا ساعتين باليل كل ساعتي ارضع واحد واغير حفاض وامي يعطيها العافيه كانت تشيل عني واحد طول فترة الاربعين عقب لما رديت بيتي انومهم بغرفته وافتح الباب عليهم وعلي واقوم باليل ارضعه مرتين واغر الحفاض مره وبالنهار واحد انام والثاني يقعد مو مع بعض اغلب الاحيان او ما اعلمهم على الشيل كلش واخليهم انامومن بروحهم يعني مو مثل البعض ادور فيهم واخضهم لا عودتهم بروحه اسمالله عليهم الحين 7 اشهر شحلوهم بس واحد فيهم صياااح وشيطان وواحد هادي بس انتي لا تتصعبين الامر ترى بغاية السهولة اذا برمجتي نفسج بس لازم مساعدة المحيطين ابوهم الخدامه امج اختج هذا عادة الناس مع اني انا اداوم الصبح ارجع على 2 اتغدى اقعد معاهم اشيك عليهم انومهم الظهر وانا انام والعصر اقعد اشوفهم اقعدهم معاي بالصاله العبهم وكل 4 ايام اسبحهم وارضعه كل 3 ساعات سيريلاك وحليب واوكلهم روب وجذيه تمشي الحياة بس اهم شي لا اطلعينهم وايد خصوصا ان الجو بارد ولا تخلين كلمن ابوسهم عشان بس اخاف من الامراض يعني تجنبي كل شي ادخلج بلويه معاهم

 

[manoooram]

عندي توأم اسم الله عليهم و كان وقتها خادمه وحده لمن كملوا خمس شهور أو أكثر ويبتلي خادمه ثانيه
اسم الله عليهم نومتهم وقعدتهم وحده حتى لعبي معاهم
ممم بالنسبة لرضعتهم عندي كرسيين من mother care اقعدهم فيهم واشربهم
والحفاظات كل ساعتين تقريبا أو على حسب حاجة الغيار
مممم كنت باجازة أمومه فأقعد معاهم لل 4 أو 5 الفير وننام تالي نقعد عال 11 وعلى طول أبدلهم حفاظاتهم وأكون مجهزة رضعتهم
اسبح كل واحد بروح ربي يحفظهم لي
اهو تعب لكن على شانهم كل شي يهون وراحه فديتهم والله

 

[bambena]

والله تعبت تعب تعب الله يعينج ولازم مساعده

 

[دوم مشتاقه]

كات وومن أنا الثريا مشكوران عالرفع
أم الحلوات عسى الله يرزقج اللي تتمنين
اتوش ومنورام عسى ربي يحفظ لكم الحلوين
الحمد لله بنفاسي كانوا بالمستشفى ما حسيت فيهم بس لما طلعوا تلعوزت لان الممرضات معودينهم على نظام معين وفعلاً واحد شيطان والثاني هادئ
اجهز لهم كل شي وما اطلعهم لاحد وابوهم مو مقصر اذا كان موجود بس تعرفون الرجال ما يتحمل عسى الله يحفظهم لي وياجرنا يا الأمهات
بامبينا والله تعب بس كل شي يهون علشانهم

 

[@ام يوسف@]

ااااب

 

[^noonaa^]

مثل ماقالو البنات تعبب بس هذي نعمه من الله والحمدالله

انا كنت اجابلهم من اول ماولدتهم ليما صار عمرهم 5 شهور و ولا اخلي الخامه تلمسهم بس اتكون امجابلتهم اذا نايمين واكون انا بسوي شغلي

وبعدها شوي شوي خليت الخدامه تمسكهم وتتعلم عليهم عشان دوامي


ونصيحه مدام اهمه صغار خلي شغلهم كله مع بعض نومتهم واكلهم وسباحتهم وشغلهم عشان ترتاحين

واهو صج انه تعب بس ابنفس الوقت اتحسين بمتعه الله يحفظهم ويخليهم لنا يارب

 

[توتاتوتا]

الله يعينش

انا أم 3 توم كان عندي من يساعدني من اهل زوجي الى ان حصلت خدم
الامر متعب بس حاولي تنظمين كل شي وحاولي احد يقعد عندهم تنامين كم ساعة وشوفي باليوتيوب حياة الاجانب مع الاتوام وبالتوفيق

 

[دوم مشتاقه]

مشكوره توتاتوتا
ويعينج حبيبتي والله أنا ما عندي احد بس جبت خدامه لشقتي صرت أنام معهم واقعد معهم نسيت عمري
وانا كانو ثلاثه لكن قضاء ربي خذا واحد مني الحمد لله على كل حال رحمه من ربي

 

[فتون777]

اب اب اب

 

[فديت سالم]

الله يكوون بعووونكم ويخليهم لكم انا بنتين وبينهم سنتين ونص ومتلعوزه ماافيني صبر عاليهاال بس اكييد لو كنت مكانكم بتحمل غصب عني مووطيب مني لوووووول ياااااربي يخليهم لكم وتشووفووونهم معاااريس اللهم امين

 

[أم سم سوم]

أب أب أب أب أب​

 

[manoooram]

up up up up up up

في البداية تعب بس تتعودين عالوضع خلاص تتسهل الأمور ان شالله

 

[ام رينـاد]

اختي عندها توينز ثلاثه الله يعينها صج تعب وصعبه تربيتهم الله يخليهم لها

 

[ام اغلى الناس]

الله يخليهم لكم ويعينكم

 

[دوم مشتاقه]

باقة ورد لكل من رفع الموضوع
وعسى الله يخلي لنا عيالنا وياجرنا على تعبنا عليهم
ويرزق المحرومات بما تقر به اعينهن
اللهم آمين

 

[باقة ورد]

اسم الله عليهم انا سنه كاملة خارج نطاق التغطية وايد تعب و لي الحين الحمد لله بس كثر ما تقرين خلي نومتهم و رضعتهم مع بعض عشان لا ناموا انتي ترتاحين شوي ولا بتنهارين من التعب و انا شايفة ان خادمة وحدة تكفي خاصة اذا زوجج من النوع اللي يساعد ...الله يخليهم لج يا رب