نظام القروبات

[جبل حايل]

مرحبا خواتي شلونكم شخباركم
حبايبي حبيت اسالكم شلون طبيعه القروبات؟؟؟؟؟
انا عمري ما سافرت اللا لدول الخليج وهالمره زوجي يبي دول اوروبا او اسيا المهم
انا ماعندي خبره بالسفر ولازوجي حتى اللغه ماكو ميييييييييييح مانعرف غير ييس ونو
وابيكم تكفون تقولون لي شلون الطريقه هل السفره ممتعه على فكره ترا انا زوجي نحب نكون
بروحنا ما نحب نختلط ما ادري ماعرف حتى زوجي انطوائي شوي فهل القروبات تصلح لنا وشلون القائد
يعطينا كتيبات واللا يروح مع كل عايله ترا ماني عارفه اي شي

 

[الزمردهA]

ماحبيت ادش من غير لا ارد
بس حبين ارفع لج الموضووووع
للرفع
رفع

 

[أم عزيـز]

حبيبتي القروبات اهم شي فيها القايد
اذا القايد زين الرحله تكون زينه
بس اذا القايد عليمي بتتأذون

والحلو في القروبات اليمعه
والرحلات الجماعيه عليهم السكن والافطار والتنقل من دوله لي دوله او من منطقه لي منطقه
وانتوا عليكم اكلكم والرحلات اللي راح تطلعونها

اهلي صار لهم 6 سنين كله قروبات ماشاء الله ومستانسين وايد
بس مره طلع القايد خواره وما اتكلوا عليه وتره اغلب الفنادق توفر لكم بروشورات حق رحلات سياحيه
يعني اذا في يوم راحه او مكان ما تبون تروحوله مع القروب تبلغون الفندق يحجز لكم رحله حق مكان معين انتوا تختارونه وتكونون دافعين فلوس الرحله كامله

 

[اوركيد]

نظام الجروبات جيد للي اول مره يسافر دول اوروبا ولا يعرف اللغه الانجليزية والقايد يذهب مع الكل ويجب ان لا يركز على اسره معينة ويساعد الكل والرحلات كلها جماعية :dddds:

 

[عسل قمر14]

صراحه القروب صعبه يبيلها واحد يعرف انجليزي و متعود

اذا بتجربين نصيحه لآ اذا بتروحون مع قروب اوك وصاح القروب اووكي زين اوكي حلوو

هاذا راي

 

[احلى بنت بالدنيا]

شوفي بحالتكم دام ماتعرفون لغة أحسن شي اهوه الجروب لأن القايد ياخذكم من المطار يوديكم كل مكان .. يعني ماتشيلون هم ولا شغلة .. ويعطيكم معلومات عن أهل البلد ومعلومات عن المناطق اللي فيها وخاصة لو كان مثقف وشقردي .. وممكن يوديكم دول ثانية فوق اللي متفقين عليها مع السفريات .. وأهم شغلة اهوه الراااحة يعني كل المسؤلية مالت التعامل مع الفندق والمواصلات عليه سواء اندرجراوند والا باصات حتى المطاعم الزينة يدليكم اياها

بس عيب الجروبات انكم تلتزمون مع ناس ثانيه .. بس كيفكم ماكو شي يجبركم إلا إلا تكلمون الجميع .. انا صراحة ماحب أختلط فيهم لأن مرات تطلع لكم وحدة فضولية وتقعد تسأل بدون داعي أنا ماحب اللي يتلزقون ويخزون .. ولحقوا عمركم تىى يمكن كل السفرات انحجزت خلاص

موفقة حبيبتي

 

[جبل حايل]

مشكورين يا قلبي انتوا ما قصرتوا