السلام عليكم ..
صارلي تقريبا 5 ايام ماشيه على نظام غذائي خذيته من مستشفى الأميري قسم التغذيه ..
النظام وااايد زين وما أحس انها حارمتني عطتني نظامين حق هالأيام وحق رمضان
بس عيب النظام إن بعد كل وجبه لازم أنطر ساعتين او 3 ساعات عشان آكل وجبه خفيفه قبل الوجبه الثانيه ؟!
يعني مثلا تريقت الساعه 11 أنطر ليما الساعه 1 أو ثنتين وبعدين آكل حبة فاكهه وبعدين اتغدى ..
آنا ماشيه صح معاها بس في شي محيرني حق الغدى معطيتني كوب عيش أو ما يعادل 5-6 ملاعق أكل
معقوله آكل 6 ملاعق غدى ؟!!! اوكي مع سلطه ولبن خالي الدسم بس شوويه 6 قفاش حتى أبوي زفاني قالي آنا أقدر
كمية قوطي الروب وبحط على كبر قوطي الروب وحطالي أحس صج تغديت هالجم يوم بس احط لي 6 قفاش وسلطه ولبن واقووم .. ومعدتي ليلحين تغرد؟!
انتوا شرايكم ؟ ألتزم بال 6 قفاش عيش ؟ و لا على رآي أبوي " مالج شغل فيهم "
وآكل كثر قوطي الروب ؟مع إن ما يبيلي وايد أنزل قالت لي يبيلج تنزلين 6 كيلو بسسس
منو جربت نظامهم ؟ ياريت تفهمني عدل يمكن آنا فاهمه النظام غلط ولا شي ؟!
وهذا النظام
الإفطار :
2 توست أسمر+قطعة جبنه قليلة الدسم أو ملعقة طعام لبنه قليله \ خالي الدسم+خضار+عصير(ماعدا المانجا و الكوكتيل)
أو
كوب كورن فليكس+حليب خالي الدسم+حبة فاكهه
( بعد 2-3 ساعات)
وجبه خفيفه:فاكهه أو كيت كات -->مره كل 3 أيام
الغداء:
كوب عيش(5-6 ملاعق) هذا اللي احسه غلط + صدر دجاج مشوي أو لحم مشوي أو سمك مشوي+سلطه+لبن خالي الدسم
وجبه خفيفه : (( مو محدده وقت !! ما ادري ليش ))
روب خالي الدسم
العشاء:
تبولة (تقليل الزيت)+2 حبة فاكهه أو عصير
أو
فتوش+حليب أو لبن أو روب خالي الدسم --> على فكره آنا آخذ قليل الدسم ماكو بجمعيتنا خالي
أو
1 شاورما لحم + عصير ( مره بالإسبوع )
أو
2 همبورجر مشوي + سلطه +عصير
أو
1 همبورجر +صمون+خضار+عصر أو ملعقة كاتشب+ملعقة مايونيز لايت ..
شرايكم ؟ شنو الغلط فيه ؟ أو شنو اللي آنا فاهمته غلط ؟؟
وزين 6 قفاش عيش ؟ ولا أطنش وأحط كثر قوطي الروب ؟؟
مع العلم يبيلي أنزل 6 كيلو بس و المراجعه الثانيه بعد العيد باسبوع يمكن أو أكثر شوي ..
واللي جربت نظامهم اتقول لنا اضعفت عليه ولا لأ ؟!
ومشكورين :hjy5jewf:
