نظام مقررات | دشو كلكم تكفون _ أستشاره ؟

[| |عيوني لك| |]

سلام عليكم و رحمة الله وبركاتة

شلونكم شخباركم .؟ ان شاء الله بخير

بنات سمعتو بنظام المقررات او شي مثل جذي ؟ وشرايكم فيه حلو او لا ؟ وشنو سلبياته و ايجابياته ؟ وهل هو صعب او سهل او شلون طريقته !

تكفون ردو علي محتااجه ردودكم بليزززززز :eh_s(2):

 

[انثى الكويت]

ماكو مقررات الحين شخباري نظام قديم

الحين نظام موحد ومعدل تراكمي يخلي الطالبه تجتهد من تدش الثانويه وتتعبعلى عمرها من البداية

 

[%F&R%]

مافي مقررات الحين شالوه هالنظام من جم سنه

 

[انا شاطره]

مقرارت شايلنه من زمان انا اخر دفعه فالمقرارت نفس كليه انتي تخترين موادج بنفسج
الحين خلاص كله نظام موحد



غريبه تسالين عن مقرارت

 

[زهرة ووردة]

كح كح كح شخباري المقررات مثل ما قالوا البنات فيه تراكمي بس =))

 

[| |عيوني لك| |]

انا أسأل لاني سعوديه
واحنا مطبقين علينا هالنظام عشان جذي قاعده اسألكم لانكم عندكم خبره فهمتو علي !

 

[انثى الكويت]

اهو المقررات افضل بالنسبة لي
شوفي بخصوص معدلج تراكمي بمعنى عشان كون نسبتج حلوه لازم تجتهدين

والحلو بالمقررات لو سقطتي بماده بس تعيدينها بروحها وماكو دور ثاني يعني نفس الجامعه بالضبط


بس اهو يجبر اطالب انه يجتهد ويتفوق عشان يرتفع معدله التراكمي وييب اكثر من ٣ نقاط ونص


والله يوفقج

 

[Stop]

وعليكم السلام ..
خوش نظام ..بس لازم تشدين حيلج لان على اخر الكورس ممكن توقف نسبتج ..يعني الاعتماد الكلي على اول كورس ..لو شديتي حيلج اخر شي ما ينفع ..لان راح ترتفع نسبتج شوي حتى لو كانت درجاتج زينه..وبالتوفيج

 

[| |عيوني لك| |]

حبايبي مشكووورين

هاه شرايكم ادش مقررات مع اني ودي اييب نسبه 100% هذا حلمي و اخاف ادش مقررات ومستحيل ايب هالنسبه !! شرايكم