نظفي بشرتج بالبيت - تعالي اعلمج شلون

[حناينq8]

اذا وقتج ما يسمح
او ما حابه تقطين فلوس وايد على صالونات وعيادات
حابه كل اسبوع تنظفين بشرتج

خصصي يوم

والاهم يكون بوقت استحمامج

مع ماي الدوش والبخار مسام البشره تكون مفتوحه وافضل من تعريضها المباشر لجهاز البخار الخاص اللي يضر اكثر ما ينفع

الخطوه الاولى - غسلي ويهج بصابون او غسول مناسب
شرط انج تفركينه بمفراكه خشنه شوي وخاصه بالويه

وخري عن السنفره الخشنه

هذا صابوني المفضل من لاش - صابونه العسل
لاش موجود في 360 تحت مقابل جيان وموجود بالافنيوز فوق مقابل كيدزانيا

عقب ما تخلصين سباحه نشفي ويهج عدل وبللي منطقه الانف وحطي لزقات بيوريه - هذي احسن ماركه لزقات

واذا فيج حبوب ونقط سودا بالحنج هم حطي لزقه

شوفي توقيت اللزقه على العلبه واظن ما تتعدا ربع ساعه تالي شلعيها وغسلي مكانها عدل ( لازم تنشف عدل وتصير يابسه)



حابه تحطين ماسك

حطي روب فقط لا غير ينظف ويشد ويعطي نضاره

خليه نص ساعه

وتالي غسليه - وبللي ويهج بماي الورد

ولا تستغنين عن ماي الورد يوما

أي وقت شفتي ماي الورد جدامج رشي بويهج منه

دايما اسوي هالطريقه السريعه والبسيطه نتايجها حلوه ومضمونه ومن اغراضي الخاصه والبيت

حابه تنظيف بشره اعمق راح احط الطريقه بوقت ثاني

:eh_s(7):

 

[ريتاج_90]

جزاج الله خيييير
وماقصرتي ..

اب
اب
اب

 

[lulu_q88]

اللزقات هذي كننننت ادورها وراحت عن بالب ذكرتيني فيها جزاج الله خيرر


ولااش موجود بعد ب ٣٦٠ تحت عند جيان

 

[مـهـــابــــه]

جهاز تنظيف البشره بس مو هاللون وردي .. توني ماخذته من سيفورا
الجهاز عجيب و طريقته سهله
في منه انواع للبشرة ااحساسه
و البشرة الجافه
و البشرة اللي تعاني من مشاكل و اكنيز
و البشرة المختلطه

طريقته تحطين غسولج العادي اللي تستخدمينه كل يوم و تشغلين الجهاز ع وجهج يشتغل عشرين ثانيه ع كل زاويه
اول شي الجبهه و بعدين تحت حرف الt وبعدين اخر شي الخدود
و بعطيج تنبيه اذا خلصت المده حق كل اتجاه

فايدة الجهاز تنظيف عميق باكثر من ااطريقه العاديه
انا اعاني من بشرتي تترسب حيل شي طبيعي لان جونا الغبار و الشمس و اثار المكياج بعد كلها تحتاج تنظيف عميق الصابون و الماي اللي هو التنظيف العادي ما يطلعه مهما كنتي دقيقه في تنظيفج
الجهاز تستخدمينه مرتين بالاسبوع و حقق مبيعات قويه في كل انحاء العالم و يستحق التجربه :rerrerek:

 

[جوري الصالح]

مـــــــشـــكورة
ربــــــي يـــــــــــــسعدج

 

[أم*سلمان]

مشكوره

 

[M!SS.LOBY]

يعطيج العافية عالموضوع

 

[فوزيه الراسي]

جزاج الله خيرا حبيبتي

 

[حناينq8]

العفووووو حبيباتي

 

[نوف الصقعبي]

تصدقين حناين جم مره اروح افنيوز ومادل وين طريجه هاللاش طلع عند كيدزانيا

يعطيج الف عافيه وهالليف وايد احبهم وصج حق الويه ممتازين وينظفون عدل مدل

اشتريهم من مركز سلطان

وشنو احسن شي اذا بروح لاش تنصحيني فيه ترى ولامره رحته​

 

[حبي ركاده]

تسلمين صاحبة الموضوع طريقه سهله وبجربها

جهاز تنظيف البشره بس مو هاللون وردي .. توني ماخذته من سيفورا
الجهاز عجيب و طريقته سهله
في منه انواع للبشرة ااحساسه
و البشرة الجافه
و البشرة اللي تعاني من مشاكل و اكنيز
و البشرة المختلطه

طريقته تحطين غسولج العادي اللي تستخدمينه كل يوم و تشغلين الجهاز ع وجهج يشتغل عشرين ثانيه ع كل زاويه
اول شي الجبهه و بعدين تحت حرف الt وبعدين اخر شي الخدود
و بعطيج تنبيه اذا خلصت المده حق كل اتجاه

فايدة الجهاز تنظيف عميق باكثر من ااطريقه العاديه
انا اعاني من بشرتي تترسب حيل شي طبيعي لان جونا الغبار و الشمس و اثار المكياج بعد كلها تحتاج تنظيف عميق الصابون و الماي اللي هو التنظيف العادي ما يطلعه مهما كنتي دقيقه في تنظيفج
الجهاز تستخدمينه مرتين بالاسبوع و حقق مبيعات قويه في كل انحاء العالم و يستحق التجربه :rerrerek:

حبيبتي مهابه شوقتيني ع الجهاز بجم شريتيه ؟؟ يبيله اجربه

 

[حناينq8]

تصدقين حناين جم مره اروح افنيوز ومادل وين طريجه هاللاش طلع عند كيدزانيا

يعطيج الف عافيه وهالليف وايد احبهم وصج حق الويه ممتازين وينظفون عدل مدل

اشتريهم من مركز سلطان

وشنو احسن شي اذا بروح لاش تنصحيني فيه ترى ولامره رحته​

نوف عيل روحي اللي 360 مكانه اسهل
راح احط موضوع منفصل عن افضل مشتريات لاش