نظفي جهازج من اي سباي وير او تروجان بعدها عطيه التطعيم خخخخخخخ- شرح بالصور خطوة بخطوة

[سرا الساري]

:68_asmilies-com:

مقدمة لابد منها << لازم اتشيحط عليكم لووووول
اذكر قبل 12 سنة مع بداياتي في عالم الكمبيوتر <<< كح كح كح طلع منها الغبار
ماكان فيه شي اسمه سباي وير او تروجان
كانت الفيروسات لاعبة فينا لعب <<< شدعوة ماردونا مو فيروسات
المووووووهم الحين خفت حرب الفيروسات وطلعت لنا التروجان والسباي ويرز
ومشكلة هالخايسين انهم ما يخربون الاجهزة مثل ماكانت تسوي الفايروسات فتكونين عارفة
انج اصبتي ولازم علاج
لأ - هالخايسين يبلطون في الجهاز ويلعبون فيه على كيفهم وانتي ولا انتي دارية عن هوى دارهم
الحين شالفرق بين التروجان والسباي وير؟
اقولكم
التروجان الله يسلمكم هو عبارة عن برنامج يزرعه بجهازكم هكر - ووظيفته حسب ما الهكر يحددها له
يعني فيه تروجانز تسجل بس ضغطاتج على الكيبورد وتدزهم للهكر ومنها يصيد ايميلج وباسوردج وهلم جرا
وفيه اللي العن من جذي اللي يخلي هالهكرز يحوس بجهازج كانه جهازه ويسحب الملفات اللي يبيها وانتي خبر خير

اما السباي وير فهو شبيه بالتروجان بس يختلف الزارع والهدف من الزراعة <<< شكلنا صرنا بالوفرة
السباي وير تزرعهم مواقع تجارية وتستغلهم في انها تسجل المواقع اللي انتي تزورينها وتسوي منها السجلات احصائيات وتبيعهم.

طبعا السؤال شلون يدخل بجهازي تروجان وسباي وير وانا عندي انتي فايروس؟
اقولج لسببين
الاول انه الانتي فايروس ما يكون محدث <<< يعني مغبر مثلي
الثاني انه التروجان مايدزونه على هيئة تروجان فضيحة لأ يغلفونه - يعني يحولونه الى ملف فلاش او صورة او فيديو او لعبة وانتي يا غافلين لكم الله
وممكن يكون الانتي فايروس مالج مغبر حده يكشف فايروسات مالت قبل تعش سنة

ادري قرقت عليكم وايد وعورت راسكم
الحين انيي حق موضوعنا وهو شلون انظف جهازي من هالبلاوي وعقب ما انظفه اعطيه تطعيم يسوي له حصانة منهم ؟

بنحتاج حق هالبرنامج الروووووووعة وهو مجاني 100% ومايبي منكم ولا فلس حمر
http://client.updatestar.com/files/download/spybotsd160.exe

عقب ما انزل البرنامج نبتدي عملية الانستول ونتبع الخطوات مثل ما نجوفها بالصور

نخليها انجليزي عشان ماتتوهقون بعدين لانه الصور كلها انجليزي

نضغط next

نختار I accept the agreement وبعدها next
بعدها 4 شاشات كلهم next بدون ما نغير اي شي فيهم

طبعا install

نضغط finish وراح يشتغل بعدها البرنامج اوتوماتيكيا
بتطلع لنا هالشاشة

ونضغط اوكي بدون ما نغير شي
بعدها هم شاشتين كل شاشة فيهم نحط next بس مانغير اي شي
بعدها راح يحدث البرنامج - نخليه يحدث عادي وبعد ما يخلص اخر شاشة فيها next ويفتح البرنامج على هالشاشة

ونختار check for problems ونخليه يدور براحته
ولما يخلص بيعطينا الملفات الخايسة اللي لازم نتخلص منها

فنضغط fix selected problems
وبعد ما يخلصنا منهم
نقوم ونطعم الجهاز عشان تصير عنده مناعة
ونضغط على Immunize
وعقبها نسوي ريستارت للجهاز ونبخره
وسلامتكم
:ggdw:

 

[عنووشه]

مشكوووووووووووووووووووووووره حبيبتي سرا الساري يا ام كلثوم انتي

والله طبقت اللي قلتيه لي وقاعد يتحمل البرنامج

 

[عهود الحب]

جزاج الله خير ودنا نتعلم
مير الصور موطالعين
حاولين تنزلينهم من جددييد
عسى ربي يخليلج غاليج

 

[عنووشه]

خيتو سرا انا حملت البرنامج بس ماينزل عندي مو راضي شكل لاب توبي فيه خلل

 

[سرا الساري]

عهود - مو مني من المنتدى ما ادري ليش عفس لي الصور جذي
ان شاء الله اذا يصير اعدلهم راح اعدلهم

عنووشه - مافهمت شلون ماينزل عندج؟
انتي ماتستخدمين برنامج تحميل؟

 

[الاحساس]

ثانكس لج حبيبتي

 

[معلمة روضه]

مشكوره وبندعي لج ان شاء الله

 

[عنووشه]

نزلت البرنامج ولما سويت له install

ماصار وياي مع انه طبقت كل الخطوات بالحرف الواحد ياليت تفيديني

 

[Chocolate Milk]

شلون اددري اذا انمسحوا ولا لأ؟

 

[سرا الساري]

عنووشه روحي المجلد اللي انتي حافظة فيه البرنامج وسوي عليه رايت كليك وبعدين run as administrator

ستروبرية - قصدج ملفات السباي والتروجان؟ بعد ما يسوي سكان قلنا نسوي fix problems عشان يمسحهم وبعدها نسوي immunazie مناعة عشان مايرجعون مرة ثانية لاهم ولا غيرهم وعشان تتاكدين ان جهازج صار نظيف ويلق ويلمع سوي سكان مرة ثانية وشوفي النتيجة

 

[anoore]

مشكوره

 

[ريومة1]

مشكوووورة حبيبتي
انزين سرا بسألج سؤال؟؟؟
ممكن اتعلميني اشلون اسوي فورمات حق جهازي وشكرا

 

[اسرار الغلا]

واذا انا حاطه حمايه من الفيروسات يصير اسوي ها الخطوات او لا؟؟

 

[سرا الساري]

ريومة الفورمات ما يبيله شي بس اهم شي لازم يكون عندج سيدي الوندوز وسيدي التعريفات والبرامج الثانية مثل الاوفيس والحماية والريل بلاير وفك الضغط وحرق الاقراص. انتي تبين اتطبقين والا بس تتعلمين؟

اسرار الغلا - اي هذا ما يتعارض مع برامج الانتي فايروس يعني هذا مع هذاك يكملون بعض

 

[CANDLES]

يعطيج العافيه حبوبه

 

[مطيريه ماركه]

يعطيج العافية

 

[غروري ضروري]

يسلمووووووووووووووووووووو

 

[spanish-girl]

سرا الساري نزلت البرنامج وطلعت بلاوي بس ما حذفهم سويت سليكت عليهم بعدين حطيت فيكس problem ماكو شي

 

[سرا الساري]

سبانش <<< مرت باباي يعني؟؟

اذا ما انحذفوا هذه معناته انهم شغالين وراح يحذفهم اوتوماتيكي لما تسوين ريستارت

 

[وجه الخير]

مشكووووووورة