نعالوا طمنوني وواسوني

[انصاريه قمره]

مساااء الخير حبايبي اشونكم شخباركم مع الحمااال :eh_s(17):

بدش بالموضوع دايركت لاني متضايقه وخااايفه

انا صارلي فتره احس بصداااع مو طبيعيييي وساكته عن نفسي اليووم قعدت من الالم ابجي موو قادره اتحمل قلت حق ريلي خل نروح المستوصف رحت قاست الدكتوره ضغطي قالت مرتفع لازم تراجعين عندنا قلت لهاا في خطر عالبيبي قالت عليج وعالبيبي انزين انا الحين حيييل متضااايقه وخايفه يصير بالياهل شي خصوصا لمه قريت مضاعفات المرض انا وين والضغط وين بنات عفيه طمنوني في وحدا صارلها نفسي وولدت بسلام ؟؟ والبيبي سليم ؟
انزين شنو لازم اسوي عالاكل وغيره مابي يصير شي بالياهل لاقدر الله ؟؟

 

[انصاريه قمره]

اي اسفه نسيت اسأل
البندووول يضر الياهل ؟؟ وحبوب الضغط ؟

 

[وردة الدوحه]

حبيبتي سلامتج أول شي وثاني شي لاتخافين ولاتحاتين أنا أختي صادها ضغط في الحمل والحمدلله ماصارلها ولجنينها شي مع متابعة الطبيب سوت كنترول ويابت بيبي مثل الورده
أهم شي ابعدي عن العصبيه والقلق والمأكولات اللي فيها ملح
وثاني شي أكلي بندول لين بكره طبعا البندول الأزرق كلش ميأثر ع الحامل وهالشي عن تجربه
بس اهم شي مراجعة الطبيب والتوكل على الله
عيل شتقولين عن اللي صادها انفلونزا الخنازير في ثاني شهر وماخليت انتي بايوتك ولا دوا ماخذته ليما طبت والحمدلله أنا والياهل بأمان كله من التوكل على والحمدلله ع كل شي

 

[روحي82]

مرحباا حبيبتي اي يضر اذا اكلاتي شي مالح

ولا زم متزعلين عشان الضغط مايرتفع ومرات يحتاج دخول المستشفي لان اذا ارتفع حيل

يمكن يصير ولاده مبكره

انا رفيجتي نفسج ضغط وكانت علي طول دخول المستشفي بس يابت ولدهاا الحمدالله زين

وانتي بعد شوفي عمرج وارتااحي وراجعي الطبيب

 

[ام ساره 4]

حبيبتي ماتشوفين شر ان شاء الله تابعي ضغطج مع الطبيب يعني قيسي ضغطج كل يوم وشربي كركديه بارد واخذي البندول الأزرق بس طبعا بعد الشهر الرابع وماتشوفين شر ان شاء الله

 

[tbola]

حبيبتي بعيد الشر عنج وعن البيبي ان شاء الله عليج بالدعاء والله يقومج بسلامه

 

[بدوية بملامح كشميرية 86]

ان شاالله. مافيج الا. العافيه. انتي. والنونو

اشكثر. اعرف. نفس. حالتج. ولدوا. بالسلامه

تابعي. مع. دكتورتج. وان شالله تبشرينا. بولادتج بالسلامه


اما الحبوب. سالي. دكتورتج. احسن


انا. بحملي بجري. والله. ماخليت. البندول. من. اول شهر لاخر شهر اكلهم. والله. يعيين

 

["*آآآنؤؤؤقهـ*"]

الله يسهل عليج وعلى البيبي

الله يعينج داري نفسج وارتاحي نفسيا وجسديا..

 

[ابدا يالغالي مانساك]

حبيبتي اسم الله عليج وان شالله مافيج الا العافيه والخير وديري بالج علي حالج لاتعبين نفسج

 

[انصاريه قمره]

مشكورييييييييييييييييييييين حبايبي طمنتوني الله يطمن بالكم وعسى ربي يحقق لكم اللي اتمنونه ادعولي الله ايسر اموري ويبعدني عن الضيق والمشاكل ويحفظ جنيني

 

[! بــدويه وآآيــد !]

،



حبيبتي انصااريه اسم الله عليج فديييييييييتج
عسى الله يقومج بالسلامه والله ماعرف كلش بامور الحمل بس ديري بالج على نفسج حبيبتي
وطمنيني عليج

 

[TeKaNa_Girl]

مااتشوفين شر
وتقومييين بالسلامه

 

[nadoo]

الله يهون عليج وتقومين بالسلامه

 

[reem83]

انتبهي من الضغط ترى مو زين وحاولي تاكلين اشياء تقلل الضغط مثل الكركديه

 

[بعدك تعبني]

سلامات ماتشوفين شر ديري بالج على نفسج انصارية ودي اتحجى وياج ظروري امر فيه حيات وممات هل من طريقة عشان اكلمج ؟؟؟؟؟؟؟؟ او عطيني ايميلج برسالة خاصة

 

[ام الحلوااات]

الـــبــنـــات مـــا قـــصــــرو عـــطـــوج نـــصــايـــح
بـــس انــتــي ديــــري بـــالـــج عــلــى حــالـــج وانتــبــهـــي مــن الــزعــل والــمــحــاتـــاه
واللــه يــحــفــظــج وبــحــفــظ الـــبــيــبــي يـــــارب​