نعم لأكل البيت و لا لغراش الجمعية .. ابتداءاً من 6 شهور !!

[Um Tuki]

قوة بنات شلونكم ..

عشان الكل يستفيد .. :rerrerek:

كل وحده تقول شنو تسوي حق ولدها او بنتها أكل ..

طبعا من 6 شهور لـ سنة !!

عشان انوع طبعا انا مستحيييييييييييييييييل آعطي ولدي أكل غراش اللي صار له دهر مقطوط بالجمعية :bbbiu:



انا ببتدي ..

اسوي الغدا حق يومين ..

المقادير :

# كوبين ماي
# 4 ملاعق أكل كويكر
# نص كيس شوربة ماجي الشعيرية بالدجاج
# جزر وحده أو كوسة وحده أو سبانخ صرة صغيرة ..

الطريقة :

اخلطهم كلهم مع بعض .. يعني يوم اسوي مع جزر و يوم اسوي مع كوسة ..

آبشر الجزر او الكوسة فالجدر .. و احط باجي المقادير لين ما يطبخ و يستوي غلييظظ ..

آخر شي آخليه شوي يبرد عقب آشغل عليه البلندر .. و هذا احسن اختراع بمطبخي

و هذي صورة مشابهه له ..

و في منه أنواع وايد ..

و تالي لما يبرد احطه في حافظة .. :rerrerek:

و عليهم بألف عافية .. :eh_s(7):

 

[حبيب قلبي]

سويت كوبي بسويها ان شاءالله وبقول لكم طريقتي اسوي تقريبا قفشتين عيش عقب مااغسله احط معاه جزر وبطاط وبجدر ثاني اطبخ صدر دجاج او لحم وعقب مايستوي احطه بلخلاط مع جبنة كيري وبلعافيه

 

[iLLuMinaTion]

بالعافيه

 

[أم سارا]

بنات الي اعرفه السبانخ مو زينه حق الطفل قبل السنه

 

[SH5SH5]

انا اسوي عيش وبطاط وجزر

ولاحظت انه وايد تعجبه

يعطيج العافيه

 

[ملوكـه]

يعطيج العافيه
حلوه طريقتج
جاري التجربه

 

[سكرة هانم]

ولدي الله يحفظه عمره 7 شهور

الغدا
عيش وجزر و كوسا
وامس سويناله عييش وطماط ..بس ما استساغه كله شوي

العصاري
بسكوته احطها بايده ياكلها وطبعا نصها على هدومه وويها فديته بس بعلمه ياكل بايده

وبليل

فارليز او سيريلاك قمح او فواكهه طبيعيه

للاسف اني ما افضه اسويله اكل عشان جذي اعتمد عالاشياء الخفيفه
ودي اعطيه بروكلي و افاكادو وبطاطا حلوه و قرع لان هالاشياء مقيده وتناسب عمره
واخر الشهر بدخله مرقت الفوح مالت الدياي ..

 

[سكرة هانم]

ما انصح تحطين شوربت ماجي لان وايد عليها حجي ان موزينه

 

[@ام يوسف@]

ااااااااااااااااااب

 

[noo7a]

انا اسويله مثل المرق
طماط مطحون شويه معجون طمام
و احط معاه الخضروات جزر كوسا بطاط بروكلي
يعني انوع بينهم
بعدين لمن يستوون اخلطهم مع بعض وانعمهم
و العيش او الشوفان اسويهم بروحهم
ووقت الوجبه اخلطهم مع المرق


و عندج بعد الكسترد الطريقه موجوده عالعلبه زياده انا اضيف فواكه اكون مفوحتهم و طاحنتهم

و بعد المحلبيه


و الفواكه
اشكل بالانواع الي ابيها افوحها و اهرسها
و ماي الفوح مرات يزيد اخليه يبرد و اعطيه اياه مثل العصير المخفف

بس الفواكه لمن اسويها حق نفس اليوم لانها تخرب و تتغير لونها بسرعه

 

[نوسآ]

موضوع مفيد

يعطيكم العافية

 

[فوفو ابداع]

موضووووووووووووووووووووووووووووووع رانع

 

[a7la _limOoO]

ولدي مايحب الخضرواات بالمرة بس الي بالجمعيات عادي ياكل ومو كلهم بعد

يحب الشوربات وخاصة شوربة امي الله يطول بعمرها

يحب صفار البيض اخلطه مع زبادي او لبنة

يحب الموز والتفاح والعنب واكلهم اياه من غير ما افوحهم

ويحب الرقي الاحمر

 

[KOKO_284I]

انا للبيبي مستحيل اييب من الجمعيه كل بالبيت اسوي

 

[Um Tuki]

فديتكم وان شاء الله نستفيد من اللي كتبتوه ..

انا ولدي ما يحب العيش وايد ..

و بالنسبة للي تقول عن السبانخ .. لا حبيبتي تطمني انا وسواسية درجة أووووولى ما أعطي ولدي أي شي قبل الاستشارة
طبعا من الدكتورة

ترى وايد مفيد له

 

[بنت ذآك الأمير!]

ومنكم نستفيد
موضوع ممتاز

 

[ام الحوراء زينب]

الموضوع بوقته
سويت حق ولدي عيش وبطاط وجزر وااايد حبه
وعيش قرع وكوسا كلش ماعجبه يشوفه يبجي لووول
اليوم سويتله افاكادو وموز للحين ما جربت خل يقوم من قيلولته واجرب واقولكم النتيجه

 

[Mednight Rain]

حابة افيدكم بتجربتي

لازم تشتمل الوجبة على بروتينات ونشويات ومعادن وكالسيوم

الصبح اوي فواكة ( تفاح مهروس او افوكادوا او موز او عصير برتقال مخفف او عرموط)"
الغدا دجاج او لحم او سمج مخلوط مع عيش او معكرونية ( بروتين مع نشويات)
العشا خضروات مهروسة ومطبوخة بماي ( جزر وكوسا وبطاط وبطاطا حلوة وقرع وبروكلي) اخلط نوعين مع بعض

وكله فرش

 

[Mednight Rain]

وبعدوا عن الفواكة المعلبة الله يديم النعمة ريحتها تصك الراس
بس اشتري بسكوت ومن ميلوبا بودرة اخلطها مع ماي ( ارز بفانيلا) للطواريء

 

[beauty rose]

يعطيج العافية حبيبتي