نــــــــــــــــــــداء للإخت دلوعة أمها.. وللي حاب يساعد يتفضل

[asma_alyousef]

أدري نداء جنه داشين حرب اسفة خرعتج..
قلت بما انج مسئولة القسم يمكن تساعديني بهالشي دامج خبرة.
انا بولد انشالله وابي افكار حق غرفة نومي شارية كل شي بس باقيلي شي فوق السرير.. قبل كنت حاطة هذي الناموسية وتارستها ورد وجذي بس مليت ودي اغير؟؟؟؟ وابي افكار اذا عندج .

وياريت بعد البنات يساعدونا انا احب الغرفة المليانة.

 

[ساره ستايل]

عندج الاخت ام الطيب افكارها حلوة
ومزيزنه وشقرة بعد ذويقة
وباجي البنات انشالله مايقصرون معاج

وانشالله تقومين بالسلامه

 

[asma_alyousef]

الله يسلمج شاكرة مرورج حبيبتي ساره

 

[om_jenan1978]

أحلي شي بساطه . حطي حوض مدور زجاج فيه سمج ويكون لون السمج مناسب لون الكفر . روحي لاند مارك وأخذي مزهريات زجاج وحطي ورد كبير وحلو علي لون كفرج . أشتري مفارش للطاولات . وخل افكر واقولج حبيبتي

 

[دلوعة امها]

هلااا وغلااا فيج حبيبتي حاضريييييييييين للطيبيييييييييييييييييييين ان شاء الله ايمعلج الأفكار واحطهم لج والله يهون عليج ياااااااارب .[/CENTER

انتظريييييني لي عوده قريبه باذن الله .​

 

[asma_alyousef]

QUOTE=om_jenan1978;1098935]أحلي شي بساطه . حطي حوض مدور زجاج فيه سمج ويكون لون السمج مناسب لون الكفر . روحي لاند مارك وأخذي مزهريات زجاج وحطي ورد كبير وحلو علي لون كفرج . أشتري مفارش للطاولات . وخل افكر واقولج حبيبتي [/QUOTE]

هذي الشغلات خلصتها بس ماحب السمج بنتي شيطانة اخاف اتغافلني وتدخل الغرفة وتكت الماي

 

[asma_alyousef]

هلااا وغلااا فيج حبيبتي حاضريييييييييين للطيبيييييييييييييييييييين ان شاء الله ايمعلج الأفكار واحطهم لج والله يهون عليج ياااااااارب .[/CENTER

انتظريييييني لي عوده قريبه باذن الله .​

ناطرتج على احر من الجمر ​

 

[q8 83]

حبيبتي لاند مارك عنده حركات حلوه روحي و اخذي افكار

 

[Kuwait]

الله يقومج بالسلامه

 

[asma_alyousef]

مشكورين شاكرة مروركم الطيب.

 

[أم بدير]

حبيبتي مايصير نألف من مخنا بدون لاتعطينا فكره عالأقل عن شكل الشغلات اللي انتي شاريتها بتحطينها بغرفتج
وشنو نوع الاشياء اللي تبين افكار فيها

ياليت توصفينلها الشكل العام للغرفه عشان نقدر نتخيل شكلها ونساعدج تضيفين عليها شغلات تخليها احلى ​

 

[asma_alyousef]

حبيبتي مايصير نألف من مخنا بدون لاتعطينا فكره عالأقل عن شكل الشغلات اللي انتي شاريتها بتحطينها بغرفتج
وشنو نوع الاشياء اللي تبين افكار فيها

ياليت توصفينلها الشكل العام للغرفه عشان نقدر نتخيل شكلها ونساعدج تضيفين عليها شغلات تخليها احلى ​

اممممممم.... شلون اوصف الغرفة مربعة 5*5 وفراشي بالنص على يمينه ويساره كوميدونو والدريشة على اليمين والكبت مال الملابس على اليسار والباب مجابل السرير والتسريحة منخشة ورا الباب على اليمين ((هذا وصف الغرفة بالضبط))
شريتلي الله يسلمج كفر بني بذهبي عليه ورد الارضية بني والورد ذهبي والستارة بنية شيفون بس خذيت كذا قطعة عشان تصير متروسة وبحط فوقها خام ذهبي ستان يعطي حركة وجم شمعة وقطعة زولية صغيرة قلت احطها جدام السرير انا عندي ناموسية بيضا مالت ايكيا لان غرفتي حاليا درجات البنفسجي اهي اللي تارسة الغرفة وعلى يمينها فوق الكوميدينات لوحتين عرفتي هذيلي همن شريتلي لايقين ويا الكفر من درجات الاوان جذي بس المشكلة مادري اذا شلت هالستارة اللي فوق السرير شحط بدالها ماودي بنفس الفكرة .. يمكن اصبغ الطوفة جهة وحدة والله مادري.

 

[أم بدير]

تقدرين تحطين براويز مختلفه احجامهم يم بعض بس بطريقه عشوائيه
وتقدرين تحطين ورد بنفس لون الورد اللي عالكفر وتلصقينه عالطوفه اللي وراج بس تخلينه بارز يعطي منظر حول

شوفي هني اللوحات اللي فوق السرير وايد حلوين

ولو تاخذينلج بف ضغير يحطينه عالارض ويمه كوشيات من نفس درجات الالوان بيصير شكله روعه
خصوصا اذا خذيتي قطه زوليه وسط اذا غرفتج سيراميك شي مثل اللي بالصوره تقريبا

 

[asma_alyousef]

ياريت يبقى عندي هالفراغ بالغرفة المشكلة كبت الملابس بالغرفة وكبير

 

[أم بدير]

اي مو انتي تقولين تحبين الغرفه تصير مليااااااااااااااااااااانه
خخخخخخخخخخخخخخخخ
شوفي
ليش ماتغيرين مكان الكبت؟؟
ياتطلعينه بره اذا عندج له مكان بره
والا حطيه اهو بويه الباب اذا يكفي المكان
وخلي الكرفايه حدر الدريشه اذا ممكن
واذا مايصير خلي الكبت مكانه بس هم خلي الكرفايه حدر الدريشه
وبعدين حتى ماراح تحتاجين شي فوق الكرفايه بس تفنتقي بالبرده وسويها شي فنتق فوق الكرفايه​