نفسيتي جدا تعبانه

[معشوقتي امي]

صباح الخير بنات
الله قدر ان مايكتب لي الحمل والحمدلله علي كل حال نزل امس الدوره ورحت سويت تحليل مافي حمل
المهم بنات ابي اسال شرايكم بدكتور اسامه صالحه منو مجربته وشلونه والثاني دكتور بتريك اللي بمستشفي لندن
ناس امدحته لي بشوفه شلونه لان انا مرتين سويت هالعمليه عند دكتور حازم الرميح وماصار حمل
قلت بغير الدكتور امانه اذا في وحده جربت هالاثنين تخبرني
ومشكور حبيباتي والله يجبر خواطرنا ونحمل

 

[شهد العسل ومر]

الله يرزقك بالحمل يارب خلي زوجج يحلل
وقومي الليل ان سهام الليل لاتخطئ

 

[نسمة هواها]

ماجربتهم ... بس والله الله مارزقني الا بعد ماوثقت في سبحانهعليج بالدعاء والاستغفار حسن الظن بالله


يمدحون ناهض حييل بالمواساه ويارب ربي يرزقج قرريب ياارب

 

[@محروسه@]

ربي يرزقج يارب
انا جربت باتريك بس حيييييييل مادي
صار حمل بس نزل بعد التحليل بيومين مادري يسمونه حمل كيميائي
بس كان يضغطني بالابر وبعد ترجيع الاجنه نمت ثلاث ايام بالمستشفى لغرض الفلوس بس
اساسا بعد الترجيع عادي ترجع البيت بس ماادري ليش نمت نومني واهو الدكتور الوحيد اللي ينوم مرضاه
وحاليا اراجع عند ناهض حماديه بالمواساة لحد الحين ماشيه ع الابر ماادري متى السحب
والله كريم ربي يرزقج ويرزقج كل محروم

 

[Pink_Roses]

انا اراجع عند اسامة صالحة صارلي سنة وايد ناس يمدحونه بس للاسف انا حظي معاه مو شي لدرجة اني الحين افكر اغيره من الكثر الضغط اللي عليه ما يركز خل اقولج شنو صار معاي انا عندي اجنة مجمدة وكنت ابي ارجعهم المهم عطاني ابرة ديكاببتل و برجلتون وفي اليوم اللي مفروض اخر سونار عشان يحدد عملية الترجيع قالي بطانة الرحم ضعيفة وكنسل عمليتي وقالي لا تراجعيني الا بعد 3 دورات وقالي من الابرة اللي عطيتج اياها الدورة ماراح تييج الا بعد 3 اشهر المهم طبعا انا نفسيتي صارت زفت وقعدت انطر الدورة ما شرفت بعد 3 اشهر المهم رحت سويت تحليل هرموني طلعت حامل رديت راجعته سوالي سونار جان يقولي مستحيل تكونين حامل هذا حمل كيميائي اهني تحطمت وهم بعد يومين صارت عندنا حالة وفاة و هم سببت لي صدمة وانا فيني ضغط وضغطي ارتفع و تعبت حيل رحت راجعت عند دكتوري مال الضغط وقلتله شنو صارلي المهم قالي بسويلج سونار على الكلى واهني دكتور السونار اكتشف ان في جنين بس مافي نبض وقالي ان الجنين عمره اكثر من شهرين بس الظاهر من الضغط توفى وطبعا اضريت اني اسوي تنظيفات بذمتج مو شي يحر لو ان مركز بسوناره اشوي جان شاف الجنين بس من العيلة

المهم السنة هذي راجعته وهم عشان ارجع الاجنة المجمدة رد عطاني نفس الابرة بثاني يوم من الدورة وراجعته بعد اسبوعين جان يقولي انتي الابرة ماصار لها مفعول وانتي كنتي لازم تاخذينها باول يوم من الدورة انزين ليش ما قلت من اول انا بمراجعتي له قلتله اني اليوم ثاني يوم دورة

الصراحة يبط الجبد ما احس ان مركز من الزحمة

 

[معشوقتي امي]

والله يختج الله يعين احنا نبي اي دكتور يساعدنا ونستحمل كل شي
والدكاتره هني مايهمهم شي انا كنت ناويه اروح حق اسامه صالحه بس اشوف بالمنتدي محد يمدحه
الاقليل وفكرت اروح حق باتريك هم نفس الشي يااااارب وين اروح وانا حالتي خاصه
يارب يفرجها علينا ونحمل بدون شي ياكريم ومشكورين حبيباتي علي الردود

 

[rawae3]

ارسلي لي مشكلتك اختي برسالة على الخاص وان شاء الله يمكن لاقي لك العلاج ان شاء الله بدون دكاتره وادوية عن طريق حكيمة ساعدتني وكنت تاخرت كثير لسنين في الحمل وبالاخر بتواصلي مع الحكيمة ربنا رزقني الحمد لله

 

[بقايا كحل]

الله يرزقج ويرزق كل من تتمنى يارب عاجلا غير اجل

 

[قوس قزح]

الـلـﮩَ يرزقج ويرزقنا ويردق كل مسلم ومسلمه
أَنٌـ«♚»ـآ سويتها عند الدكتور حازم الرميح
تعامله حلو ويسمعج بس مشكلته ان بعد مانزلت الدورة بعد الترجيع
مادقوا ولا سألوا
مادري هل كل الدكاترة جذي؟؟!!

 

[روائع الأسحار]

يا بنات عليكم بالحجامة وسورة البقرة وترك الذنوب
فإن المرء يحرم الرزق بذنب اذنبه


وعليكم بصدقة السر

أسأل الله أن يهبكم ذرية طيبة إن الله سميع الدعاء


آمين


قلبي معكم

 

[سلطانة روحه]

الله يرزقج حبيبتي
شوفي انا بنت خالي نفسج ما حملت و دارت على كل الدكاتره
يوم راحت لناهض بالمواساة قالها الرحم عندج مو طبيعي نحته لها بنفس الشهر حملت و عقب ما طلعت من نفاس حملت عند نفس الدكتور من بعد الله سبحانه و تعالى

طلع الدكتور شاطر حيل ماشاءالله

 

[refal]

والله يختج الله يعين احنا نبي اي دكتور يساعدنا ونستحمل كل شي
والدكاتره هني مايهمهم شي انا كنت ناويه اروح حق اسامه صالحه بس اشوف بالمنتدي محد يمدحه
الاقليل وفكرت اروح حق باتريك هم نفس الشي يااااارب وين اروح وانا حالتي خاصه
يارب يفرجها علينا ونحمل بدون شي ياكريم ومشكورين حبيباتي علي الردود

د.اسامه صالحه نفسيته زفت رحتله مره وماشفته بعد..
شوفي انا حملي صعب واجهاضات و ولاده مبكره وتبهذلت بالولاده ونسو فيني مشيمه بالسلام عند د.نبيل الاتربي حق ثاني عمليه تنظيفات رحت حق د. ماجد الشمري سوالي العمليه طبعا حالتي كانت خطره فسوالي التنظيفات بمنظار وتنظيفات من تحت..المهم طافت شهرين افكر احمل بطانه الرحم موراضيه تمتن ست سهور على هالحاله اخر شي د.ماجد يأس قالي هذي كل العلاجات اللي اقدر اعطيج معناه كلامه لاتيلي بعد ايسني جد تحطمت..المهم انا مع مراجعاتي واللويه كنت اروح حق د.اشعه والسونار اسمه د.اشرف ويعرف حالتي و ولاده وشنو صار..قالي بنصحج نصيحه بدزج على دكتور دايما ادزله الحالات الصعبه وروحي ..وتخيلي هالحزه هرموناتي انعفست بس ينزل مني دم بني د.ماجد مايدري من شنو وانا انزل دم الله يسامحه حيل ابهالكلوميد عشان احمل..سمعت بشورته ورحت فلت خل اجرب والله وقفلي الدم وعطاني 3 علاجات مع بعض والبطانه بفضل الله ومن الدكتور امتنت ..

 

[Pink_Roses]

رفال عند منو راجعتي شنو اسم الدكتور

 

[اميرة غامدي]

السلام عليكم
اسرع طريقة لعلاج التابعة والقرين المسؤول عن اسقاط الجنين وعدم الحمل
ابو العزم الشامي بعون الله

 

[<<الأميره>>]

الله يرزقكم بالحمل السليم المتعافي من غير علاجات
اجمعين يارب