نفسيتي حدها تعبانه لدرجه رايحه الدوام عيني مورمه من البجي

[برديـــس]

السلام عليكم
شلونكم بنات وشخباركم

بقولكم سالفتي بدون مقدمات
اللي يعرفني يدري ان صارلي تقريبا 3سنين متزوجه وربي ماكتب لي الحمال المهم
طبعا من ما تزوجت طلعت فيني امراض اخلص من مرض ابلش بمرض واذا مو انا ريلي والحمدلله الحين مافينا شي
وصار لي اسبوعين قلت هالشي مو طبيعي اللي فيني انا وريلي ويبت شيخ يقرا علينا
اهو اول ماقرا الا ريلي يقولي اني قمت اصرخ واقول خل يسكت ومن هالحجي

وطبعا الشيخ قال ان فيني عين وانا يوميا على الرقيه مع العلم ان شقتي ماتخلى من القران
بس امس صدمة حياتي
ريلي مادري شنو سالفته متغير علي 360 درجه وانا صايره بعد مااحقره ارد واطول لساني
بس امس من الحره قمت ابجي بجي القهر والحره لما شافني جذي شوي ويبجي ويقولي
انا احبج وودي فيج بس في شي يخليني ابعد عنج يعني اذا انتي بعيده عني احبج وودي فيج
بس لما تكونين يمي تلوع جبدي ولا ودي اشوف رقعه ويهج
اهو قال جذي انا لاشعوري بجي مو طبيعي

بليز ابي اعرف شنو اسوي انا الحين بالدوام ولاتشوفون عيوني شلون مورمه من البجي والحررررره

 

[سأكسر القيود]

الله يكون بعونج ويبرد علي قلبج
يمكن عين ولا سحر
اقري سوره البقره 40 يوم
ودايم استغفري
وربي يكتب لج كل الخير

 

[كبرياء أمراه]

أختــي الاعراض مال عين او سحر..
الافضل انه تيبون شيخ يقرا عليكم اثنينكم...

وحاولي تعرفين من اللي يبي لكم المضره..

الله يكتب اللي فيه الصلاح ان شاء الله

 

[نور القلب]

السلام عليكم عليج بالقران حياتي الابذكر الله تطمئن القلوب

 

[حياتي كلها لله.]

حبيبتي
انتي فيج عين انتي وريلج
عليج بالرقيه
وشقلي سورة البقرة في بيتج كل يوم

 

[@ام ضاري@]

كملي حبيبتي عند الرقيه واقري وخلي سورة البقره يومي شغاله في البيت

ان شاءالله حالكم يتدل

حصني نفسج اكثر واكثر واصبري

لان اللي فيكم مو شوي دام جبتو شيخ يقرا

الله يفرجها عليكم يارب

 

[صخر جلمود]

عليييج بالصلاة وسورة البقره وكثرة الاستغفار

 

[برديـــس]

انا يوميا احط البقره والقران مايسكت ابيتي بس ريلي صاير حالته بالنازل

ومشكوووورين اللي رد

 

[دنيتى زوجي M]

حبيبتي الله يشفيج ويشافي ريلج ان شاءالله

هذا رابط الرقيه الشرعيه واااايد حلو انا على طول اشغله بالبيت

http://search.4shared.com/q/1/رقيه شرعيه

 

[...الجوهرهـ...]

عسى الله يشافيك ..يااااااااااارب ..ويفرج همكم ..استمري بقراءة سورة البقرة ..يوميا وكثري استغفار ..

 

[∂ηαβ]

ياعمري اللي فيكم يبي رقيه شرعيه
استمروا عليها بتتعبون بس الحمد علامة انكم مستفيدين منها
اضغطوا ع انفسكم والله يرفع عنكم ويشفيكم

 

[دلع الكون]

حياتي والله ما الومج من البجي بس انتي ريحي ولاتبجين لاتخلين الشيطان يغلبج

وحاولي تقرين صورة البقره 3 ايام كامله بعد صلاة الفجر وراح تلاقين اللي يسرج ويمسح على قلوبكم يارب يبعد العين والسحر عنكم

صدقيني اذا ماصرتي قويه وتتغلبين على الامور الصعبه راح تخسرين ريلج لان هذا مرض اسم سحر او عين يبيله طولة بال

وان شاء الله باذن الله تتغلبين على الوضع وانتي مدام دريتي انه في شي خلاص اذا عصب حقريه لان مو منه في شي يمنعه

والله يبعد الهم والغم بينكم ويحنن قلبه عليج ويبعد الامراض والبلاء عنكم

 

[∂ηαβ]

انا يوميا احط البقره والقران مايسكت ابيتي بس ريلي صاير حالته بالنازل

ومشكوووورين اللي رد

حبيبتي مع البقره
انتم انفسكم يبي لكم رقيه وتحصين

 

[حنين القمر]

الله يفرج همج يارب


ويكفيج شر الناس


اقري البقره على طول .. والله يكون بعونج

 

[أنفاسي دخون]

الله يرفع عنكم يا رب ويكفيكم شر عيون الانس والجن

حبيبتي ما ازيد على البنات انتم فيكم يا عين يا سحر مالهم ثالث عليكم بالرقيه الشرعيه والبقرة وخلي الشيخ يستمر بالقرايه عليكم وعلى بيتكم

وعسى الله يرزقش بالذرية الصالحة ويجبر خاطرش

 

[_ظل الياسمين _]

ربى يفرج همكم ويريح بالكم يارب العالمين.

 

[حنطاويه_84]

مسكينه الله يفرج همكم انشاء الله ويبعد عنكم كل حاسد يارب

 

[engnera]

رقيه شرعيه

 

[اميرة-الاحجار]

مدام ريلج حاس انه في شي غلط بالموضوع روحو حق شيخ ثقه يقرى عليكم ياقلبي قبل لايزيد الموضوع ويتغير اكثر

 

[برديـــس]

مشكوووووووووووووووووورين