نفسيتي زفت '' الحمدلله على كل حال"

[none2012]

السلام عليكم
أخباركم عساكم بخيرر

.

.

أنا كتبت موضوع قبل مده عن احتمال أصابتي ب الثاليل التناسليه ورحت دكتوري وشافتهم طلعت فعلن ثاليل تناسليه بس لله الحمد كانت حبتين من برا يعني مب داخل وبعيدين عن الفتحه التناسليه وعطتني برهم استخدمه يوم وترك والبرهم عباره عن 12 كيس صغار فيهم هالبرهم والعلبه الوحده ب 38 دينار انصدمت أنا وزوجي من السعر هههههه توقعنا مايتعدا آل 12 أو 20 دينار المهم استخدمته ؤكنت أهمل بعض الأيام مع ذالك طاحو الحبوب ولله الحمد أمس كنت أجيك وكنت بحط البرهم لقيت الحبه الثانيه طايحه استأنست ومالها اثر لأن الحبه الأولى طاحت بسرعه مأخذت وقت المهم أنا استخدمت 6 أكياس ؤالحبوب طاحت والعلبه فيها 6 بس انصدمت يوم شفت الفتحه التناسليه فيهااا قسم بالله خدودي صارت حمررره هههههههه من الصدمه وضاق خلقي وماقدر احط الكريم من داخل لأن الدكتوره قالت انتبهي يدش لأن حبوبي من برااا مب عند الفتحه الزبده أنا سألت الدكتوره يوم شافتني آخر مره قالت لي إذا ماراحو بتولدين قيصري بس إنتي بالبدايه نقدر نعالجهم
ؤالحين تأزمت السالفه الحبوب صارت من داخل واول مره أشوفهم أمس لأن من قبل ماكان فيني أبي حل تكفون دكتوره تكون زينه وفاهمه واللي تعالجة منهم لاتبخل علي والله أفكر ؤشايله هم ؤانا بجريه بالشهر 6

وهل الكي البارد هو الحل ؟
ؤقريت بالنت أن بعض الحريم تروح منهم بعد الولاده سيده لأن جسم الحامل مناعته ضعيفه بس تولد تقوى المناعه

ؤانا خايفه من القيصري والطبيعي صراحه
مأبي أولد طبيعي لأني أخذت حبوب وأبر تثبيت
ويقولون بتكون الولاده صعبه وخصوصا أنا وزوجي مافي جماع صار لنا شهرين تقريبين بسبب هالثاليل



أدعو لي تكفووووووووووون :eh_s(2):

 

[ام برروك]

الله يطمن قلبك ويشفك ويفرج همك

 

[Tic_Tac]

الله يشفيج يا رب
ما عندي فكره بس حبيت ارفع الموضوع

 

[غروري ذابحهم]

الله يشافيج ويفرج همج مادري والله ماعندي فكره نهائي بش شوفيلج دكتوره سنعه وان شاالله تتعالجين منهم

 

[ملاك ^ الحب]

الله يشافيج يارب

وبعدين اقولج عن القيصريه

وايد سهله ومريحه انا في بنتي قيصريه مع اني كنت ابي طبيعي الحمد الله على كل حال والله ماتاذيت وايد يعني كلها اسبوع وبعدين عادي تمشين وتتحركين

اختي اخر ولاده قيصريه تكون وايد احسن من الطبيعي

لاتخافين

 

[none2012]

الله يجزاكم خير


واللي مأتعرف ترفع لي الموضوع

أنا خايفه من القيصري والطبيعي وعسئ الله يكتب اللي فيه الخير
بنات من حملت ؤانا اطلع من شيء وادخل بشي ثاني
إلحمدلله على كل حال
تعبت بالحمل وعسئ الله يثبته ويسهل مخرجه

دعواتكم ي خواتي

 

[happy january]

انا مثلج وقالولي بسبب ضعف مناعه الحامل بس انا قالي الدكتور اذا ماسويت لج كي بارد ماراح اولدج الا قيصري لان الولاده الطبيعيه ممكن تسبب عمي عيون للجنين والحمد لله سويت كي وولدت طبيعي وماكو شي كلش بعد الولاده كل شي اختفي

 

[sosowaty]

و عليكم السلام

اااب

 

[روح الأحزان]

حبيبتي دام الكي اهو الحل سويه وتوكلي على الله وشوفيلج دكتورة شاطره

 

[BeNt PaRiS]

والله مااعرف للمرض ولا سامعه فيه


الله يشفيج يارب

 

[ابدا يالغالي مانساك]

الله يقومك بالسلامه
انتي خلج مع دكتورتج ونتضمي علي العلاااج وان شالله سهالات
لاتعبي نفسيتك ولاشي

 

[عسل حدي]

ربي لا تذرني فردا وانت خير الوارثين

 

[بنت الرحاب]

اسال الله ان يشفيج شفاءً لايغادره سقما يارب العالمين ويثبت حملج ويسهل ولادتج

 

[عسل حدي]

ربي لا تذرني فردا وانت خير الوارثين

 

[زين ودلال]

ماعندي فكره

الله يطمن قلبج ويكتبلج اللي فيه الخير

 

[none2012]

جزاكن الله خير

وعسئ الله يسهل أموركم ويبعد عنكم كل شر


أختي happy january

وين سويتي الكي البارد بأي عياده وكنتي بأي شهر ؟ وك مدت العلاج ؟. والكي يعور ؟. ويوم. تعالجتي شلون تأكدو أن الميكروب راح شؤو لج تحاليل ؟

 

[none2012]

كم مدت العلاج *

شنو سوو لج تحاليل *


بدليات لأني أكتب من الفون وتعديل الرد يغث. السموحه

 

[فديتـ عمريـ]

الله يشافيج يا رب

 

[Katkoota85]

الله يشفيج يارب ويسهل ولادتج
على فكره من اهم اسباب الثآليل الحمامات المغربيه بالصالون !!
انا مره سمعت ببرنامج على الاف ام ومره شفت تقرير تلفزيوني عن هالموضوع..
لييييش؟!
لان هالنوع من الجراثيم مايموت الابضوء الشمس والحمامات المغربيه احلا واحسن جو حق هالجراثيم عشان تتكاثر وتنمو وتنتشر ..
طبعاً للاسف لا ديتول ولا كلوركس يقتلها ويمنعها ومن يومها انا ماطبيت ولا صالون لا شيره ولا حمام مغربي لاعت جبدي..
ومعلومه مو بس الثآليل كل الامراض الجنسيه تنتقل بهالجو بخار ورطوبه ودفا وكلهم مايقتلهم المنظفات والمعقمات غير الشمس
الله يستر عالكل ويشفي كل مريض

 

[أم عزيـز]

روحي عند امل عبد العزيز في عيادات المسيلة تبع مستشفى السلام وايد شاطره

عالجي من الحين دام يمدينج وان شاء الله ما عليج شر