نفـاس وميتـه خووووف ..>>> الخبيررات بهالسوالف دشوا

[كويتيه بنت قناص]

السلام عليكم

بنات انا قبل سنه وشي كنت والده والله يابنات اني مهتمه بنفسي بالنفاس

واكل دويات ومتدفيه بس لمن طلعت من النفاس امبيييييييه انواع الافرازات

تخيلوا بس يصير هذاك الشي امبيييه ينزل مني مادري ماي مادري افرازات

لدرجة ان زوجي تخيلوا قالي انتي رطبببه والله يابنات صكت فيني الدنيا

بس الحمدالله اني حملت سيده والحين انا نفاس لي اسبوعين بنات قاعد اكل دويات متدفيه

خياطي زين بنات شسوي خايفه تنعااااد السالفه انا بنفاسي اللي طاف كنت اشرب ماي واااجد معقوله هذا السبب

انا الحين مخففه من الماي بس شسوي اعطش وبشرتي جااااافه بنات من كثر ماني خايفه بهالاسبوعين ماتسبحت الا مره

احس اني خست

ونفاسي الاول بعد من اخطائي اني ماتبخرت ..

بنات شسوي ؟! شنو الاشياء اللس تنشف .. والحلبه خلاص صار لي اسبوعين اقطعها صح؟

 

[كويتيه بنت قناص]

وبعد ابي اسألكم الدرج ( السلم ) يخرررررب انا بنفاسي الاول كنت اصعد وانزل تحت عادي

وسمعت انه ينزل الرحم او شي جذي ..

 

[كويتيه بنت قناص]

اي وصج انا بنفاسي الاول اخر 20 يوم فليتها كنت اتسبح يوم وترك

لان كنت استخدم خلطات لجسمي

وشلون حتي بالنفاس هذا بستخدم خلطات معناته لازم اتسبح شلوووون

بنات مشالله مرة اخوي بالنفاس ماتلبس حتي الملفع وتقول ماضرني مشالله

 

[ام ساره 4]

هلا حبيبتي كويتيه تبخري بخوا وجوا تحصلينها عند العطار وتدفي عدل وتطلعين من الشر ان شاء الله وفي خلطه يمدحونها زنجبيل مطحون وفلفل أبيض مطحون وماش من كل شي فنجان وتخلطينهم وتاخذين مقدار ملعقه صغيره من الخلطه وتحطينها مع الحليب وتشربينها مرتين باليوم عالريق وبعد العشا يقولون هالخلطه تنشف وتضيق

 

[سارة ة]

اااااااب الله يستر هذا اللي انا خايفه منه

 

[ناتشوو]

عليكم
بخلطة الخمس فناجيل
صج قضاء ع الرطوبة قضاء تااااام
تحصلونها بجوجل
قبل كل وجبة ملعقة او ثنتين منها مع ماي
وعقبه تغدي او تعشي
وبالتوفيق

 

[نوف زينة الوصوف]

متي نستخدم خلطه الخمس فناجين

 

[الأميرة جوري]

ماقصروا الخوات اهم شي اليووووووووووع لا تيوعين

 

[اشلون يعني &]

يجبي لج ردداه اثناء النفس
ترددك عدل وتطلع كل الي بالرحم
شوفي البنات يقولون لج عن افضل رداده

وترى الحلبه تخلي الرحم بفرز رطوبه
اكلي حلبه بدايه النفس بعدين اقطعيها مو زين تسبب رطوبه ولزوجه

 

[غارقة بأحزانها]

استخدمي اخر ١٠ ايام بالنفاس تحاميل بيتادين
تطلع كل الماي اللي فيج
انا صرت استخدمها حتي بالدورة
العلبه فيها ١٤ تحميله
كل يوم حطي وحدة واخر يومين حطي مرة الصبح ومرة بالليل
ولبسي كوتكس صج تنشف عدل
انا ماكنت اهتم ١٠٠٪
يعني قولي ٨٠٪
بس الحمدلله مافيني شي
اي وهم بعد اخر اسبوع امي تسويلي جفت اتشطف فيه
وانا كل هالسوالف مااعرفلها اول ٢٠ يوم اكل حسو
واللهوم
بس اتسبح يوم بالاسبوع وماامشي حافية والبس بنطلون طويل بالشتا وشورت بالصيف حتي كانت دراريعي بالصيف نص جم
واربط بطني
وكنت مااكل يعني بضعف وفعلا انا بالنفاس لازم اقط ١٠ كيلو
اكل مشوي ومسلوق
والقبوط والمرقوقه كنت اكل اللحم بس
وامي تجبرني الصبح
اكل جبن وعصير برتقال ضروري تقولي راح منج دم وايد
وادري منكم الحين ان هالسوالف ممنوعات
بس ماكنت اشرب ماي وايد

بس والله ماصار فيني شي
طلعت ناشفة
ويوم يصير هذاك الشي يعور من كثر ان ماكو ترطيب

 

[((غلاي))]

واي كتبت رد اشطوله و انمسح:eh_s(2):

المهم
حمدالله على سلامتج
الحلبه بس وقفيها
و تبخري بخور هوا من يوم30
و التحاميل افضل شي بيتادين من يوم30
7تحميلات فقط مو اكثر
هذا على كلام اكثر من دكتوره دايم يقولون باقي العلبه خليها و حطي منها بعدين
لان بعد اخر تحميله لازم ماكو جماع يومين او ثلاث
رح تنظف الرطوبه كلها
الماي عادي شربي الجو حر و صيف بس مو بارد
من يوم 20 تنقعي يوم بماي و ملح
و يوم ماي و مره
و العنايه عادي حياتي بالعكس تفيدج من لج20ابدي اعتني بنفسج و جسمج
و ان شاء الله تطلعين احلى طلعه يارب

 

[ام بشار]

شوفي حبيبتي الحلبة اقطعيها خير شر ليش انا اقولج ليش لأنها تمشي مع حريم وما تمشي مع حريم لأنه سبحان الله الوالدة حرمتها علينا لأنه عرفة انها ما مشت معاها. وما تبينا احنا بناتها نطيح مثلها بس والله امي عن طريق تجربة ما تمدحها وتقول من قطعتها شفت الخير فاقطعيها ولا تقربين صوبها وراح تشوفين كل خير بس خلج علي طول شبعانه وديري بالج من الجوع وبأذن الله راح تدعين لي

 

[om MaRyooM]

انا ماعترف بسوالف البخور ومادري شنو .. عمري ماسويتها


بس سوي هالجم شغلة وبتنفعج
اووووول شي طبعا تتاكدين من عند الدكتور ان مافيج التهابات او شي ... يعني طبيا تأكدي اول عشان لاتزيدين الطين بلة

وثانيا
خامس يوم الدورة او اي يوم ثاني من غير الدورة عادي .. تنقعي بجفت يظيج وينشششف

وتحاميل البيتادين عجييييبة


واذا كنتي تشربين زنجبيل وقفيه لأن يرطب

 

[كويتيه بنت قناص]

بناااات الله يوفقكم ويجزاااااكم خيييير

 

[عسل مرت قيمر]

البنات ماقصرو

لا تحاتين ان شاءالله ماكو الا الخير

 

[راقيه وجذابه]

الي تقول الزنجبيل يرطب غلطانه

الزنجبيل يطلع كل الافرازات الي بالراحم اي خلطه تنشف لازم ترطبج اجل شلون تطلع الافرازات اكيد بتشوفين افرازات لان تتظفها عدل واطلعها منج

استخدمي اخر ٢٠ يوم خلطه الفلفل الابيض والزنجبيل تلقينها بـ ملفي الشخصي فيها تجارب البنات

فلفل ابيض مطحون

زنجبيل مطحون

تخلطينهم وتحطينهم بعلبه وكل يوم بعد الفطور او ع الريج اذا تقدرين اخذي ملعقه من الخلطه وحطيها على حليب مفيوح وحليها واشربيها

تنشف وتنظف واطلع الهوا وزينه للمساك وتظيييييييييييق

بس شيلي من الخلطه ( الماش ) لأنه يمتن استخدمي بس الفلفل والزنجبيل

موفقه حبيبتي وطالعه من الشر مقدماً

 

[@سيدة نفسي@]

بقوللج شغلة انا مجربتها غير خلطة الفلفل الأبيض والزنجبيل اللي هم ممتااااازة عن تجربة

اشتري قشر رمان من الحواج وقوليله أبيه للأكل واذا انقطع الدم

وياج حطي قفشة من قشر الرمان مع عصير بدرجة حرارة الغرفة

واشربيه كل يوم لحد ماتطلعين ، أهم شي ان الدم يكون واقف

واستغلي الدعاء خصوصاً بالعشر الأواخر والله يشافيني

ويشافيج وكل مريض بهالشهر الكريم ياااارب .

 

[عسل حدي]

ربي لا تذرني فردا وانت خير الوارثين

 

[كويتيه بنت قناص]

مشكوورين بنات

وعسل حدي الله يرزقج يارب

 

[Mjnont '3lay]

البنات ماقصرو موفقه حبيبتي