نفنوف العرس بلمساتج .. وبربع سعره الاصلي @@

[mi corazon]

السلام عليكم

بنات وانا احوس بالنت ادور موديلات نفانيف عرس

لقيت اسعار النفانيف الطلبيات وايد رخيصه .. صج انها بسيطه بس ستل لو وديتيها مشغل يزيدله لمعه وكريستال راح يكون واو


انا مادري عن اذواقكم .. اكيد الاذواق تختلف .. بس انا بخاطري اسوي ستايل ميرميد سمكه وفيه تور يعني مو منفوش من الخصر لاني طويله وضعيفه

مممممم << يمكن ما فهموتني .... بحطلكم نماذج ... بس ابي رايكم كعرايس .. هل يطلع النفنوف ويع ولا حلو لو يبته وعدلت عليه بإتيليه


(1)

هالنفنوف عاجبني مع بعض الاضافات والطرحه @@ بس مو عاجب خواتي .. شرايكم

الغريب ان سعره ما يتعدى الامية دينار !!!!!!

الموديل (2)

(3)

(4)

 

[~Unreachable]

شوفي تبين نصيحتي ؟

بنفنوف العرس بالذااات لا تجاملين على حساب ذوقج

عشان باجر ما تتحسفين ..

اذا عاجبج طلبيه و اشتغلي عليه واذا طلع كلش مو حلو و ماحبيتيه باللبس ماتكونين خسرتي عليه وايد

 

[mi corazon]

(٦)

(٧)

بس تعبت

شوفو الباجي ع هالموقع http://www.tidebuy.com/

 

[mi corazon]

شوفي تبين نصيحتي ؟

بنفنوف العرس بالذااات لا تجاملين على حساب ذوقج

عشان باجر ما تتحسفين ..

اذا عاجبج طلبيه و اشتغلي عليه واذا طلع كلش مو حلو و ماحبيتيه باللبس ماتكونين خسرتي عليه وايد

بعد عمري والله جنج حاسه فيني

انا الملجه تكلفت فيها وايد فا لازم شكلي بالعرس يكون بنفس المستوى ( جني توهقت)

ماحب الاوفر ... بنفس الوقت مابي احد يقول بخيله مو قادره تييب نفنوف غالي .. يعني ابي يكون راقي وبسيط ولمعته حلوه


دزيلي نفنوفج عالخاص لو كان نفس المواصفات اللي قلتها بليز مع السعر

ومشكوره اقييييين :*

 

[~Unreachable]

حياج الله و دزيته ..

و ماعليج من كلام الناس

انا نفنوف ملجتي خيطته و ماكلفني ذاك المبلغ الخيالي او سعر السوق مثل مانسميه

بس بالنهايه الكل قالي حلو و من وين شاريته !

ذوقج ولمساتج اهمه اللي يحلون النفنوف مو السعر :*

 

[.. روحي تحبه ..]

..

أنا بخاطري بهالستايل ناعم وراقي بس يقولون لي حيييل ناعم مايصلح لنا ..

خلوني مترددة مع إنه شفت موديل عجبني في برونوفياس ..

روحي شوفي هالمحل ترى نفس الموديلات تقريبا عالأقل اتشوفينهم عالطبيعة ..

..

 

[سكر فتافيت]

ثانى واحد حلو
ربنا يختارلك الخير

 

[معلمة شيسمونه]

امممممممممممممممممممممم بعطيج رايي

بما اني حالي حالج اشوف لي نفنوف عروس

وبعد لاني اموت بالشغل الناعم بس خواتي غيروا فكرتي حيل

والصج اني لما رحت حضرت كذا عرس اشوف العروس لابسه نفنوف ناعم وتقول خذته من فلانه وعلانه

وبقلبي اجذبها لانه الستايل وايد بسيط اصلا الكل بيقول شكله مشتريته جاهز وحالها حال اي احد بالصاله ؟؟

فهمتي قصدي ؟

ادري انه الحين المصممين صاروا خبول بس مو منهم من خبالنا احنا بعد جنناهم بالاسعار

خليناهم يشقحون علينا
ولا حتى رفيجتي اللبنانيه تقول اتنتوا مجااااااااااااااااااانين تشترون فستان بالف قلت ما تدرين عن امهات 4 الاف ؟؟

تقول اشهر مصمم بلبنان نفنوف العروس ما يتعدى 300 دينار هذا افخم نفنوووووووووووف وبيع لج

 

[beren saat]

لا النت مو مضمووووون كلش

في هالستايل هذا بالاتليهااات متووفرر

صج السعر غالي بس ع الاقل جداامج تشووفينيه

مو تطلبينه وماتدرين يوصلج نفسه ولا غيره وغير التعديلات

الله يووفقج

 

[Ziona]

حبيبتي شفتي موديل رقم 3

انا طلبته وكاهووو عندي

والله المقاسات يابوها غلط والموديل مو نفسه

ما انصحج والله

 

[الـــغـــلآ]

اي نفس الموقـع اللي دخلته

مشكـــــــورهـ

 

[عروسة زوجي]

اب اب


موفقه بس فكري بكلام بنات


الله يوفقج ان شاءالله

 

[sara-designer]

حلووة النفانيف بس احسه حيييل ناااعم الحين العروس هابين بالؤلؤ ,
وحلات النفنو من رايي , يكون مو ابيض حلاته اوفوايت او ذهبي فاتح

 

[بحـةةِ غيـآبِ ≈ ™]

ححلوين

 

[sara-designer]

بناات ابي مكان حق نفانيف عرس ابي ما يتعدى 400 حتى لو من برا مو مشكله من وين احصل ابي اجار او اشتري لان كل شي غالي ,, والله الوحده تتوهق ماتدري شتسوي

 

[Ziona]

والله وانا معاج اقل شي لقيت ب 1000 دينار لاااا وايجار بعد مو بيع

يقولون سعوديه فيها اشياء حلوووه بس مادري والله ما رحت

 

[KOKO_284I]

اول 3 رووووووووووووووووووووووووووعه

ذوقج حلو ما شاء الله

 

[زبــــــــدة]

واااااااااايد حلوييييين

ومثل ماقلتي تزيدين عليه شوية شغلات عشان يبرزج بالعرس ...

انتي نفسي ضعيفه وطويله بس الاحلى يكون منفووش وايد احس احلى خخخخ عشان تصيرين اميرة بالصاله

انا اتخيل نفسي جذي

بس انتي اللي يعجبج سوي لا تاخذين راي احد الا امج طبعا خخخ بس اهم شي يعجبج

 

[فيونكة_وردية]

زياد انطوان حلوو حيل لدرجه اني كنسلت فستان الاسطوره وحجزت عنده روووووعه لولو وكرستال شغل راقي وقصه سمكه ومن تحت لها امتداد النفنوف وشويه ذيل والطرحه شي مو طبيعي روعه شوي عليه والله والحمدلله الف حمد وشكر

 

[mi corazon]

Koko_284i

تسلمين يالذوق ... خو خواتي حسسوني ان ذوقي ويع .. ونستيني الله يريح بالج


زبده

المشكله كل اهل المعرس بيكونون موجودين اللي شافوني واللي ماشافوني فا ودي يكون ال انطباع عني اني ذوق مو يحطون علي

يسلمو حياتي :*



فيونكة_وردية

حبيبتي وين مكانه وشلون اسعاره ولا عليج امر :*