بتحصلين ب مجمع زهرة نفس طلبج
واشياء راقية وذربة
ونصيحة ابعدي عن هالمصممات
شدعوه عاد صج مصممات
ييوقون افكار مصممين ويطبقونها
وياليت افكار سنعة
موديلات من عصر الكهف
والخام والفنيشينغ زفت
وفوق كل هذا اسعار غالية ونفس خايسة
ماخذين مقلب بانفسهم
بس الشرهة مو عليهم
ع اللي يقطون عليهم الفلوس قط
روحي اخذي لج فستان ماركة سنع
سعره فيه
مو تقطين ٦٠٠ او ٧٠٠ وتوصل ال ١٢٠٠
عند هالنصابات
على فستان تلقين العرس كله لابسه
واختصرها لج اغلب تصاميمهم تنورة سمكة تفته الوان تبرق
وبدي كورسيه كت
وشك وخرايط ولفلفات وقراطيس و و و و و
هذي وجهة نظري ونصيحتي لج
عندج مجمع زهرة وليلى جاليري وجاليريا ٢٠٠٠ ومحلات الاسطورة
هذول اسعارهم حلوة
وعندج بعد الثريا اغلبه ماركات حلوة اسعارها شوي اغلى بس اشوفها مناسبة
يعني اذا ارتفعت حيل وصلت ال ٨٠٠
وعندج العثمان و٣٦٠ و الافنيوز فيز ٢
واتوقع بتحصلين ب مجمع زهرة ديزاينات تصلح صج لاخت معرس
واذا تبين تتميزين ابتعدي عن التفتة والترتر
صح الترتر موضة بس الكل هاب فيها
صار لي سنة كل عرس ادخله القى نص المعازيم تفته وترتر
خلاص مليت منه
احيانا اشوف فستان رووعة بس اهون لانه ترتر
والله يوفق معاريسكم ويتمم لكم على خير
