بيوم من الايام خيطت لي نفنوف عروس دورت ومشيت وتعبت على ما لقيت افضل وأجود خام ابيض ورحت بشتري للطرحة خذيت اغلا خام واحلى ترتر وخذيت شوارفسكي مو تقليد الاصلي اللي لمعته مافي مثلها وشريت الكلف اللي احتاجها
خلصت من اغراضي رحت البيت خذيت مقاسات جسمي وبديت اقص الخام على حسب قياساتي بكل حذر وعناية لان الخام وايد روعة وغالي وبعدين قعدت ومكينه الخياطة جدامي وبديت أخيط نفنوفي الغالي لأحلى ليلة في عمري وخليت فيه ذيل طويل علشان اكون مثل الأميرات وبعدين بديت احط عليه شوارفسكي ودانتيل بطريقة مرتبه ومنظمة
وعلى ذيل النفنوف حطيت شوارفسكي بطريقة منثورة
وبعدين بديت اشتغل بالطرحة خليتها طويلة لي الارض تسحب وعلى اطرافها تطريز على شكل ورد وتقريبا خلصت من نفنوفي الحبيب بس باقي شغلات كمالية ورحت شريت جيبون علشان يعطي النفنوف فخامة وشريت تاج لون فضي فيه كرستالات وفصوص صغيرة نمنم تلمع وشريت كرمكم الله جوتي لون ابيض
ورجعت البيت وجهزت اغراضي نفنوفي وتاجي وطرحتي وجوتيي وحسيت بسعادة ما حسيتها من قبل لان نفنوفي انا خيطته بايدي وكل شي انا سويته بروحي وباليوم الموعود راح اكون باحلى صورة وبشكل اكون راضية فيه عن نفسي
النفنوف خذه من وقتي وايد ايام وشهور ووايدي عورتي وعيوني من كثر التركيز اتعبت وظهري تكسر من اللوية وبس على قلبي مثل العسل لان هالنفنوف مو حق أي ليلة هذي ليلة العمر اللي ماراح تتكرر
بالليلة الموعودة وانا فرحانه وحاسة بثقتي بنفسي ومتأكدة اني راح اكون باحلى وباجمل شكل تفاجأت بأن النفنوف مولي النفنوف اللي تعبت عليه وحطيت آمالي عليه ما لبسته النفنوف اللي كنت بفتخر بلبسه جدام الناس محد بشوفة علي
النفنوف البسته وحدة غيري وافرحت فيه وانا مالي شي غير خيبة الامل وكسرة الخاطر والحسرة والحسافة على تعبي ومجهودي طول هالايام
ليش صارلي جذيه؟
ليش ما اكتملت فرحتي؟
ليش جزائي ان اشوف نفنوفي وحدة غيري تلبسه وتتهنا فيه؟
ليـــــــــــــــــــــــــــــــــــــــــــــــــــــــــــــــــــــــــــــــــــــــش؟
شي يعور القلب بصراحة
لما الواحد يحط بذرة صغيرة بالتراب ويسقيها ويرويها ويتعب عليها ويعتني فيها وينطرها لين اطلع الخير اللي فيها ياخذها احد غيره وياكل منها ويتمتع فيها
بعد الامثلة البسيطة راح اقول لكم شنو الهدف منها
اكيد كل وحدة فيكم تحب نفسها وما تحب ان أي شي سوته واتعبت عليه يكون من نصيب احد ثاني
النفنوف اللي البسته وحده ثانيه بالطقاق اقدر اشتري احلى منه
الزرعه اللي زرعناها واحد ثاني خذاها اقدر اروح المشاتل واخذ اكبر واحسن منها
بس اذا احد خذا صلاتج تقدرين تشترين او تتسلفين صلاة من غيرج؟
اذا احد خذا صيامج تقدرين تتشاركين لصيام مع احد؟
اذا احد خذا زكاتج،حجتج،عمرتج،صدقاتج،.................الخ تقدرين تعوضينها بيوم لا ينفع مال ولا بنون
اصلا حتى عيالج مو من حقهم ياخذون اعمالج فما بالج اذا كان احد غريب!!
:bbbiu:النميمة
اهيه السبب مافي مجلس حريم يخلو من النميمة وخصوصا بالدوام او بالتجمعات العائلية تخيلي بيوم القيامه اللي حشيتي فيها تاخذ منج كل شي تعبتي عليه
وانا معاكم ان احيانا لا شعوري تلقين الموضوع دخل بالنميمة وبعدين بعض البنات يتحسفون
أي وحده تحب نفسها وتخاف تفقد تعبها هذا اهوه الحل
عن أبي هريرة رضي الله عنه قال : قال رسول الله صَلّى اللهُ عَلَيْهِ وسَلَّم : « مَنْ جَلَسَ في مَجْلس فَكثُرَ فيهِ لَغطُهُ فقال قَبْلَ أنْ يَقُومَ منْ مجلْسه ذلك : سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك : إلا غُفِرَ لَهُ ماَ كان َ في مجلسه ذلكَ » رواه الترمذي .
بس مو معناته تتعمدين النميمه لان النميمه عقابها عسير
عقابها:
جاء في الحديث: " لا يَدْخُلُ الجَنَّةَ نَمَّامٌ" رواه البخاري ومسلم.
ماذا يفعل الشخص لتجنب النميمة؟
دايما قولي سبحان الله ، استغفر الله ، لا اله الا الله في المجلس اللي انتي فيه وتكلمي بالشي النافع واللي فيه فايدة وتذكري الآتي:
أولا:انج معرضه لسخط الله وعقابه.
ثانيا:ممكن بسبب النميمة تفرقين الاحباب وتهدمين بيوت.
ثالثا:لازم تتذكرين الايات والاحاديث وتتحكمين بالكلام اللي تقولينه.
رابعا:حاولي تحببين الناس في بعضهم مثلا فلانه تمدحج وفلانه تحبج بدال ما تقولين فلانه محترة منج ولا فلانه تغار منج.
خامسا: ضيفي لمعلوماتج ان اذا حفظتي لسانج من النميمة وغيرها راح يكون سبب لدخولج الجنة.
سادسا:وتأكدي يالغالية انج اذا فضحتي احد او تكلمتي فيه من وراه الله بينتقم منج ويفضحج حتى لو كنتي منخشه بالكبت.
سابعا:ومن اهم الاشياء ان تقعدين مع ناس رفجتهم فيها بركة وخير واذا سمعتي كلام في حش صدي او سوي روحج ما سمعتي.
ثامنا:حبيبتي اذا وصل لج كلام ان في احد تكلم عنج لا تعاملينه بالمثل بالعكس شكريه لان بيكون خصيمج يوم القيامه وبتاخذين منه حسناته باذن الله.
تاسعا:وكل وحدة فينا تدري ان حياتها مو ايدها والدنيا اكيد بتنتهي والآخرة اهيه اللي بننتقل لها لا تحسبين نفسج بتعيشين وايد ملك الموت ممكن ياخذ روحج باي وقت لازم تكونين على اتم استعداد للمواجهه.
وكلمتي الاخيرة حبي نفسج وكرهي النميمة وحافظي على تعبج ولا تسمحين للنميمة تاخذ منج تعبج وتعطي غيرج
أحبكم يا بعد قلبي واحب اشوف اخلاقنا ترتقي ونكون مجتمع مثقف وذودين وعلم
يارب ما نكون مجتمع تافه وسخيف مافيه الا اللغو والكلام البايخ
اختكم اللي تحبكم
شمسة1983
الموضوع مجهودي الشخصي واتمنى ان يعجبكم وتستفيدون منه
خلصت من اغراضي رحت البيت خذيت مقاسات جسمي وبديت اقص الخام على حسب قياساتي بكل حذر وعناية لان الخام وايد روعة وغالي وبعدين قعدت ومكينه الخياطة جدامي وبديت أخيط نفنوفي الغالي لأحلى ليلة في عمري وخليت فيه ذيل طويل علشان اكون مثل الأميرات وبعدين بديت احط عليه شوارفسكي ودانتيل بطريقة مرتبه ومنظمة
وعلى ذيل النفنوف حطيت شوارفسكي بطريقة منثورة
وبعدين بديت اشتغل بالطرحة خليتها طويلة لي الارض تسحب وعلى اطرافها تطريز على شكل ورد وتقريبا خلصت من نفنوفي الحبيب بس باقي شغلات كمالية ورحت شريت جيبون علشان يعطي النفنوف فخامة وشريت تاج لون فضي فيه كرستالات وفصوص صغيرة نمنم تلمع وشريت كرمكم الله جوتي لون ابيض
ورجعت البيت وجهزت اغراضي نفنوفي وتاجي وطرحتي وجوتيي وحسيت بسعادة ما حسيتها من قبل لان نفنوفي انا خيطته بايدي وكل شي انا سويته بروحي وباليوم الموعود راح اكون باحلى صورة وبشكل اكون راضية فيه عن نفسي
النفنوف خذه من وقتي وايد ايام وشهور ووايدي عورتي وعيوني من كثر التركيز اتعبت وظهري تكسر من اللوية وبس على قلبي مثل العسل لان هالنفنوف مو حق أي ليلة هذي ليلة العمر اللي ماراح تتكرر
بالليلة الموعودة وانا فرحانه وحاسة بثقتي بنفسي ومتأكدة اني راح اكون باحلى وباجمل شكل تفاجأت بأن النفنوف مولي النفنوف اللي تعبت عليه وحطيت آمالي عليه ما لبسته النفنوف اللي كنت بفتخر بلبسه جدام الناس محد بشوفة علي
النفنوف البسته وحدة غيري وافرحت فيه وانا مالي شي غير خيبة الامل وكسرة الخاطر والحسرة والحسافة على تعبي ومجهودي طول هالايام
ليش صارلي جذيه؟
ليش ما اكتملت فرحتي؟
ليش جزائي ان اشوف نفنوفي وحدة غيري تلبسه وتتهنا فيه؟
ليـــــــــــــــــــــــــــــــــــــــــــــــــــــــــــــــــــــــــــــــــــــــش؟
شي يعور القلب بصراحة
لما الواحد يحط بذرة صغيرة بالتراب ويسقيها ويرويها ويتعب عليها ويعتني فيها وينطرها لين اطلع الخير اللي فيها ياخذها احد غيره وياكل منها ويتمتع فيها
بعد الامثلة البسيطة راح اقول لكم شنو الهدف منها
اكيد كل وحدة فيكم تحب نفسها وما تحب ان أي شي سوته واتعبت عليه يكون من نصيب احد ثاني
النفنوف اللي البسته وحده ثانيه بالطقاق اقدر اشتري احلى منه
الزرعه اللي زرعناها واحد ثاني خذاها اقدر اروح المشاتل واخذ اكبر واحسن منها
بس اذا احد خذا صلاتج تقدرين تشترين او تتسلفين صلاة من غيرج؟
اذا احد خذا صيامج تقدرين تتشاركين لصيام مع احد؟
اذا احد خذا زكاتج،حجتج،عمرتج،صدقاتج،.................الخ تقدرين تعوضينها بيوم لا ينفع مال ولا بنون
اصلا حتى عيالج مو من حقهم ياخذون اعمالج فما بالج اذا كان احد غريب!!
:bbbiu:النميمة
اهيه السبب مافي مجلس حريم يخلو من النميمة وخصوصا بالدوام او بالتجمعات العائلية تخيلي بيوم القيامه اللي حشيتي فيها تاخذ منج كل شي تعبتي عليه
وانا معاكم ان احيانا لا شعوري تلقين الموضوع دخل بالنميمة وبعدين بعض البنات يتحسفون
أي وحده تحب نفسها وتخاف تفقد تعبها هذا اهوه الحل
عن أبي هريرة رضي الله عنه قال : قال رسول الله صَلّى اللهُ عَلَيْهِ وسَلَّم : « مَنْ جَلَسَ في مَجْلس فَكثُرَ فيهِ لَغطُهُ فقال قَبْلَ أنْ يَقُومَ منْ مجلْسه ذلك : سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك : إلا غُفِرَ لَهُ ماَ كان َ في مجلسه ذلكَ » رواه الترمذي .
بس مو معناته تتعمدين النميمه لان النميمه عقابها عسير
عقابها:
جاء في الحديث: " لا يَدْخُلُ الجَنَّةَ نَمَّامٌ" رواه البخاري ومسلم.
ماذا يفعل الشخص لتجنب النميمة؟
دايما قولي سبحان الله ، استغفر الله ، لا اله الا الله في المجلس اللي انتي فيه وتكلمي بالشي النافع واللي فيه فايدة وتذكري الآتي:
أولا:انج معرضه لسخط الله وعقابه.
ثانيا:ممكن بسبب النميمة تفرقين الاحباب وتهدمين بيوت.
ثالثا:لازم تتذكرين الايات والاحاديث وتتحكمين بالكلام اللي تقولينه.
رابعا:حاولي تحببين الناس في بعضهم مثلا فلانه تمدحج وفلانه تحبج بدال ما تقولين فلانه محترة منج ولا فلانه تغار منج.
خامسا: ضيفي لمعلوماتج ان اذا حفظتي لسانج من النميمة وغيرها راح يكون سبب لدخولج الجنة.
سادسا:وتأكدي يالغالية انج اذا فضحتي احد او تكلمتي فيه من وراه الله بينتقم منج ويفضحج حتى لو كنتي منخشه بالكبت.
سابعا:ومن اهم الاشياء ان تقعدين مع ناس رفجتهم فيها بركة وخير واذا سمعتي كلام في حش صدي او سوي روحج ما سمعتي.
ثامنا:حبيبتي اذا وصل لج كلام ان في احد تكلم عنج لا تعاملينه بالمثل بالعكس شكريه لان بيكون خصيمج يوم القيامه وبتاخذين منه حسناته باذن الله.
تاسعا:وكل وحدة فينا تدري ان حياتها مو ايدها والدنيا اكيد بتنتهي والآخرة اهيه اللي بننتقل لها لا تحسبين نفسج بتعيشين وايد ملك الموت ممكن ياخذ روحج باي وقت لازم تكونين على اتم استعداد للمواجهه.
وكلمتي الاخيرة حبي نفسج وكرهي النميمة وحافظي على تعبج ولا تسمحين للنميمة تاخذ منج تعبج وتعطي غيرج
أحبكم يا بعد قلبي واحب اشوف اخلاقنا ترتقي ونكون مجتمع مثقف وذودين وعلم
يارب ما نكون مجتمع تافه وسخيف مافيه الا اللغو والكلام البايخ
اختكم اللي تحبكم
شمسة1983
الموضوع مجهودي الشخصي واتمنى ان يعجبكم وتستفيدون منه
