نقاش جاد بخصوص الشباب و البنات مع ام فطوووم تعالي و ناقشي

[Q8.Bee]

النفس والبيئة كلهم وجهين لعملة وحدة

واتوقع لو البنات تستروا عدل مدل بتشوفين اعيالنا الرجولة بتزيد فيهم

والغيرة على بنات مجتمعهم بتكبر يعني بيصيرون نفس طبع اجدادنا

هذا اللي ابي اوصله :ggdw:

 

[توت عنكبوت]

والله لو تتغطى كل الحريم المغازل فيهم فيهم

العيب فيهم حبيبتي

وبعض البنات ما يقصرون يمصخونها حبتين

 

[فرح العجرف]

النفس أماره بالسوء.......للجنسين.......البنت اللي ماتحتشم لبسهااا.....امبين عليهااا ..شنو تبي تفتن الشباب فيه......@@


والشباب...لما يشوف مره محترمه...بس تدش مزاجه يبدي يضايقهاااا....لانه نفسه أماره بالسوء.........@@


والعوامل الاجتماعيه ...هذي كارثه عاد.....حريم مصلياات..ومحترمااات...تلقين بنتهااا لاحول ولاقوه....مو مخلي قطعه من ملابسهااا مو لازقه فيهاااا..متسبحه ببتكس.....والحجاب....بو تفخه....وتنصحينهااااا....تقول خليهاا تستانس..توهاا صغيره....لعنبو دارج يوم كنتي بعمر بنتج....شنو كان لبسج....والله صوب الشارع ماتدلينه....وبنتج حلال عليهااااا....انهاا تكون كاسيه عاريه.....وراسهاا كسنام البعير.....سبحان الله...ذكرهاا رسولنا الكريم صلي الله عليه وسلم......وهذاا هو الزمااان......@@

 

[Q8.Bee]

مشكورين بنات ع المشاركه
و الله يهديهم يارب

 

[دلع السلاطين]

حبيبتى الشباب الحين وبهالوقت السيلانيه لو تمر قدامهم يغازلونها

يعنى الحين لبس البنت وشكلها ماصار يعنى لهم شى

البنت المتغطيه من فوق لتحت يغازلونها

والبنت الى فالتها ولبسها حدث ولاحرج هم يغازلونها

الشغله ماصارت على شكل البنت

ولاسباب ورا المغازل وايد اولا ماكو شغل
ماعندهم شى يسونه غير الفراره بالمجمعات حتى اكل ماياكلون بس لحق بالبنات>>الحين اكتشفت ليش عيالنا ضعاف لووول
والمغازل الحين صاار موضه صار معلم من معالم المجمعات والمطاعم ولاماكن الى يروحون لها الناس
وترا الشباب لما يلحقون بنت مايلحقونها عشان حلوه ولا جسمها واو ولا شكلها يهبل ولا لبسها عجيب

لا يلحقها عشان يكلمها ويقزرها بس

 

[C'est La Vie]

اللي يسنع الشباب ان يلقولهم هدف بالحياة بلا هالتفرفر اللي ما منه فايدة بالمجمعات
تصدقين يكسرون خاطري اللي رااااايح رااااد راااايح رااااد
اقول والله لو حج ما سوا جذي
صج لا شغل ولا مشغلة
الله يهدي الجميع

 

[Q8.Bee]

 

[الغاليه نونو]

ام فطووم ياحلووو سوالفج تهبليييييييييين سجلي اعجابي يمه وبزيدج من الشعر بيت فديتج"

شووفي يوم اليمعه من كل اسبووع تلقيني احووس بسوق اليمعه ليش مادري بس احب اروح من الصبح استانس اتفرفر هناك كل يمعه هههههههههههه
والله العظييييييم مافيني زود ولا جمال يلفت النظر عاديه ولله الحمد يوم اليمعه اللي طاف ركبت سيارتي الساعه 7 ونص الصبح ولبست نظارتي الشمسيه ودقيت سلف وطلعت عالدايري الخامس بروح الري وهذاك اللي لاحقني اروح يمين وراي ون ييت يسار وراي ويأشر لي بموبايله وانااااا فيني ضحكه قامتتها بقلبي واقول حسبي الله عليك جانك ماحشمتني وانا كبر امك ولاحقني واهو صغييييييييير بالعشرينات والله انه وراي ورااااااااااااي علباله بروح لافنيوز المقرود انصدم هههههههههههههههههههههههه وصار يمي كلشششششش عالاشاره طالعته ونزلت الجامه قلت له خير يمه قال يازينج وانتي تقولين يمه بتريق معاج بستار بكس عازمج قلت له استح علي ويهك وعيب عليك انا بروح سوق اليمعه شوف لك وحده تريقك غيري يااامطيح الحظ ورفعت الجاامه يوم شبت الاشاااااااره قحصصصصصصص حيل ومااشفت الا دخان سيارته وراه

هذى نمونه من نمااين اللي مايخافون ربهم وانا طالعه لا حاطه حمره ولا بطيخ ولاحقني هالمصخم تقولين لوويلبسون البنات من فوق لي تحت والله الهادي الله ياما بناااااااات مفااصيخ وتشوفينهم محترمين نفسهم محد يقدر يقرب صووبهم وياما بنات سوااااااااااااد يمشي عاالارض اهم اللي يتحرشون بالشباب وبلاويهم بلاوي عسا ربي يستر علينا دنيا وآخره وعلي كل من يحب الستر يمه

 

[اللوحة الناقصة]

هذه تركيبة الشباب جذي سبحان الله ينجذب للجنس الناعم حتى لو كانت سواد يمشي

وهالشي مو بس بالكويت بكل مكان بالعالم

مرة كنت اتابع حلقة من مسلسل سوري اسمه بقعة ضوء

المشهد تطلع فيه بنت من بنايتهم وتكون لابسة نفنوف قصير يلحقها واحد ويغازلها طول ماهي ماشية

اليوم الثاني لبست نفنوف اطول واستر منه هم ماكو فايدة لحقها وغازلها طول الطريج

اخر شي لبست حجاب ومانتو وغيرت طريجها وتوقعت انه مايعرفها ،،، هم لحقها وغازلها طول الوقت ولا خلاها بحالها


الحلقة تضحك الصراحة ،،، حسيت بعدها ان فعلا هذا شي فطري انجذاب الرجل للمراة سواء كانت جميلة والا قبيحة ومتسترة والا لابسة عاري ​

بس طبعا البيئة والتنشئة لها دور كبير يا اما يكون هالشاب جرئ ووقح ويؤذي بنات الناس او انه يحترم نفسه وبنات الناس​

 

[ناتشوو]

بشكل عام لما تكون الوحدة محتشمة عدل محد يطالعها
والاحتشام مو شرط العباية ومو كل عباية محتشمة
بس لكل قاعدة شواذ

في ملاحظة عندي
مو شرط لما الواحد يطالع معناها عينه زايغة
مرات انا تلفت نظري وحدة بغرابة لبسها او كميات المكياج الكبيرة اللي حاطتها
معناها فيني شذوذ؟
لأ مرات فضول
واعتقد بعض الشباب يطالع البنات نفس نظرتي يعني مستغرب شكلها مو شرط اعجاب

وبالنهاية الخوف من الله
يمنع البنات من التبرج ويمنع الشاب من الخز والمغازل

ومرات احس الشباب مو قصده يغازل احس يضحكون بعض
يعني انا محتشمة بلبسي وكياجي خفيف مع هذا مرا اسمع تعليقات بس اسوي نفسي ماسمعت

وتذكرت مرة مع اختي
بالسوق عبي راس ولا مكياج ولا شي
ولا في احد لاحقنا متنا ضحك
قلنا الظاهر يمشي حاله فينا على مايلقى حلوييييييين!!:dddds:

 

[Q8.Bee]

ام فطووم ياحلووو سوالفج تهبليييييييييين سجلي اعجابي يمه وبزيدج من الشعر بيت فديتج"

شووفي يوم اليمعه من كل اسبووع تلقيني احووس بسوق اليمعه ليش مادري بس احب اروح من الصبح استانس اتفرفر هناك كل يمعه هههههههههههه
والله العظييييييم مافيني زود ولا جمال يلفت النظر عاديه ولله الحمد يوم اليمعه اللي طاف ركبت سيارتي الساعه 7 ونص الصبح ولبست نظارتي الشمسيه ودقيت سلف وطلعت عالدايري الخامس بروح الري وهذاك اللي لاحقني اروح يمين وراي ون ييت يسار وراي ويأشر لي بموبايله وانااااا فيني ضحكه قامتتها بقلبي واقول حسبي الله عليك جانك ماحشمتني وانا كبر امك ولاحقني واهو صغييييييييير بالعشرينات والله انه وراي ورااااااااااااي علباله بروح لافنيوز المقرود انصدم هههههههههههههههههههههههه وصار يمي كلشششششش عالاشاره طالعته ونزلت الجامه قلت له خير يمه قال يازينج وانتي تقولين يمه بتريق معاج بستار بكس عازمج قلت له استح علي ويهك وعيب عليك انا بروح سوق اليمعه شوف لك وحده تريقك غيري يااامطيح الحظ ورفعت الجاامه يوم شبت الاشاااااااره قحصصصصصصص حيل ومااشفت الا دخان سيارته وراه

هذى نمونه من نمااين اللي مايخافون ربهم وانا طالعه لا حاطه حمره ولا بطيخ ولاحقني هالمصخم تقولين لوويلبسون البنات من فوق لي تحت والله الهادي الله ياما بناااااااات مفااصيخ وتشوفينهم محترمين نفسهم محد يقدر يقرب صووبهم وياما بنات سوااااااااااااد يمشي عاالارض اهم اللي يتحرشون بالشباب وبلاويهم بلاوي عسا ربي يستر علينا دنيا وآخره وعلي كل من يحب الستر يمه

فديتج انا من متابعين ردودج و اموت عليج من زمان كان ودي اتعرف علييييج
هههههههههههههه زين سويتي فيه ماقصرتي


مشكورين بنات ع المشاركه

 

[شوفواشموخي]

هاي بنات الموضوع حلو وماحبيت اطلع بدون تعليق الرجل اللي يخاف ربه بيغض البصر لوكانت جدامه ملكت جمال واللي يغازل بيغازل طول عمره الا ايذا اهتدى والله والله يابنات بعيوني اشوفهم شيبان شكبرهم وبالجمعيه يغازلون بنات كبراحفادهم يعني عجز وما شبع مغازل وبعد سبب رئيسي بنات ابليس اللي ماتطلع الا فل ميك اب والعبايه جنها فستان مخصر ومخلصع عطر كامل عليها والله يهدى الجميع

 

[al_kadee]

حبيبتي البنت هي اللي بلبسها تخلي الشباب يلحقون وراها البنت لا تغطت وتعدلت وخلت عيونها سيدا لا تتلفت ولاتعلي صوتها

منو بيلحقها إلا المريض وياكثر المرضى عندنا


والله ذاك اليوم متغطيه ورايحه مالي خلق ابي أخلص شغلي وأطلع ولا واحد يخزني خز موطبيعي @@

جذي مبقق عيونه بدون سبب انا أطالع نفسي واسأل اختي اقولها انا فيني شي تقول لا اقول شفيه هذا ليش يخزني جذي

والله بنات و أسفهه وامشي ولايلحقني انا قلبي اختبص مااحب جذي قلت هذا لايكون فيه بلا ولا شي خفت منه

قلت لأختي يالله مشينا بنطلع هذا شكله مو صاحي وهي تقول لفي عليه هاوشيه قلت لها لا يامعوده ماتسوا علي

اجمع الناس واقعد اهاوش الرجال فشله بالله احد يعرفني شافني شبقول عني تعلي صوتها وتصرخ جدام الناس


مابي امصخر نفسي وطلعت الحمدلله والشكررر بعض الرجاجيل والله مرض فيهم يلحقون البنات

 

[cherry kisses]

شكو البنت؟ كل شي على البنات

يعني البنت شذنبها اذا الشباب مو متربين ببيوتهم ؟؟؟؟؟؟

لو شنو كانت لابسه البنت ومتغطيه هم بيلحقوونها لانهم بختصار مو متربييين

ماصارت البنت المسكينه كل شي على راسها تتحمل كل شي علشان الاخ الشاب الي مو متربي ولا يعرف ربه ولا له مذهب ولا دين يمشي ويغازل

فلازم تقعد بالبيت بعد ماتطلع مايصير يشوفها ويغازل !!!!!!!!!!

امريكا اكبر مثال يمشون الناس مفصخيين محد يقرب صوبهم حتى عيالنا يتحترمون نفسهم و يصيرون قطاوه هناك وبالديره صاير عنتر ويتعنتر على البنات

بصراحه كلش ما اقنعني الموضوع ومشكوره

 

[catwiti]

1* هل النفس اهي الاماره بالسوء؟؟
اي طبعااا
2* و لا العوامل الاجتماعيه مثل لبس البنات و غيره؟؟
اكييد العوامل الثانيه مثل لبس البنت وصوتها وااااااايد تأأاااثر وترا المغازل من هالسوالف
يعني لو نفرظ انه مافي ولا بنت بالديره الا ولابسه عباة راس ومايبين منها الا رمشها وكل شي مغطى وحته وتها ماتطلعه ( ممثال خيالي ) ششي اكييد نسبة المغازل بتكون جدا قليله والخيانه بعد

 

[MaZyOoOoNa]

ولله هم الي منحجبه ومتنقبه ومتستره يتحرشوون فيها ومو حجي فاااضي لا ولله شفت بعيوني..شباب مايخلون احد بحاله واحد يخرب على الثاني..وهم السؤال الثاني صح في بنات لبسهم مبالغ فيه بالقلة الادب الصدر طالع والقذله طاله والرقبه طالعه ولله خوووش حجاب البنات الي بدون حجاب عاد اخذي يا لابسه قصير بس تحدر تاخذ شي يطلع الي ماني قايله اسمه وتلبس لبس لا اله الا الله عليهم مادري وين اهلهم مادري شالتربيه الي قاطين عيالهم يلبسون جذي !!!
ولله محنا عارفين شنسوي ولله اذا لقيني الحل عطينا زهقنا من المجمعات والسبه التحرش

 

[Q8.Bee]

مشكورين بنات ع المشاركه؟؟؟
الاخت اللي ما اقنعها الموضوع شكلج رديتي قبل لا تكملين الموضوع احنا نبي نعرف العوامل
ع العموم اسعدني مرورج

 

[كويتية وكلها جاذبية]

>>>>>>> قلبي متروسه كلش من هالسالفه



حلوووووووو وايد موضوعج ام فطوم

حبيبتي البنت هي اللي بلبسها تخلي الشباب يلحقون وراها البنت لا تغطت وتعدلت وخلت عيونها سيدا لا تتلفت ولاتعلي صوتها

منو بيلحقها إلا المريض وياكثر المرضى عندنا >>>>كلام اختي مهره اصيله

الله سبحانه وتعالى يقول (( حتى لا يطمع الذي في قلبه مرض )) عشان جذي الحجاب واللبس الي موضيج
والله بنات يكسرون خاطري اللبس حده ضيج
جنها اتقول شوفو ترى انا عندي خصر وعندي صدر وعندي xxxxxx

يطري في بالي سؤال اقول هاذي اخوها او ابوها او زوجهااا شافوهااا في هاللبس ولا لا ما في غاريه:23_asmilies-com: ولا رجوله ولا هم يحزنون

بكل صراحه والله الحين الي مو متحجبه اهون واييييد من المتحجبه الي لابسه ضيج ما يصير جذي خربوااا الحجاب وكلمة حجاب شنو فرقج عن اللي مو متحجبه غير هالسنام الي انتي حاطته


والله لو يمشون بحترام وخوف من الله وما يكون عندهاا عقدة نقص وتبي تلفت الانتباه ما راح يصير مغازل

والي يغازل وحده محترمه بيكون فعلاااااااااااا انسان مريض نفسيااااااااااا ولازم يتعالج
وما اقولج ما في فئه مريضه والله في فئه مريضه حتى لو انتي محترمه وما ترفعين راسج من الارض همن يغازلون
الله يهديهم
​

 

[cherry kisses]

مشكورين بنات ع المشاركه؟؟؟
الاخت اللي ما اقنعها الموضوع شكلج رديتي قبل لا تكملين الموضوع احنا نبي نعرف العوامل
ع العموم اسعدني مرورج

قصدج انا ترا عندي نك نكي دلوعه

انا ماقصدت مووضوعج ولا تحاتين قريت الموضوع كله والردود كلها

انا قصدي الموضوع الي قاعده اتكلم فيه انا مسالة انه البنت اهي السبب بالمغازل هذا الي ما اقنعني

تحياتي

 

[احبج يا الكويت]

والله انا اشوف العوامل الاجتماعيه والنفس اماره بالسوء مع بعض ومااظن ان لو سوينا كلنا اللي قلتي عليه را ح يتوبون لاني بقولج سالفتين بصدمج وحده اعرفها مره والنعم فيها متدينه لابعد درجه ماتشوفين حتى عيونها كلها اسود باسود من فوق لي تحت ولا تلبس كعب ولا عطور ولا شي وتلبس دسوس ماتصدقين شكثر محتشمه ودينه وفوق هذا لاحقها قبل فتره واحد يبي يرقمها شتقولين والسالفه الثانيه واحد من اهلي انسان متدين ملتحي بالكويتي مطوع لاحقته وحده بالسياره تبي تصفطه اهو الريال يقول انا اخترعت يقول تالي وقفت قلت يمكن المره فيها شي الساعه وحده بالليل يمكن معتازه شي ولما فتحلها الجامه تهقين شقالتله ؟؟؟؟؟؟؟؟؟؟؟؟؟؟؟؟؟ شكلك عاجبني ممكن اتعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



شتقولين بالله وبصراحه الله العالم شنو جنسيتها ماندري