نقاش حلو ياليت الكل يدخل ويشاركنا برأية

[كيك توفي]

صباح الخيرعلى الحلوات
حابة افتح موضوع للنقاش مو تدخلون تقرون وتطلعون اوكي ياعسل انت وياها فديتكم:eh_s(7): ببتدي بسالفة تخصني عشان تفهون عن وشو اتكلم.
بالليل تخانقت مع زوجي خناقة هبلة شوي بس انا انفعلت زيادة والدموع صارت تنزل لاشعوريالمهم لانة اللة يهدية في اخر المشكلة صار يضرب ينقال انة يمزح ويلطف الجو الحبيب طيب تعورت بس ويرجع يضرب ماكو احساس المهم ماشفت نفسي الا وصرخت بوجهة ودموعي نزلت طبعا ماعلق على دموعي الا بنظرات باردة وانة مالة داعي كنت امزح ابوة من مزح اللي كذا الزبدة ياجماعة انا قررت بعد ماصحيت اليوم ماكو غدا اهو في دوامة طبعا قلت لو يتحرش ويراضيني قبل مايروح او يوم راح دوامة مسج مكالمة ترضية ماشفت شي جان ااكد في بالي لا واللة بما ان مااراضني ماراح اطبخ حتى لو االموضوع سخيف قاعد مطنقر في وجهي سلامات غلطان ويزعل عالعموم اللي بسئلكم عنة
كم وحدة اذا زعلت منة ماتطبخ لة اكل؟
تحسون ان هالحركة تأدب شوية بحكم ان الرجال اهم شي بطنة؟
وايش تقترحون لو زعلانين ايش الحركة اللي تسوينها في زوجك يحس ويجي من نفسة ويراضيك؟
ابي حمااااااااااااااااااااااااااااااااااااااااااااااااااااس:ggdw:استنى ردودكم

 

[كنوشة 2009]

عادي طبخي الغدا ولا تكبرين المشكلة بعدين تندمين

 

[لوفيه]

لا يبه طبخي غداج احسن لج لا تكبر المشكلة وتندمين

ولا تنكدين ولا تبوزين بوجه الرجال عادي

ترا غشمره شفيج لو مايمون عليج مالعب معاج هاللعب

الدنيا سهالات

 

[مارشميلو..]

شدخل الاكل بالمشكله اللي صايره
انا اقول اطبخي بس لاتاكلين معاه يعني حطيه وقومي
عشان يحس انك زعلانه

 

[FeShinGoOo]

مره وصلت بينما لي الطلاق بس ماقصرت بحقوقه وبحقوق بيتي اطبخ واغسل هدومه وكل شي اوفره له واحطه جدامه حتى لو متهاوشين ومتزاعلين هذا شي وهذاك شي وبعدين ماعطيه فرصه يمسك علي ممسك او تقصير

 

[حبيبي عبووودي]

عادي طبخي بس سوي خفايف وخليج مطنقرة عشان يحس بغلطته

 

[حبيبي مالكني]

انا ريلي اذا ما طبخت له ما يهتم عادي بيشتري من برع
ياكثر المطاعم الي بالديره

 

[ريميا]

ادري معصبه وومالج نفس لطبخ انتي تعرفين زوجج اذا هو من النوع اللي يبيعج بسرعه عشان اكل سووي اكل واذا تتوقعين يبعصب وترد الامور لمجرها الطبيعي سوي اضراب

 

[سواري الشوق]

طبخي عادي لانج لو ماطبختي اليوم بيراضيج وزعلة الجاية هم ماراح تطبخين راح تعودينه لين مايمل وياكل من برة

بس شوي حسييسه انج زعلانة وخلي حياتكم عادية واكشخي واستانسي مع عيالج ام هو عطيه طاف

وان شاء الله الله يهديه لج ويسخره

وكل ماصر بينكم سؤ تفاهم استغفري حيل ترى الاستغفار حلو يهدي النفوس

 

[الشهد كله]

شنو علاقة الأكل بالهواش والزعل ؟؟؟؟؟؟؟؟؟

إذا وصلتي لهالمرحلة الله ما كثر إلا المطاعم برفعة سماعة !!!!!!!!

لا ويطلع نحيس إذا طلب غدا حقه بروحه :krkrkr::krkrkr::krkrkr:​

 

[ليل السفر]

لاتعطينه وجه بس عادي طبخي

 

[ya al3rosa]

شكووو المفرووض تطبخين

 

[كيك توفي]

طبعا الاغلبية اكدو على ان الطبخ مالة علاقة بس ياجماعة الواحد لمايصير زعلان مايقدر وعالعموم ابشركم السالفة انتهت لاني ماطبخت وجا الظهر وراضني يوم رضيت ونام وهو جايع انا كنت شبعت نومجان اقوم واسوي لة احلى غداء استانس فديتة واللي عجبني انة فهم اني ماطبخت لاني متضايقة منة ومانمت عدل والحين الحمد اللة اشكر الكل على الردود الحلوة

 

[ثريا الكون]

عالقليله طبخي علشان انتي تاكلين ولا مو معقوله طول اليوم ما تاكلين

 

[shak!shoka]

يالله الحمدالله ع السلامه قصدي مبروك الرضاوه
يعني اخرتج طابخه. لو طابخه مو الاول و مفتكه و مقيله معاه العصاري << فاضيه ههههه


انا لو زعلت اطلع حرتي بالشغل اغسل ملابس و انظف المطبخ و اسنع الكبت و الادراج بعد اذا الزعله قويه هههههه ف اهو يستانس واذا حس في قصور بشغل البيت او غبره مني او مناك يسويله زعله علشان يدقني سلف خخخخخ

ما ادري شسالفتي ودي اغير طبعي البايخ بس ما اعرف او قعدت بدون شغل بمد الساني شطووووله عليه و اخربها كللللش ! اعرف نفسي

 

[طفله نست تكبر]

انا اطبخ كذا صنف من سلطه وحلا وخاصه الطبخه اللي يحبها بس أخلص من دوشت المطبخ سييييييييييييييده اخذ دوش وبعين اعدل نفسي مكياج وشعري بالفير حركااااااااااااات وبعدين لما يشوفني هيك تعالي شوفي كيف يطلب السماح

 

[PuPa^^SWeeT]

طبخي الغدا و فكي رووحج



سوالفهم دفشة شتسويين بعد

 

[algamar]

طبعا الاغلبية اكدو على ان الطبخ مالة علاقة بس ياجماعة الواحد لمايصير زعلان مايقدر وعالعموم ابشركم السالفة انتهت لاني ماطبخت وجا الظهر وراضني يوم رضيت ونام وهو جايع انا كنت شبعت نومجان اقوم واسوي لة احلى غداء استانس فديتة واللي عجبني انة فهم اني ماطبخت لاني متضايقة منة ومانمت عدل والحين الحمد اللة اشكر الكل على الردود الحلوة

الحمد لله عدت ع خيييير . .
بس لو جيت قبل كان قلت لك اطبخي خخخ
زين انك ماطبختي ..

 

[al-musk]

الطبخ ماله شغل .. بس ساعات الواحد يكون ماله خلق ووده يمشي ورا مزاجه

 

[*Manoush*]

طبعا الاغلبية اكدو على ان الطبخ مالة علاقة بس ياجماعة الواحد لمايصير زعلان مايقدر وعالعموم ابشركم السالفة انتهت لاني ماطبخت وجا الظهر وراضني يوم رضيت ونام وهو جايع انا كنت شبعت نومجان اقوم واسوي لة احلى غداء استانس فديتة واللي عجبني انة فهم اني ماطبخت لاني متضايقة منة ومانمت عدل والحين الحمد اللة اشكر الكل على الردود الحلوة

زييين اشوا :eh_s(7): الله يهنيكم ويبعد عنكم الزعل والهواش