نقاهة الاجهاض مابين نصائح الدكتورة و والنسوان ! !

[فكرة]

هناك تضارب في الآراء مابين نصائح الدكتورة بعد الاجهاض ونصائح النسوان ..

الدكتورة تقول : كثري أكل اللحوم والبروتينات والعصيرات والفواكه والخضار ..

والنسوان يقولون : كثري أكل الحلبة والثوم والعصيدة !

الدكتورة تقول: قومي بأشغالك عالراحة بدون اجهاد ولا رفع اثقال ..

والنسوان يقولون : انبطحي على ظهرك ولا تتحركين .

واذا قلتلهم ليش لازم انبطح وأكل حلبة وثوم ؟
يقولون علشان ظهرك !
اقولهم شدخل الظهر في الحمل ؟
مايعطوني جواب علمي مقنع ..

نطاوع ميين النسوان ولا الدكتورة ولا نجمع بين الاثنين ؟

وهل عندكم جواب علمي ان الظهر له علاقة بالحمل وان هذا الطعام يقويه للحمل الآتي وان الاستلقاء وملازمة السرير مهمة في فترة النقاهة ؟

 

[".شاعريه."]

حبيبتي وازني بين كلام الاثنين
يعني بروتينات ولحوم وخضره + الحلبه والرشاد والحبه السوده وشاي الغوري .... الخ
وشي طبيعي الطعام له علاقه قويه بجسمج وعافيتج وقدرتج على الحمل
واذا على الراحه تقومين بشغل البيت العادي ولو مثلا موظفه يفضل تاخذين اسبوعين راحه
جسمج الآن متعب من الاجهاض ولخبطة الهرمونات>> بس ملازمة السرير اول مره اسمع فيها

 

[Unico Style]

أنا الصراحة دايما اتجه للنصايح الطبية و العلمية

 

[روح الأحزان]

حبيبتي وازني بين الاثنين لان الحركة الزايدة موزين ولازم تاخذين اشياء تنظف الرحم

 

[أأأميرة الورد]

اااااب

 

[ام اغلى الناس]

الله يعوضج ويرزقج باحسن منه
طبعا تعتبرين نفاس
ولازم تمشين على كلامهم هم الاثنين
يعني لازم اعشاب وغيره
ولازم راحه
عشان الرحم يرجع لوضعه الطبيعي
وتقومين بالسلامه

 

[ابدا يالغالي مانساك]

الله يعووضج يارب

اما سالفة الثوم ونبطحي عالبطن اول مره اعرفهاا

 

[ام فواازي]

شوفي اذا الاجهاض باول الاسابيع هني مو لازم تنبطحين لا بس لازم تريحين لان الرحم كان مفتوح وصاير معاه انقباض فلازم الراحه وعدم حمل شي ثقيل او دفعه والاكل ضروري تهتمين بعدين الحريم هم يقولون اكلي لحوم وبروتينات مو بس تعتمدين عالادويه والرشاد