نقص الحديد و منظار للرحم

[توست و زبده]

السلام عليكم
بنات عندي جم سؤال الاول هل نقص الحديد بالدم يقلل فرص الحمل؟
و السؤال الثاني منو سوت منظار للرحم؟ و وين سوته و بجم و بنج كامل ولا شلوون
و هل المنظار ضروري حق اللي صار معاها اجهاض
سووري بنات اسالتي واايد بس تكفه لا تطولوون علي و الله يرزقكم بالذريه الصالحه المعافاة
يا رب

 

[كويتيه مذهله 87]

أول شي وايد اعرف بنات فيهم نقص الحديد يحملون عادي واولهم اختي

وقصدج المنظااار يمكن اشعه الصبغه؟؟!

انا سويتها بمصر ب 12 دينار
يشووفون انابيييبج مصكره ولا لأ

انا طلبت بنج عام وامي مارضت قالت مايسوي فديتها خافت علي تقول المصرييين اخواااره بس ماشالله ايدهم خفيفه بس لغيت البنج

 

[توست و زبده]

حبيبتي كويتيه مشكووووره يجوز اهيه اشعه الصبغه بس انا فهمت غلط

 

[shjoonaa]

اشعه الصبغه غير عن منظار الرحم

انا سويت الاثنين المنظار بنج كامل واشعه الصبغه بدون بنج

المنظار سويته بمستشفى الهادي ودكتورتي فوزية القطان كلفني 300 دينار تنامين نص يوم

 

[سارونه q8]

هلا حبيبتي توست وزبده
انا سويت اشعة الصبغه بالمواساة بس انا خوافة وطلبت بنج كامل واهي نص ساعه او اقل كلفتني يمكن 100 دينار علشان مع بنج كامل
اما المنظار فسويته بالسلام وكلفني 300 دينار وطبعا بنج كامل

 

[كويتيه مذهله 87]

اها غير يعني

انزين حق شنو هالمنظااااار؟؟

 

[توست و زبده]

مشكوورين بنات و الله ما قصرتو و هذا العشم فيكم
كويتيه اللي فهمته ان اشعه الصيغه حق الانابيب بس المنظار
حق الرحم

 

[Emanova]

المنظار سويته عند الدكتوره ماجده اليتامى ب 180 + 90 تنظيفات و عينه للمختبر

مرات يكون في شيء من داخل يكون مثل اللولب الطبيعي فيمنع الحمل...هذا اللي قالته لي الدكتوره

 

[هيونه الكويت]

الله يوفقج حبيبتي