نقطة دم ف اليوم ال17 من الدوره؟ اخاف المنشط لخبط هرموناتي !

[ورد فاخر]

السلام عليكم

شخباركم بنات شلونكم

حابه اسألكم ..

انا الدوره عندي منتظمه ولله الحمد
اول يوم لدوره كان تاريخ 3/25
وسار جماع تاريخ 4/7
و 4/8
و4/9
وتاريخ 4/10
نزلت علي نقطة دم صافيه
وعقبها بديت احس بنغزات ف المبيض اليمين
كذا مره حسيت بها ..ونغزات ف الثدي اليمين 3 نغزات بس مره وحده ياتني

السؤال
شنو نقطة الدم الي نزلت؟؟
علماً اني خذت منشط نولفادكس من اول يوم دوره لين خامس يوم ..
ويهي ساير ارف كله حبوب واحس مسمممر وايد واحس ببقع مثل الكلف ..
هل ممكن يكون المنشط سوا لي لخبطة ف الهرمونات؟ وهالحبوب والبقع والسمار منه المنشط ؟ اول مره فحياتي اخذ منشط ..
وكتمه قويه ف الصدر ..

بليز خواتي الي سار لها نفسي بليز تخبرني
اول مره يسير معاي جي .. ومعاي مغص تحت السر غريب احسه مستمر بدرجه واحده ..

شسالفه ؟؟
انا تعبت فكرت اشرب دارسين وزنجبيل عشان ارتاح من هالالم
وتنزل الدوره وتعدل بشرتي واحس نرفزة الدوره مخربة مودي بزيادة مكتأبة

 

[بوح الحنين]

يمكن حمل حللي

 

[ورد فاخر]

مادري
ماعرف يمكن من المنشط ؟
ماعرف تفكيري مشتت
توني قريت ف النت ان اعراض انغراس البويضه نزول نقطة دم !!

اففف انا لو افتك من هالنرفزه والمود المعتفس كله من بشرتي قلبي معورني ع بشرتي. اول مره يستوي فيها (رعب )
واحس اني سايره شينه ههههههه

والله مكسور قلبي ع نفسي

ههههههه

اب فديتكم الله يجزاكم خير
من خذت منشط وتأزمت مثلي ؟؟

 

[ورد فاخر]

افيدوني خواتي الله يرزقكم بالي تتمنون

 

[ورد فاخر]

ابً

 

[Mrs.H]

ممكن تكون استحاضة

 

[طيشن على جديه]

ان شاءالله حامل الحين جم لج من الدوره ؟؟
حبيبتي امي ماتعرف انها حامل الا اذا نزلت منها نقطه دم ..

يارب حمل وطمنينا عنج ..​

 

[ورد فاخر]

هلا اختي
اليوم ٢٨ من الدوره
المفروض تنزل اليوم بس مافي اي عارض لها وسويت تحليل بول الله يعزكم سالب مافي حمل

شربت زنجبيل وقرفه


ابيها تنزل دام مافي حمل مابي اتاخر وتتلخبط هرموناتي


يارب تجبر بخاطري

 

[M!SS.LOBY]

الله يرزقج

 

[ورد فاخر]

اللهم امين ..تسلمون خواتي جزاكم الله خير

شنو الي ينزل الدوره للحين مانزلت

 

[بـ سـ كـ وتـ ة]

حبيبتي لا تجازفين تشربين شي ينزل الدورة احتمال يكون حمل

روحي حللي دم لا تعتمدين على تحليل البيت

وبعدين فكري تاخذين أشياء تنزل الدورة

آنا أول حملي تنزل نقطة دم مالت انغراس البويضة ... سبحان الله مو تثبت في جدار الرحم؟ تجرحه شوي وينزل دم

 

[البلوره]

لو مو حمل

المرقدوش ممتاز لتنظيم الهرمونات والدوره

ويجعلها تنزل بانتظام

 

[طيشن على جديه]

انا حملي مايبين الا بعد مايطوف على الدوره اقل شي يومين ..

بنفس اليوم وثاني يوم مستحيل يبين اصبري لاتستعجلين ..

وان شاءالله حمل ..​

 

[ورد فاخر]

هلا خواتي شلونكم


حللت بول مافي حمل
للحين الدوره مانزلت
قاعده اشرب زنجبيل وامسح بطني ب ڤكس تعبت ابيها تنزل


رحماك ربي

 

[بـ سـ كـ وتـ ة]

حبيبتي لا تغامرين تشربين أشياء حارة وانتي ما حللتي دم

لا تعتمدين على تحليل البول يمكن حمل ومو مبين

آنا بحملي ولا مرة بين في تحليل البول لازم دم عشان تتأكدين 100 %

 

[عسل حدي]

رب لا تذرني فردا وانت خير الوارثين