( نكتشف مر الحقيقيه بعد مايفوت الأوان ) 3

[وآآه حسايف]

الشوق يا ..... وصل لي مراسيلك ،،

وأنا على شوق قلبك تكبر احلامي ،،

....


رمضان 2011 الساعه 8 ونص بالليل كنت لابسه عباتي وسرحانه بمراية الصاله انطر مسج منه يأذن لي اني اروح صلاة التراويح ..!!
اخر مره رحت رابع ابتدائي مع امي توني البس عبايه وكاشخه فيها ^_^
صوت مسج فرحت قلت اكيد قالي اوكي روحي
ولا القى وسائط قصيده من 20 بيت وهاذي اللي قريتوها كان اول شطر من هالقصيده !!
هاذي اول قصيده لي انا ~ منه
وانا اقرا القصيده نزلت دموعي وفرحت فرحه ماتنوصف بذاك اليوم
تأكدت اني فعلا لي مكانه بقلبه ولا ماكان خصني بقصيده لي انا~

ب 20 بيت ..!!
ايدي صارو يرجفون من الفرحه
قلت بقلبي ش سوي ادق عليه الحين ولا بعد ماارجع من الصلاة ؟
يمكن مو فاضي او ينطرني انا اللي ادق او او ، ومن الفرحه ظاعت علومي
ارسلت له كول مي
توني ماطلعت من المسجات الا اشوف رقمه يتصل
فتحت الخط وضليت ساكته ويقول قصيدته :
وسلامتك..
قلت هاذي لي انا ~ ( كنت اتدلع على تميلح على سخافة بنت عشقانه لين مهي غرقانه
:عجبتس ؟؟!
:يكفيني انها لي وانت بنفسك قعدت تفكر وترتب وتنظم القصيده لي انا يابيبي
قال علشانتس
قلت يسلم شانك حبيبي..
قال بيبيتي
لبيه بيبي احبك والله احبك
سكت وطالعت بمراية الصاله وجهي قلب طماطه
قلت شكرا
قال وشو اللي شكرا
مقدم هديه انا
الوحده اللي تعرف السنع ترد على رجالها بنفس الكلمه
قلت بيبي والله تأخرت على صلاة التراويح امانه خلني الحق عليها علشان ادعيلك
عسى الله لايحرمني منك
ويخليك لي طول العمر
قال
تدرين شلون وهو معصب انقلعي للصلاه التراويح تدرين اني مااداني تروحين وتجين صلي بالبيت ابرك ذابحتس الدين !!
والشرهه موب عليتس الشرهه علي يسويلتس قدر عنده
!!
قلت امبيه بيبي لحضه
خلاص ما... !!
قال قلبي ويهج !
وسكره بوجهي ..



هاذي كانت حالتنا طول هالثلاث سنين !!
هواش وزعل
بعدين احلى مراضاه
تغشمر وضحك بعدين اكبر هوشه
كانت علاقتنا عنيفه حيل
يوم جذي ويوم جذي ...
(وكل هاذ وبغضب الرحمن جل جلاله وعز شأنه )
كل هاذا وزعل لربي سبحانه اللي كنت ارضي عبد من عبيده
لايسوى حشره عند رب العالمين
ازعلت ربي واغضبته ثلاث سنين !!
{اللهم اني عبدك ابن عبدك ناصيتي بيدك ماضً في حكمك عدل في قضائك اسئلك بكل اسمً سميته به نفسك
او انزلته ف كتابك او علمته احداً من خلقك ..
او استأثرت به في علم الغيب من عندك..
أن تجعل القرأن ربيع قلبي ونور صدري وجلاء حزني }
وأن تغفر لي ذنوبي وتنقني من الخطايا كما ينقى الثوب الأبيض من الدنس ،،،

..
عمري 17 سنه
قمة الجهل والشباب والدلع والتكبر
كنت اقوم الصبح احيان والله العظيم ماغسل وجهي بصابون بس ارشق مويه وع السريع
كان اخوي تو جاي من السفر ونومه مومتعدل
وقايم الصبح جت امي صحتني
قومي .. يالله صباح خير شنو يمه
( كنت سهرانه انطره لين يطلع من الدوانيه )
ويمشي عنده شغل بمدينه من المدن ،،
قومي اخوج جوعان اكيد قومي جهزيله فطور
وانا بجابل ابوج قبل لايطلع الشغل
وكان فترة تجيزات حق عرس اخوي الكبير
قمت بسرعه ولميت شعري وحطيت ربطه تضبه عشان الريحه وامي ماتخلي وحده تدش المطبخ
وشعرها مفتوح يطيح بالأكل ولا يتعبى زفر
نزلت ركض واشوفه قلت صباح الخير !!
الحين اجهز لك الفطور جان يطالع فيني
وقال قربي قربي قلت هلا قال ابتأكد انج مو حاطه شي بويهج
قلت ليش
وامي كانت جايه جان يقول والله إذا ويه مرتي نفسج والله
انا محظوظ

،،
قالت امي ياولي لاتنظل بنتي قول ماشاالله
قال قلت قلت فضحتونا


،،،

اللي كان هذا كله قبل لاتبدا معانتاي
الحقيقه والمره
معانتي اللي دامت ولازالت لين هاللحظه اللي قاعده اكتب فيها لكم


..


ثلاث سنين حب وله وغرام وعشق
ثلاث سنين عشت فيها ايام كنت افكر انها جميله لاكن
والله ثم والله مرها ذقته الحين وانا بغربتي وحيده ..

جهزو اهلي غراضي واوراقي حتى بقبول الجامعه
قبل السفر بسبوع بالضبط
جتني امي ..
من بعد ماصار اللي صار
وكنت معتزله العالم فوق
بداري
مااطلع ولااجي ولااتكلم مع احد
ومن احد يصر علي اقوم. ابكي بكى احد متوفي

..

جتني وجهاا اول مره اشوفه بهالشكل
وبهالغظب اللي ودها تذبحني فيه
وعيونها نااار
قالت
: كذا
بالحرف

منو .......... !!!!
قلت نعم ؟؟!!!
( امي قالت اسمه شلون؟
وليش؟
ومنو قالها؟
وشلون عرفته ؟ وش السالفه ؟؟؟
قالت لي
شوفي يابنتي حنا بحياتنا لاأنا ولا ابوج ولاخوانج قصرنا عليج بحاجه
كنتي تطلبين الشي يجيج شيين
ومن اخر الدنيا وتلبسين احلى لباس من افخم الماركات من امريكا وبريطانيا
وحتى الذهب كليتيه
ايه ددلناج بس مومعنتاه دلع ماصخ
( وامي كانت دايم تقول لي ضامك الضيم عليك بنت الدلال)
وتعرفيني مااعز عليج شي
وحتى بسنع البيت والتقانه علمتج منج صغيره
قلت لها شفيكم ش السالفه
( امس وانتي نايمه اطل عليج بالليل كل شويه
وكنتي تهذيين تهذيين واجد وانتي نايمه
وقلتي فلان فلان لاتطلع لاتروح
اقعد هنا ليش هاذا كذا وكلام كثير)!!!!!!!
انا
تخيلتو لوين وصلت حالتي
اني صرت اهذي فيه وانا نايمه
انا كنت اشوفه بأحلامي كثير كثير
لاكن ماتوقعت لهدرجه !!!
قالت ادري
ان في شي عندج من زمان مغبيته عني
وحاسه وساكته
وهاشي هاذا هو اللي قالب كيانج ومخليج انسانه غريبه حتى عنا احنا اهلج !!
،،،
دمعت عيوني وتمنيت ان الأرض تنشق وتبلعني
تمنيت انا الله ياخذني ًوقتها ولااني اخلي اهلي يفكرون فيني بهالتفكير ..


آآه ياهلي آآه ياللي تعبتو علي وربيتوني وددلتوني
آآه بس
شلون أنا سويت كذا
شلون أنا سمحت لنفسي اني اوصل لهالمواصيا هاذي
أنا أميرة العايله
كانو ولازالو يضربون فيني المثل بأدبي وأخلاقي العاليه

اخلاق أميره

وسنعي بالبيت ومساعدتي لأمي لي جو الضيوف
..
حسبي الله ونعم الوكيل
حسبي الله ونعم الوكيل
حسبي الله ونعم الوكيل
وصلت لمواصيل مايحسدني عليه عدو ولا كافر

وأولها غضب الرحمن ،، جل جلاله وعز ثنائه



قالت امي الحين تقولين لي كل شي قلت
مافي شي وقمت ابكي ونتهدت امي وقالت هاذي مو تربايتي يا...
قلت يمه لا لا ااا
دخيلج لايروح بالج لبعيد والله مافي شي
تعبانه وخايفه من السفر والغربه واني يمكن مقدر اتحمل ،،!!بس
مشت
امي الحبيبيه

وهي مو مصدقه ولا كلمه من اللي قلته لها ،،

بعدها بساعه جتني الخدامه
تقول ماما ..... تقول ردي على تلفون
كان بهذيك الفتره مرت اخوي نفاس ومتنفسه عندنا لأن اخوي مسافر وهي عندنا
اهي بنت خالي اصلا
دق جوالي ولا تقولي تعالي نامي عندي الليله مستحيه من عمتي( امي ) صارلها فتره نايمه عندي وتاركه عمي نايم لحاله بالدار
تعالي نغير جو نشوف فلم عندي ونسهر من زمان ماسهرنا وعمتي مستحيل تخليني انام بروحي تقولي انتي نفسه لازم عنايه ..

قلت تعبانه والله ومالي خلق ،،
بعد اصرار شديد منها
وياليتني مارحت ..
ولانمت عندها
بالليل رحت عندها وجيت انام ع الفجر كذا
صارت 3 الفجر ومرت اخوي نامت قلت ماني نايمه لين الصلاة
انسدحت ع الفراش
ومسكت جوالي
فجر الأربعاء الساعه ثلاث وربع بالضبط

اللكلام اللي اقوله لنفسي
بيبي هالمره بيحن قلبه ويرد !!
جيت ادق وتذكرت !؟؟
تذكرت موقعه الرسمي لأن كان كل سفره له تخص فنه
يكتبونها او يحطونها فيه
ف قلت يمكن سافر وماقالي هالمره ؟!!
هو محذرني اني ماادشه
لأن كل مره اقرا كلام معجبات ونتهاوش
حتى إذا نسئ يكتب كلمة اختي بالردود الخاصه للمعجبات،،!!
دشيت الموقع وشفت صوره بكل مكان
صرت امسح دموعي وابكي بصمت
خايفه تقوم مرت اخوي
دشيت وهالمره فيني ضيقه فضيعه وكتمه واحساس ان في شي ناطرني بقراه ولا بأشوفه
نزلت بالسهم

وايديني ترجف ولأول مره ف حياتي
ودقات قلبي مثل رفيف الطير المذبوح


ولا القى مانشيت كبيييير بالأحمر وبالخط العريض

،،،

يتبع بذن الله وإردته

 

[Reelax]

الله يعينج.

ننطرج حبيبتي

 

[ام زوغه]

كملي شووووقتيني يا الغلا

 

[نبضي يخاوية]

ما ودي اكملها اليوم ( وااايد تضايقت )

دمعت عيوني

اذا انا احساسي جذا وين انتي

وان شاء الله تتيسر امورج ويعوضج الأفضل والاخير

ويبدل ضيقج افراح ومسرات يارب

 

[جوك احلى جو]

حبيبتي احيانا الافراط في حب انسان يخليه مثل المينون كونا احنا برا القصه فاشوف علاقتج معاه متذبذبه هذا مايستاهلج شوفي شلون انتي حارقه نفسج ومرضتي علي شان قطعة انسان مفروض تتحسفين علي كل لحظه ماذكرتي فيها ربج اللي اهو بيده حياتج وقدرج واهو اللي بيرزقج بالريال اللي يستاهلج ودوام الحال من المحال انتي بنت صغيره والحياة بقبال هذا مايستحق تنزلين دمعه علشانه باجر راح تكبرين وبتقولين شلون كنت متعلقه فيه هالكثر لما بتصادفين زوجج اللي ربج خاشه لج وحزتها بتقارنين بين ايام الحزن والغلط وبين ايام الحلال والسعاده

الله يسعدج دنيا واخرها لاتقطعين (الصدقه والاستغفار والدعاء والقران ) هذيله اللي بفيدونج بدنيتج واخرتج ويزيلون همج ويسعدونج ويكبرون حظج

 

[YARB WF8NY]

كمللللللي متااابعيينج بس من وصفج احسسه لعاااب وبياااع كلاام وماحس حبج يمكن كنتي متوهمه

الله يرزقج بالزوج الصااالح الي يسعددددج وينسيج اياااامه

 

[غصون ق]

انه اقول سويها روايه
وكملي شوقتيني --_____--
ربي يوفقج وتسلم ايدج

 

[نبضي يخاوية]

جوك أحلى جو

كلامج صح
وانا وياج في اللي قلتي حرف حرف

الله يسعدنا ويسعدكم يارب

ويصبرنا ويصبر صاحب الموضوع


​

 

[moOone]

كمليهاااااااااااااااا بليزززززززززززززززززززززززززززززززز

 

[وآآه حسايف]

الله يعطيكم العافيه
ماقصر كل من رد
نبضي يخاويه
جوك احلى جو وغصون وكل اللي ردو من غير تخصيص

بس يمكن تقولون انا افرطت في حبه لاكن مو من الباب للطاقه كذا
ومن غير اصرار منه وكنت ابي اقطع العلاقه اقل شي ثلاث مرات وهو كان يرفض ويتمسك فيني بزياه
وانا كنت ضعيفه للأسف وبزياه ،،،
اعترف اني غلطانه وغلط كبير بحقي
لاكن وش اقول غير الحمدالله اللي هداني
(وحسبي الله ونعم الوكيل فيه )
الله سبحانه ف مكانه بياخذ حقي منه
وقريب ان شاء الله
أنا كل يوم لحد الأن كل مااذكر اللي صار فيني
ابكي لين ادوخ وانام واقوم وانا عيوني وارمه
حتى بجامعتي الحين ومع الناس ولاني مع الناس
وين مااروح القاه قدامي وكل الناس تسولف فيه
وينشلع قلبي زياده ( وبصمت ) مقدر اتكلم او اقول حاجه
غير دمعه على خديني من حرارتها تحرقني

مانسيته دقيقه وحده وهو بعد لاكن الفرق بيني وبينه
انه اهو اختار طريقه لحاله وتركني انا بنص الطريق وحيده !!

 

[وآآه حسايف]

بكرا بذن الله التكمله الأخيره ،،،
وأسفه ع التأخير ،،
واسفه إذا ماطلت ،،
واسفه إذا ضايقت احد ،،
ومره اخرى .. من لايشكر الناس لايشكر الله سبحانه،،

لاكن والله ماكان قصدي الرئيسي غير الفايده للبنات
وهم عضوه هني تقرب لهاالموضوع !!
اللي اتمنى انها ترد علي فقط لتعرف المعنى المحقيقي للشخص هاذا اللي دمر طفولتي عن بكرة ابيها...
تعرف نفسها وتعرف ا.............. !!!!

 

[~lonly-sister~]

سبحان الله وكأنه مسلسل
لو ماحسيت الصدق بكلامج ماجان تابعت !!
جنها روايه !
الله يفرجها عليج يارب
بس ماقلتي لنا اشلون عرفتيه وعرفج ؟!! هذا سؤال يخطر على بال كل اللي يتابعونج !؟؟؟
وبعدين شسالفة العضوه اللي معانا تقرب لهالقصه اشلون يعني!؟
عفيه لاتأخرين علينا
كلنا متابعينج فديتج
والله يفرج همج ويشرح صدرج وينتقم من هالضالم حسبي الله عليه كسر بقلبج وانتي توج ٢٠ سنه
،،،،،
ولي عوده

 

[وآآه حسايف]

حياتي انتو مشكورين على ردودكم
وعلى تشجيعكم لي اني اكمل
مع اني اشوف المشاهدات فوق ١٠٠ والردود ماتعدي ١٠ !!!!!
بس البركه فيكم
اعذروني والله عندي امتحانات سبحان الله هالفصه مي راضيه تخلص !!
تصدقون كل ماابي اكتب يصير شي يقطعني عن التكمله بشكل فضيع !!
بس انا لازم ابين الحقايق
وعلشان الكل يعرفه علئ حقيقته !!!
( والله الذي نفسي بيده ) اني كل كلمه قلتها عنه وصارت بينا وصار معاي صج !
وماكذب ب ولا حرف !
....
واهو من الديره !!؟؟


واهو يكتبون عنه بقسم القصيد والخواطر !!

لاكن وش يفيد لو اشهرت عنه غير المشاكل !
الله سبحانه في مكانه هو اللي بياخذ حقي منه
وعن قريب انشاله ....

 

[وآآه حسايف]

سبحان الله وكأنه مسلسل
لو ماحسيت الصدق بكلامج ماجان تابعت !!
جنها روايه !
الله يفرجها عليج يارب
بس ماقلتي لنا اشلون عرفتيه وعرفج ؟!! هذا سؤال يخطر على بال كل اللي يتابعونج !؟؟؟
وبعدين شسالفة العضوه اللي معانا تقرب لهالقصه اشلون يعني!؟
عفيه لاتأخرين علينا
كلنا متابعينج فديتج
والله يفرج همج ويشرح صدرج وينتقم من هالضالم حسبي الله عليه كسر بقلبج وانتي توج 20 سنه
،،،،،
ولي عوده

مشكورا فديتك ع الدعوه ولكي بالمثل ان شاء الله
...
اما عن اسئلتج راح تلقين جواباتها كلها ف اخر موضوع لي ..

 

[وآآه حسايف]

كمليهاااااااااااااااا بليزززززززززززززززززززززززززززززززز

إن شاالله فديتك بكملها اكيد لخاطركم

 

[وآآه حسايف]

انه اقول سويها روايه
وكملي شوقتيني --_____--
ربي يوفقج وتسلم ايدج

غصونه فديت خفة دمك ياحلوج ^_^
والله شكلي بعطيها فجر السعيد وتكتبها مسلسل !!!!!
ههههه
اسفه فديتك إذا تأخرت بس هنا عندنا استغفرالله الوقت مافيه بركه كلش( عن ولايتي) بسرعه يعدي
،،،

 

[وآآه حسايف]

الله يعينج.

ننطرج حبيبتي

آآمين الله يعيني
شكرا حبوبه ..

 

[وآآه حسايف]

حبيبتي احيانا الافراط في حب انسان يخليه مثل المينون كونا احنا برا القصه فاشوف علاقتج معاه متذبذبه هذا مايستاهلج شوفي شلون انتي حارقه نفسج ومرضتي علي شان قطعة انسان مفروض تتحسفين علي كل لحظه ماذكرتي فيها ربج اللي اهو بيده حياتج وقدرج واهو اللي بيرزقج بالريال اللي يستاهلج ودوام الحال من المحال انتي بنت صغيره والحياة بقبال هذا مايستحق تنزلين دمعه علشانه باجر راح تكبرين وبتقولين شلون كنت متعلقه فيه هالكثر لما بتصادفين زوجج اللي ربج خاشه لج وحزتها بتقارنين بين ايام الحزن والغلط وبين ايام الحلال والسعاده

الله يسعدج دنيا واخرها لاتقطعين (الصدقه والاستغفار والدعاء والقران ) هذيله اللي بفيدونج بدنيتج واخرتج ويزيلون همج ويسعدونج ويكبرون حظج

جوك احلى جو ...
مشكورا يالغلا على كل الكلام اللي قلتيه
وبذن الله ماشيه عليه .. من صدقه واستغفار....
لاكن كونج برا العلاقه ويمكن تشوفينها من منظورج انتي منظور مره عاقله حكيمه
لاكن كيف بيكون منظور هالعلاقه من وحده عمرها17 سنه!!؟؟ هل بيكون عاقل وحكيم ؟
كانت علاقتي معاه مثل البحر ساعه يهيج وساعه يهدى ،،
والله يسمع منج اني انساه وانسى اللي سواه فيني وبطفولتي ولعبه علي بكل خبث يمكن!
صرت اشوف هالشي
أما ع الندم ف أنا ندمانه قد شعر راسي وكل يوم ياكلني الندم والقهر والله من اللي صار واللي سواه فيني
انا صغيره وهذا الاي زاد الطين بله !
تعلقت فيه ثلاث سنين من اهم عمر بحياتي
واهو مادري شنو انا كنت بالنسبه له ؟؟ مادري
مشكورا والله يجعله في ميزان حسناتج يارب ،،
لاخلا ولاعدم من هالمشاركه ^_^

 

[نبضي يخاوية]

احسن لج لا تقولين اسمه

من ستر مسلما ستره الله في الدنيا والاخره

وربي ييسر امورج ويعوضج الاحسن والأخير منه


نترياج وين التكملة

 

[فرآولة]

ياماما.. اعرف وايد بنات حبوا لدرجة الينون ويهذرون باساميهم وهم نايمين ..

والحين متزوجين وعايشين حياتهم

لا ترجعين للماضي وتركزين عليه وايد

لاني اجوفج وايد تقولين 3 سنين و 3 سنين ..

لاتتحسفين .. اعرف ناس ضيعوا 10 و 8 .. وبالعكس وهم توهم صغار .. وبدوا حياتهم وتزوجوا وعيلو

احب اقولج .. الحياااااااااااااااه جدامج انطلقي

ماضاع من عمرج شي .. توج 17 واللي ضاع كل الشباب والبنات بهالعمر ضيعوه بهالحب والخرابيط والاوهام.. لان باختصار كنتي فمرحلة مراهقه

الحين عندج مستقبلج .. دراستج

وتعرفي علي صديقات عشان ماتحسين بالغربه واجتهدي

وادرسي عشان ترفعين راس هلج وديرتج