نلعب & نمرح & نتعلم (( متجدد وبالصور ))

[& الذاهبه &]

:stars: السلام عليكم ورحمة الله وبركاته :stars:


شلونكم يا أمهاتنااا الحلوات


كلنااا نعرف بأهمية اللعب للطفل وفي نظرياات شكثر تتكلم عن التعلم باللعب ، فعلا خواتي التعلم باللعب جدا مفيد

منهاا انتي تستانسين وياا عيالج ومنهاا يتعلموون وينمون ذكاؤهم ..

وقبل كل شي نقوووول

(( اللهم ياحي ياقيووم افتح على بنتي وعلى عيالكم فتووح العارفين ))


اللعبه الأولى :
تلقونها في كل مكاان بالجمعياات في بو اميه بس صراحه انا خوافه من عقب سالفة تسمم بنتي بالمعادن احب اشتري من

محلات الأطفال والمتاجر الكبيرة ...




فقاعات الصابون لاحظت استاذ بنتي خلال الجلساات يستخدمهاا يمكن عشان يجذب انتباههاا

وفعلا شريتها البيت وكانت تركز وتطالع فيهااا تلحقهااا وتحاول تمسكهاا بيدهااا ممتعه لأبعد الحدود ورائعه

لزيادة التركيز .. والأحسن اذا بدا الطفل نفسه ينفخ بس للأسف بنتي ليما الحين احاول فيهاا بس ما اتقنتهااا :eh_s(16):

لأن التفخ يا خواتي ينمي اعضاء النطق عند الطفل ويقوي الفك والبلعوووم

نقدر نستخدم الصفااارة



بس عااد مو انتوو تنفخووون فيهاااا
عيالناا الحلوووين وبس....


:stars::stars::stars:

 

[الصابرة المحتسبة]

الذاهبة شهالإبداع

وين كان كل هذا هااااا؟

يعطيج العافية وبارك الله فيج ويعل ربي اللي عينه ماتنام سبحانه ان يقر عويناتج ببنيتج عاجلا غير آجلا اللهم آمين

وتستاهلين التقيييم

 

[سمسومه الحبوبه]

مشكوره حبيبتي الذاهبه
أفكار حلوه وموضوع مهم ورائع
اتمنى مايوقف والأمهات مايبخلون علينا بأفكارهم

 

[& الذاهبه &]

أشكرج يا الذاهبه مرورج أسعدني
تعوذت من وساوس ابليس بأن بنتي ماراح تتطور .. وشغلت مخي .. وبس
أمين أمين ولكي بالمثل يا الغاليه


حياج الله سمسوومه مرورج أسعدني

 

[& الذاهبه &]

:stars::stars: نعـــــــود من جديد :stars::stars:


شلونكم خواتي وحبيباتي

اليووم راح اعرض لعبه مفيده

وهذي صورة لعبتااا



شاريتهااا من تويز ار أس في 360
بنااات هاللعبه شاريتها من شهر يناير ..

توقعتهااا سهله ....

بس للأسف كانت تمسك الطووق تطق فيه الطوفه او او ارضيه الغرفه ما كانت تعرف تلعب فيه

كانت تاخذ طوقين وتطقق في بعض

كنت امسك ايدها واخذ طوووق واندخله مع بعض حبه حبه

واعترف اني يأست انها تركز وتدخل لوو طووق واحد

ليمااا قبل اسبووووع يااااي فرحت يا بناات والظاهر هذي بشاير خير ان سحب المعادن جايب نتيجه معاها

طلعت اللعبه عشان ابدى معاها التمرين مسكت اول طوق بيدهاا ودخلته معاها عقب خليت ايدهاا وعطيتها طوق توقعتهاا

تطق في الأرض ..

بس اسم الله عليهااا دخلت الحلقه بروحها ما صدقت واهني دور التعزيز ( تصفقين لهاا- تدغدغينهاا)

بعد خمس شهووور معانها مع هاللعبه اتقنتهااا .. مفيده حيل للتركيز وايضاا للعد وتعليم الألوان


الحمد الله

وفي النهايه نقووول

اللهم ياودود يا ذا العرش المجيد يافعال لما تريد افتح على بنتي وعيالكم فتووح العارفين



:stars::stars::stars::stars::stars:

 

[مواضي]

جزاج الله خير
والله موضوع اكثر من رائع
ونتمنى الاخوات يعطونا من خبراتهم
المفيده

 

[HearT ChocolaTe]

ابداع يا الذاهبه .. وعسى الله يفرحج فيها عاجلا وغير اجلا
بس زعلت منج لما قلتي انها ما راح تتطور .. لاتعيدينها .. وخلي ايمانج بالله قوي والأمل بعيونج لاتفقدينه
بالصبر أمهات التحدي يصنعون الإبداع من عيالنا

الى الأمام وربي يوفقج

 

[& الذاهبه &]

هلا بج اختي مواضي مرورج نور الموضوع

اهلين ام عزوز اشلووونج

نورتي الموضوع يا الغلا

اتمنى لكم الفائدة

 

[ام نوونه]

يعطيج العافيه حبيبتي

عاد صج الماي والصابون وايد زين انا ولدي بمريكا كان ينفخون له عشان يتعلم وعضلات حلجة تتقوى

 

[& الذاهبه &]

فعلا اختي لعبة البابلز حيل مفيدة

 

[& الذاهبه &]

:33_1185028183: عدناااا :33_1185028183:


السلام عليكم حبابيبي


نكمل الألعاااب اللي تخيلي الطفل يتخيل ...

تذكروون أول شلوون كنا نلعب ناخذ عباة الوالدة والجوتي الكعب تكرمووون ونسوي نفسنااا كباااار (( أيااام ))

عندي وحده من رفايجي تقول كنت اسوي حوااار بين اصابع ايدي طبعاا يوم كانت صغيرة (( الحمد الله والشكر مخيلتها ضربت على اصابعهااا ))ههههههههههاي

نعود الى موضوعناا

نقطة التخيل هذي ضعيفة وتكاد تكون مفقوده عند أطفال التوحد

وفي تمارين تخيلهم يتخيلوون وتنمي ملكة التخيل


منهاااا هاللعبة



وفي هذي




طبعاا اتوقع تلقونهااا بمحلات الألعااب الكبيرة ... أنا شريتها من محل العااب بدبي دار الحي

احطهااا لبنتي واسولف معاهااا وأسوي حوارات

السلام عليكم ----- راح تعرف تسلم على الناااس
شلووونج يا الغالية
واهني راح تعرف اسمهاا مع مرور الوقت خصوصااا( اطفال التوحد مايردون على اسمائهم )

طبعااا

تقدرين اتعلمين الطفل شغلات شكثر ( أناشيد - أعداد - الواان )
مهارات معينه ( تفريش الأسنان وغيرهاااا )


أتمنى انكم استفدتوا من ألعابناااا


وفي الختاااااام

(( اللهم يا معلم ابراهيم علمهم ويا مفهم سليمان فهمهم ’’ اللهم انفعهم بما علمتهم وزدهم علما ))


:stars::stars::stars:

 

[& الذاهبه &]

:q8: يتبع :q8:


هذي اللعبة موجودة في تويز ار اس تهبل بس للأمانه ماشريتهاا انطر بنتي تكبر شوي




عجيبه هاللعبه

اهي عبارة عن وجه كل شي فيه متحرك يعني تشيلين العيون والخشم والحلج والايدين والرجووول _03BA:

ويرد الطفل يركبهمم :eh_s(4):

يعرف من خلالهااا اعضاء الوجه

اتونس حدهااا

وحيل مفيده




:stars::stars::stars::stars::stars::stars:

 

[& الذاهبه &]

:klhfl::klhfl::klhfl::klhfl:


شلون امهاتنا الحلوين

شكلكم ماتبوون لعبة جديده

 

[مواضي]

:edbf4317b9:هلا فيج ياالذاهبه
والله ماقصرتي وكل لعبه لها فايدتها
وليش مانبي الا نبي وننطر جديدج يالغاليه
وجعله في ميزان حسناتج ان شاالله

 

[& الذاهبه &]

السلام عليكم

بعد جبدي مواضي


نتااابع


لعبتنااا الجديده روعه لتعليم الأشكال الهندسية وأيضا للتركيز بوضع الشكل الهندسي في مكااااانه

هاالعبة أيضااا شاريتها من تويز أر أس





أمنه للأطفال من خشب قاعد نحاول انا والغاليه بالتركيب وان شاء الله تتقنهااا


طبعا في منهاا على شكل حيوانات تكرموون

مثل هذي




وفي على أعداد وحروووف

اتمنى لكم الاستفاده

 

[مواضي]

يا قلبي جزاج الله خير
اما العبه الاخيره قعدت عليها انا والغا لي يمكن سنه ياالله
عرفها واذا طول مالعبها كاني اعيد من اول وجديد
الله يعطيج العا فيه بعد نبي_03ba:

 

[نشـــامي]

انا كنت ادور نفس موضوعج بس ماقصرتي الله يفتحها عليج ويعافي بنيتج ويفرح قلبج فيها

بالنسبه للعبه الحلق اللي حاطه صورتها ترى بعد موجوده بلاندمارك

وفي لعبه مفيده يسوونها لبنتي بالعلاج بالعمل بالحكومه

تحطين حوضين اوسلتين وحده فيها كور والثانيه فاضيه وتعلمينه ينقل وتطلبين منه يعطيج(هات)
راح يتعلم هات يعني عطني
وتتقوى مهارات الاصابع واليد
ولما ياكل قوليله هات عشان يوكلج ويتعلم هالشي

والطين حيل مفيد باللعب والرمل او العيش حب ني اقصد او معكرونيه نيه
تزيد الاحساس باليد ويتعلم يستخدم اصابعه

واذا عرفت شي بارجع لكم

 

[بنت النخيل]

ربي يجزاكم الجنه وللغاليه الذاهبه صاحبه هالموضوع ماقصرتوا

العاب مفيده نبي بعد

وفيه لعبه مشالك الغسيل ورق المقوي حيل مفبده حق العضلات الدقيقه

 

[& الذاهبه &]

ماقصرتو خواتي عل الردود الي تبرد الجبد

وراح احااول انصل الصور اللي قلتوو عليهااااا

تابعوناااااااا

 

[& الذاهبه &]

:stars::stars::stars::stars::stars:



نعوود من جديد يا الغاليااات مع العابناا المفيدة


عندناا لعبنه لتقوية عضلة اليد وتزيد التركيز وفيهااا تشويق للطفل



هذي هي لعبتنااا موجوده في توي ار اس

في منهاا احجام كبيرة كهربائية في ماجيك بلانت

لعبة المطرقه ممتعه حتى للكبااار اللي فيهم حرة من شي ههههههه تخيلهااا ابو العيال اذا غاثهاا فيها تفريغ شحناااات:krkrkr::stars::stars::stars::stars::stars:

ههههههه امزح معاكم مافي احد يتحملنااا مثل رياجيلنااا الله يخليهم لناااااا