نوادى الفروانية

[ساندى]

يابنات ابى اشترك بنادى علشان اخفف الاهرامات اللى عندى هههه وانا اول مرة اكون معزمة ومو عارفة احسن نادى اللى مشتركة بنادى بالفروانية بالاندلس بخيطان من الاماكن القريبة تفيدنى وتكسب فينى اجر

 

[Q8_ButterFly]

في نوادي بخيطان وايد بس انا اخاف اروح بروحي جان بتشتركين اشترك معاج

 

[ساندى]

اى واللة حتى انا بروحى جان تخاوينى نتعرف ونعين بعضنا على هدم الاهرامات الشحمية بس وين النادى النظيف واللى يمدحونة علمينى نتواعد فية

 

[$$مذهلة$$]

يمدحون نادي فندق سفير الرقعي بس ماجربته

 

[حلاوه الإيمان]

آنا جربتـه بالصيف ترى حلوو وملموم وقريب يم بيتنا

بس الحين مادري اذا في مدربات ولا لا

 

[ساندى]

مذهلة ....حلاوة الايمان ياقلبى مشكورين

 

[ساندى]

ايهم احسن الرشاقة سنتر ولابيت الرشاقة اللى بخيطان افتونى تاجرون

 

[Q8_ButterFly]

والله مادري اي واحد فيهم زين انا ما شفتهم طرشت ريلي بس طبعا ما دخلوه لوووووول بس سالهم عن الاسعار وطبعا كل نادي يمدح نفسه بس لا اهو مقتنع ولا انا مقتنعه بواحد منهم لانه اهو عارفني وسواسيه وراح اروح اول يوم وبرجع عنده اتحلطم واتبجبج

 

[ساندى]

q8 ياقلبى واللة الواحد يحتار وين المكان الزين شكلى بروح اللى بالشامية بس مشكلتة بعيد

 

[Q8_ButterFly]

اقولج ساندي انا امس قتله بشترك بنادي تشامبينز والا لافيم وتوني حاطه موضوع بعرف منهو الاحسن فيهم واهو موافق بس هم انا مو عارفه وين اروح ليلحين شرايج تيين معاي واحد من هالنوادي ؟

 

[ساندى]

هلا فيج q8 ياقلبى موجنهم بعيدين شويتين شوفى اقرب

 

[Q8_ButterFly]

ها ساندي شلونج شرسيتي عليه؟


انزين انتي شايفه الي بالشاميه ؟؟؟؟

 

[ساندى]

هلا واللة q8 اللى بالشامية مال جمعية الاصلاح ماشفتة اسمع عنة بعض الخوات تمدح الرقعى واللة مادرى انا حطيت الموضوع ابى احد يشور على ياليت البنات يساعدونا

 

[ضحى الكويت]

السلام عليكم ورحمه الله وبركاته شفت الموضوع ويييت اقراااااه

انا بخاطرى بعد اشترك بنادى مثل ساندى بس ابيه قريب يا بالفروانيه او خيطان تدرين نادى كل يوم طاقه شلااله ابيه قريب بروح انا على طريف عاد باجر يصير بعيد اقول مالى خلق نبى اى شى بس علشان نوقف عن النادى انا والله بخاطرى اضعف جسمى صاير كلش مو حلو مترهل ومتن ويييييييييع الله يعين الريل بس الله يكون بعونه ههههههه يالله بنات شدوووو حيلكم وانا معاكم وان شاء الله بإذن الله يوفقنا بنادى نضيف وحلو وخفيف انا ما احب الزحمه ورخيص وكويس

 

[Q8_ButterFly]

هلو ساندي شلونج

ترى الرقعي مو شئ صغير و رفيجتي كانت مشتركه فيه يقولج البنات كل وحده شمتنها ولابسين مايوهات و متيمعين حول حمام السباحه يسحكون زقاير تقول اشكالهم أرف ومسخره وبس قاعدين يحشون ويتطنزون على الناس ولا يلعبون رياضه ولا شئ

 

[هوّن على قلبي]

يعني معقوله مافيه نادي بالفروانيه او خيطان او الرقعي زين!!!!

 

[حضن امى]

شنو اسم النادى اللى فى الرقعى؟؟؟

 

[Ga6waah83]

بنات انا مشتركه بنادي بخيطان
نظيف والمدربه شاطره وتخليج اتناقزين قصب
وعندهم الحين عرض شهرين 35 دينار

 

[Ga6waah83]

سوري نسيت اكتب اسمه اسمه بيت الرشاقه يكون بالزاويه اجبال القروانيه

 

[أم وجيه]

اختي يا ريت لو تحطين لنا رقمهم بيت الرشاقة