نيويورك ny شودي شخلي ؟!

[De3La^85]

بناات انا ان شاءلله بسافر عقب العيد مع ريلي نيويورك وان شاءلله بنقعد اهناك حول ال3 سنين ومادري متى اقدر ارد مره ثانيه لانه اهوا بيشتغل اهناك مو دراسه فعطلهم اشويه تختلف

الي احتاااجه منكم يا حلوات

شنو احتاج اودي معاي ؟ شعني اشياء ما احصلها اهناك ؟ من اكل وهدوم وسوالفنا الي نحتاجها ؟
القا بهارات وهالسوالف ولا لأ ؟
هيل و زعفران وبخور وشنو بعد تهقون راح احتاج عفيه ذكروني !
انا احس ان كلشي متوفر اهناك وما احتاج شي بس اهلي يقولولي اخذي مطبخج كله


:gathering:مادري اشرايكم

 

[dalal]

اهلين يا حلوه

الله يسهل رحلتكم وتوصلون بالسلامه ... انا بامريكا بس بولايه ثانيه مو نيويورك بس اقدر افيدج من خلال تجربتي..

انا الصراحه ما اييب وياي بهارات لانه جمعياتهم كلشي فيها من بهارات والجمعيات كلها نفس الطقه بكل الولايات ... بس الي اييبه

وياي الزعفران لانه الي عندهم نتفه مايبرد القلب.. وهم اييب وياي تمر لانه مايعجبني تمرهم ...

بس من ناحية البهارات كلللششششششي موجود .. في حريم اييبون معاهم من الديره بعض البهارات المخلوطه اذا تحبين ..

مممممممم بعد اذا تذكرت شي بقولج .. اي صج اذا تبين تسوين كيك ما كيك وتستخدمين جيلاتين يبي وياج جيلاتين لانه

اهني جيلاتينهم من الخنزير ...

اي وشي ثاني البخووووووووور لا تنسينا لانه ماكو بخور فاخذي وياج راهي ...

 

[درة أهل الطولات]

اب اب اب

تروحين وتردين بالسلامة

 

[UK_Girl]

صباح الخير
ودي بان كيك وميبل سيرب !
شرايج فيني وانا انصح يا دلال p:

 

[dalal]

لووووووووووووول UK_Girl حلللوه ...


ايييييي صج وبعد تذكرت شي اذا تبين سوالف اعشاب ما اعشاب حق الام العاده ولا البرد يعني مراميه وكمون وزعتر وهالسوالف ... بالبدايه علما تكتشفين الجمعيات الي حولج :eh_s(6):

 

[De3La^85]

حبايبي مشكوورين ما تقصرون

يعني للحين بخووور وزعفران وهيل

لا جديد على اللسته انا هذولا الي كاتبتهم

 

[mango mango]

حبيبتي انا عيزت وانا اشقل بهالاغراض اخر شي كل شي موجود

 

[عروووب99]

مثل ماقالت الاخت كل شى موجود بامريكا وبالنسبه لنيويورك عندج منطقه كوين وبروكلين فيها جاليه عربيه من مصرومن اليمن ففى بقالات عربيه توفر اشياء كثيره واذا سكنتى منهاتن هم لاحظت السوبر ماركت الاقى عنده معلبات عربيه مثل الحمص وهالسوالف ولمن سالت قالوانهم يوفرون اذا فى طلب عموما كل شى موجود بس البخور والزعفران والبهارات اذا تحبين الشى المميز اخذيه معاج والله يوفقج

 

[عروووب99]

مثل ماقالت الاخت كل شى موجود بامريكا وبالنسبه لنيويورك عندج منطقه كوين وبروكلين فيها جاليه عربيه من مصرومن اليمن ففى بقالات عربيه توفر اشياء كثيره واذا سكنتى منهاتن هم لاحظت السوبر ماركت الاقى عنده معلبات عربيه مثل الحمص وهالسوالف ولمن سالت قالوانهم يوفرون اذا فى طلب عموما كل شى موجود بس البخور والزعفران والبهارات اذا تحبين الشى المميز اخذيه معاج والله يوفقج

 

[Om eL-3a9aGeeL]

انا مادري عن امريكا .. بس في شي حددده فقدناااه بأوربا وكنا رايحين سياحة بعد مو 3 سنين !

الخبز اللبناني

بسفرتنا الثانية الخبز اول شي دش جنطتنا خخخخخ

 

[De3La^85]

مشكووريين بنااات ما قصرتوا

 

[دكتوره دلال]

الله ان شالله يردج بالسلامه
sorry ماقدرت افيدج لاني بالكويت وماعندي فكره والله
والله يهوّن عليج غربتج

 

[chanel N22]

مرحبا اختي انا مغتربه بأمريكا بس الحين بالكويت وبرد ان شاء الله امريكااا انا بفلوريدااا

اهم شئ الفحم والبخور والبهارات +الزعتر والمراميه والكمون + اخذي جاي من الحواي اسمه جاي الدوره عند حواي الطايف بالفروانيه +جلاتين +جاي اخضر من الكويت احسن + حب الكويت احلى من هناك + شيره(حق الحف) +حمام زيت للشعر مالقيت اهناك +حلبه +زيت زيتون +مطارات جاي لان مطاراتهم تبرد + سكانات +فنجاين القهوى مدري شلون تنكتب هههه +قران + سجاده + ثوب صلاة +كتاب حصن المسلم +تنانير جينز طوال مافيه اهناك +وخليني اذكر بعد وللحديث بقيه ان شاء الله

 

[De3La^85]

دكتوره دلال يكفي مرورج :*

اتعبي غروري
مشكووووووووووووره يعطيج العافيه
بس انا مابي اودي معاي مواعين اكيد القا اهناك مو شرط استكانات عادي حتى لو كوابه
وبعد كل ما طرا عليج شي قوليلي

 

[الجعده]

تروحين وتردين بالسلامه كل شى موجود هناك والنفسيه والاكل والحياه هناك تتغير ولازم تتاقلمين مع الوضع اللى انتى فيه والله وياج

 

[chanel N22]

ان شاء الله اذا ذكرت شئ من عيوني اكتبه
بس ابي منج شئ واحد


تدعيلي بالذرية الصالحه السليمه عاجلا غير اجل اللى تونسني بغربتي يارب::klhfl:

 

[ريم & ريماس]

اااااااااااانااا اقووول اهم شي اخذي معااااااااج قران ووووسجااده وووثووب وووكتيبااات وووتروحين ووتدرين بسلامه

 

[عشيقة ريلها]

شوفي كلللللللللش موجود بس اخذي معاج البهارات من الى والقران وسجاده

حتى الفحم تحصلينه بقالات عربيه

معنى ماادري عن امريكا بس انا بكندا بمنطقه حيل صغيره واحصل اشياء وايد

 

[اوركيدا]

غير اللي انتي كاتبتهم مابتحتاجين ..

سجادة صلاه وبشار الصلاه بس مع انه هذي تعتبر من الاساسيات ..

ولاتحاتين مابتحتاجين شي امريكا كل شي فيها او وايد بتستانسين الحياه اهناك حلوووه ..

 

[o_mermaid_o]

زعفران وتمر وقهوه وطبعا سياده وثوب وقرأن انا ماخذه مطاطير واستكانات وفناجين وشيره حق الحف بس بولايتنا هذي لقيت نفس الشيره الي استخدمها بالبقاله العربيه