هااااااااااااااام

[ليان11]

مرحبا بنات اشلونكم
انا عندي موضوع واتمنى تفيدوني فيه
انا عندي مشكله مااطلع واحد يشوفني وعمري وصل30سنه وللحين ماني متزوجه وعن طريق خطابة اهلي مايرضون شسوي يالييت الي عندها حل تقولي وتفيدني بهالشي مع العلم اني على قدر من الجمال وماناقصني شي

 

[بنوته كيكه]

هلا اختي الله يرزقج في الزوج الصالح
شوفي الزواج قسمه ونصيب
انتي حولي تكونين اجتماعيه يعني اي مناسبه روحي علشان الناس تشوفج
وتعرفج وانشاءالله ربي يتكب لج فيه الخير

 

[منيرة خالد]

الله يرزقج الزوج الصالح


لا تحاتين الزواج


ودامج عزوبيه للحين استغلي حياتج وكل وقتج لشي مفيد بدال التحسر ، ادخلي معهد تعرفي على صديقات ، روحي لكل التجمعات والمناسبات العائليه

عيشي الحياة واتركي سالفة الزواج على رب العالمين

 

[الصيد اللعوب]

عسى ربي يرزقج بالزوج الصالح ويرزق كل بنات المسلمين ..عليج بالاستغفااااااار ومثل ماقالت اختي كيكه صيري اجتماعيه بالمناسبات وروحي واكشخي خلي الناس تعرفج وتشوفج ..وارد واقول عليج بالاستغفاااااااااااااااااااااااااااااار يجلب الرزق وقومي ثلث الاخير من الليل ادعي ان الله يغني بحلاله عن حرامه ويرزقج بالزوج الصالح ..وعساااج تبشرينا يارب بملجتج قريب ..

 

[النوري كووول]

ليان 11
انا نفسج تعديت الخمسة والثلاثين وللحين ابيت اهلي ولاني راعية طلعات ودخلات
ولله الحمد راضية عن نفسي واقول اللي الله كاتبة لي باخذة
بس وانا اختج ماني ياسة جتني فترة يأست
بس لية اغث نفسي وانا من النوع اذا اأكتأبت يبين على ما اعرف اكتم حزني
بس لنا الله ولنا رب ما ينسي احد والله كريم
والارزاق بيد الرزاق الواحد الاحد
توكلي علي الله وقولي حسبنا الله سيؤتينا الله من فضله وانا الي الله راغبون
والله كريم واهم شئ خليج مبتسمة
تري تعكس على النفسية اثر طيب وطمأنينة
وصدقيني ربي ان شاء الله يرزقج بالرزق الطيب

يا حي يا قيوم يارزاق يا كريم ارزق ليان يوكل وبنت ما تزوجت
الزوج الصالح الطيب الكريم اللي يسعدها وتسعد معاه
عاجلا غير اجل اللهم
أمييييييييييييين


​

 

[Tom ♥ Jerry]

,


مآلج الا الدعاء يا قلبي :*
و لا تفقدين الأمل بالله

 

[سارونه الامورة]

الله يرزقكِ بالزوج الصالح وعااد مش تجلسين في البيت لا روحي ومش داااااااايم تكثرين طلعاتكِ لا خلي كل شي

بالمعقول مش جالسسسه 24سااعه في البيت ومش طالعه24 سااعه برى والله يوفقكِ ياااارب​

 

[« shό8 άlзyόn »]

توظفي اذا مو موظفة
ودرسي اذا مو مكملة دراستج
لهي روحج بأي شي والزواج امره بيد الله الله يوفقج

 

[عادت ذكرياتي]

الله يرزقج بالزوج الصالح

 

[كويتيه فرنسيه]

الزواج قسمه ونصيب الي ربي كاتبه بيصر سواء كنتي راعية طلعات والا بيتوتيه

وبصراحه مادري ليش بناتنا شاغلين عمرهم بالعرس ياعمي طلعو هالفكره من راسكم وشنو يعني اذا ماتزوجتي بتموتين مثلا؟؟

عيشي حياتج واستانسي واذا لج نصيب بتتزوجين واذا مالج بعد شتسوين خلاص ارضي بالي كاتبه الله

هالدنيا بتنتهي لاتخلينها شغلج الشاغل

 

[مجنونة هع]

هلا حبيبتي افا عليج انتي من اي دولة تراه وايد بنات نفسج خليها على الله

 

[فراشهf]

عسى ربي يرزقج بولد الحلال الي يسعدج
نصيحتي اهتمي بالصلاه وكثري من الدعاء والاستغفر والله اسالي مجربه كثره الاستغفار وربي مايردج ان شاءالله

 

[متى بتعود]

عليج بالدعاااااااااااااااااااااااااااااااااااااااااااااااااااااااااء بس يكون من قلب لاني والله عمري مادعيت ربي بشغله وانا متوجهتله سبحانه وادعيه من قلب الا والله فرجها علي
وبعدين كلمي الخطابه وموضروري يعرفون اهلج انتي مو مسويه شي حراااااام عشان تخافين تكلمينها من وراهم ترا محد بينفعج
والله يرزقج ويرزق الاخت النوري كول بالازواااااااااااااااااج الصالحين والذريه الصالحه عاجل غير اجل ياااااااااااااارب وكل من تمنى يارب

 

[جود المري]

حبيبتي الغاليه .. الزواج نوع من أنواع الأرزاق اللي كاتبها ربك لعبده

لذلك ثقي ثقه تامه اذا كان ربك كاتب لك تتزوجين وكان في الزواج خير لك راح تتزوجين بإذن الله والعكس كذلك..

ما أحد يموت وباقي له رزق ما أخذه ..

مافينا اللي تدخل قبرها وباقي لها رزق في الدنيا ما أستوفته ..

لذلك وسعي صدرك

 

[قطوة@@]

عليج بالدعاء ثم الدعاء ثم الدعاء

 

[نونوخالد]

مابعد جاء النصيب الله يعجل به يارب على خير




http://www.4in1-stc.com/home/show/140
صوتوا لي حبايبي ماعمري فزت حتى بحلاو مصاص خخخخخخ

 

[ليان11]

مشكووورين بنات على الردود وماقصرتو وربي يرزقنا ويرزق كل بنات المسلمين

 

[Vdieta]

اب اب

 

[غدووو العنزي]

شيلي فكره الزواج من راسككك اذا ربك كاتب لك بتتزوجن بتتزوجن والله لو انك محبوسه بالبيت
عليك بقياااااااااام الليل والدعاااااء