هاااااام

[سمراء الخليج]

بنات ابى تعليقاتكم بصراحه محتاجه رايكم حيييييييل؟
المشكله بالدوام زميلات الدوام ينعدون على الاصابع قليل جدا المهم حبيت اكون صداقه معاهم حتى يكون توافق ومنها تقضية وقت اللى منصدمه منه انهم جدامج وجه ووراج وجه والله وبالله انى مصفيه النيه عليهم حييييل بس مادرى اشفيهم وكل مره ادوس على نفسى ودزز لهم مسجات حلوه بمناسبات وانا اللى دايم ابتدى بالسلام وهما طاااااااف مع الايام قاعد احس انى اقط نفسى عليهم وايد ياانا ويالله يردون وساعات مايردون اما اهما ولا مره بدوها من نفسهم بنات عفيه شورو على شسوى؟

 

[زوجة ملك]

رد : هاااااام

عامليهم مثل مايعاملونك
جدامهم وجه ووراهم وجه
وضيعي وقتك معاهم

 

[الجوهرة777]

ناس واجد جذي


احتسبي الأجر حبيبتي

انتي مو دزيتي تبين الأجر !!!!!!!!!


انا ادز تهنئة بالعيد وبرمضان لازم حق الكل

وعلى قولتج ناس ترد وناس تطنش

وفي ثنتين ما عمرهم ردوا , مبين انها مقصوده

وما علي منهم


انا بدز وبحتسب الأجر وهم كيفهم , ردوا ما ردوا

أجري باخذه من رب العالمين

 

[نونةo0o]

الغلط لا يطلع منج ،،
معاملتج لاتغيرينها دامهم ماضروج ولا غلطوا عليج! ..
جامليهم الحياة مجاملات ~
واول ماتطلعين من الدوام انسيهم بالمرره ~

بس هذا رايي
عسى الله يوفقج

 

[ToOja-_-]

صيري احسن منهم و لا تتغيرين عشان بعدين
يستحون من طيبتج و عسى ربي يهديهم انشا الله

 

[الجــادل]

رد : هاااااام

طنااااااااااااااااااش وحياتج

اللي ما يعدك راس مال لا تعده فايده

انا بقولج سالفه صارتلي

بمدرستي القديمه تعرفت على وحده وكانت رفيجتي حيييل

وكنت اتعنى لها من قسمي واقعد عندها

و زوجت اخوها من اقارب امي

يعني العلاااااقه حييييل كلوووز

كانو المدرسات دايم يقولون لي فلانه تحش فيج

ما اصدقهم ولا تغيرت عليها

المهم انتقلت مدرسه ثانيه وقطعت عني

وانا جهازي اللي فيه الارقام خرب وما عندي رقمها

لقيتها بالمنتدى ارسلت لها رساله رسالتين وعمك اصمخ

المهم

قلت ما بدهااااش اكيد الكلام اللي كانو يقولونه عنها صج

وتبدي لك الايام ما كان خافيا وياتي لك بالاخبار من لم تزود

طنشت وحياتج

ما نقصت لا ايد وريل ولا مت ولا انقطع رزقي

ويعوضج الله يا بنت الحلال ما وقفت على سلامهم

 

[زهراء الركابي]

رد : هاااااام

" وَإِذَا حُيِّيتُمْ بِتَحِيَّةٍ فَحَيُّوا بِأَحْسَنَ مِنْهَا أَوْ رُدُّوهَا إِنَّ اللَّهَ كَانَ عَلَى كُلِّ شَيْءٍ حَسِيباً


<<<<<<<<<< خليج اعقل واحسن منهم تر اذا قلتي تحيه الاسلام (( السلام عليكم ورحمه الله)) وماردو عليج

بيكون لج اجر

 

[( المـلاك )]

مو مشكله
اغلب الدوامات جذي مشاكلهم
انتي خليج احسن منهم
وعاملي الناس بأخلاقج
=)

 

[حجيه هيونه]

رد : هاااااام

خلاص طنشيهم

بس الي توجبج وتعاملج عدل تعاملي معاها

الى لا خليها تولي ليش مدوخه نفسج فيها

 

[eastfem]

بالعكس انتي صح

تعاملي باخلاقج مو باخلاقهم


واحتسبي الاجر عند الله


اما بالدوام خلج عاديه سلمي وادا سالوج جاوبي وردي عليهم طبيعي


اما حجيهم فيج من وراج لايهمج واول وتالي قاعده تاخدين من حسناتهم

وجابلي شغلج وخلاص

لاني ماشوف السالفه مشكهل كبيره يمكن ردة فعلهم مضايقتج لانج تفكرين بالموضوع

عادي حبووبه طاااااااااااااااااااااااااااااف

 

[Angel_BElongER]

رد : هاااااام

قطيعة عاد يا شين هالنوعية ....


حبيبتي طنشي

السلام لله .. وخلج رسمية .. يعني لا تواصلينهم ولا تقطعينهم



ربي يريح بالج ان شاء الله

 

[bride collection]

رد: رد : هاااااام

في ميزان حسناتج ان شاء الله

 

[Tom ♥ Jerry]

.

حبيبتي خلي علاقتج معآهم بالدوآم و بس
سلام سلام و اذا تبين تسولفين معآهم سولفي عآدي و لا تقولين شي عن حيآتج الخآصه
في بعض البنات ايرونج بالحجي لقافه يبون يعرفون كل شي عنج
ظحكي و استانسي معآهم و قزريها عليهم


.

 

[*سحآبة*]

رد : هاااااام

عادي ياقلبي.. جاملي .. نفسهم لوول