هاذي نصايح أمي لي ... عطونا نصايح أمهاتكم ..

[((نبض الغلا))]

السلام عليكم ::

عرايس هذا اول موضوع انزله بالقسم :""
اكيد الوحدة منا مقبلة على حياة جديدة وناس جدد راح تعيش معاهم .. واهم من ذلك إنسان راح تشاركه حياته :eh_s(22):..
عشان جذي أمهاتنا الله يحفظهم دايما ينصحونا ويوجهونا لان لهم خبرة بهالحياة .. أنا راح اقولكم امي فديتها بشنو نصحتني للعلم عرسي ما تحدد بس نصايح بشكل عام "::



=لما اقولها ما اعرف اطبخ ما اعرف اسوي ماعرف اتاقلم واسولف مع ناس غرب عني .. تقولي عادي محد طلع متعلم كل هالناس تعلمت من تجاربها :denya:

=تقولي الناس صيري معاهم زينة يصيرون معاج زينين >> كله مخرعتها أنا اقول اكيد يكرهوني ما يحبوني بيسوولي مشاكل .:eh_s(11):. متاثرة بسوالف البنات عن حمولاتهم

=الصبر الصبر .. تقولي المرة الزينة تصبر وبعد الصبر بيجي الفرج ..



هاذي بعض النصايح اللي طرت علي ...

وودي يا بنات كل وحدة تقول امها او خواتها الكبار بشنو نصحوها بحكم خبرتهم .. لان ما شاء الله في حريم كبار حكيمات ويمكن بعض الامور نكون غافلين عنها وننتبه لها .. فاتمنى تتفاعلون لان بالنهاية
كلنا خــــوات :eh_s(7):

 

[بيرلا ستور]

رد : هاذي نصايح أمي لي ... عطونا نصايح أمهاتكم ..

موضوعج حلو والله

الله يعطيج العافية

اتذكر والدي ووالدتي نصحوني اني اداري اهل زوجي وما اتكلم عليهم لريلي
واني امشي مع زوجي بالحلوة والمرة ...

وماحد يدري بالمشاكل الصغيرة بينكم حتى لو اعز صديقاتج اللي بينكم يبقى بينكم

تقبلي تحياتي

 

[sharshora80]

رد : هاذي نصايح أمي لي ... عطونا نصايح أمهاتكم ..

اولا الله يوفقكم يارب







1- السانج حصانج ان صنتي صانج
لا تصيرين قرقه ولا ساكته جنه معقده ولا تحنين وتصيرين نكديه وامه لا تيبين لها طاري لا بزين ولا شين بالمره واذا فيه اي شئ بينج وبينها حلي انتي لا تدخلينه ومثل حفظي لو الخاله حبت الجنه ( مرت الولد ) جان ابليس دخل الجنه ( خلج رسميه
خواته خلج رسميه معاهم نصيحه اخت
حريم الحموان هم رسميه معاهم هذولا عاد صج خلج رسميه

2-اذا صار زعل بينج وبينه عمرج لا تشيلين قشج وتروحين بيت اهلج الا للشديد القوي تبين تزعلين زعلي في بيتج ولما تنزلين عند حمولتج خلج عادي ولا تبيني ان فيه شئ كل
ماله داعي يدرون عن سوالفكم
3- نصايح رفيجاتج بنات عمج بنات خالج تفكرين فيها 1000000 مره قبل لا تطبقينها ترى خراب البيوت ايي من الناس الجريبه

4- اللي بالدار يصير تطلعين تنسينه عند باب دارج وما تيبين له طاري عند اي احد لو حتى امج نصيحه

5-الريال تبينه يصير خوش واحد عطي ريج حلو وعطي شسمه----- حلو يصير لج مثل ما تبين

6- الحيا والخجل خليه من صفاتج مو تتطبع بس

والله يوفقكم اذا تذكرت شئ رديت

 

[الـــدفـــشـــة]

اهم نصيحه من نصايح امي الي قالتها لي

اني اكون محايدا معاهم يعني وحده من اهله تقولي انتي شاهده على هالشغله الي صارت اقولها مادري ماانتبهت
عشان ماازعل طرف وارضي طرف ان شاءالله فهموتي قصدي

واهم شي مااكثر معاهم بالسوالف والكلام ومااطيح الميانه حيل

 

[amami al-kuwai]

رد : هاذي نصايح أمي لي ... عطونا نصايح أمهاتكم ..

امي دايم تقولي

1- لاتدخلين بينهم اذا في مشاكل واي مشكله تصير لو شفتيها قولي مادري

2- اذا سالوج عن الناس قولي مادري واذا هم عطوج خبر او معلومه عن احد وانتي تعرفينها وتعرفين السالفه سوي روحج اول مره تسمعينها وانج ماتدرين عنها

3- اي مشكله بينج وبين زوجج لاتطلع لاي احد وكل شي يصير بالغرفه يتم بالغرفه

4- خليج مع امه حبيبه وعامليها مثل امج واذا قالت لج اي شي سوي نفسج ماسمعتي

5- خليج على نصيحه بنت خال امي اول ما ملجت قالت لي خليج مثل السيلانيه المسترجعه اللي يقولون لها اي شي او يسمعونها حجي ماتفهم <<< يعني امشي على مبدأ طنش نعش

ويسلمو قلبي

 

[$سالي$]

الله يسعد قلبهااا نبض الغلا


والله ان هذا اهم من مواضيع الزين والكياج والللبس

لي رده للموضوع

 

[جوديq8]

رد : هاذي نصايح أمي لي ... عطونا نصايح أمهاتكم ..

موضوعج حلو تسلم انامج

امي تقولي المرة السنعة ماتخلي ريلها وتنام عند اهلها حتى لو هو راضي لانة بجذي يتعود على فراقج

وبالعطلة مو شي اساسي تكون الزوارة حق اهلج او اهله خلي العطلة تكون خاصه حقج وحق ريلج لانه هو الوقت الي بيكون فاضي فيه وانتي فاضيه استغلوة مع بعض وطلعوا مع بعض واستانسوا فيه

و تقولي اهم شي طيعي ريلج لانه رضاه من رضا رب العباد

واهم شي اذا طلعتي تعطينة خبر عشان الملائكة ماتلعنج

 

[العجميه سبشل]

اهم شي اذا زعلتي زعلي في بيتج لا تروحين بيت اهلج
هذي النصيحه اسمعها من اهلي وانا عمري سبع سنين

حتى مرت اخوي امي تقولها بتزعلين زعلي في بيتج اذا طلعتي من بيتج ريلج بييب له مرة ثانيه ويسكنها في بيتج
والشي الثاني بيتعود على فراقج

 

[وآحشنــي زمآنـك]

رد : هاذي نصايح أمي لي ... عطونا نصايح أمهاتكم ..

دشــي على النــآس بمحبــه لاا تدشيين وأنتي بقلبج كره أو تعــآلي عليهم ..


أمه هي أمــج وأبووه هوو أبووج ..



وتراا الرجآل ماا يحب المراا اللي تحن ماا طلعج اليوم يطلعج بااجر ماا عنده فلووس اليووم بـآجر بيعطييج ..


أمممم وبعد ..


إيــه خلييج معــآه على طوول صيري جنطته وين ماا رآح أنتــي معــآه لاا تعزلينه عنج وكله رآيحه برووحج جنج مصبنجي لووول ..


هذاا اللي أذكره

 

[درة أهل الطولات]

رد : هاذي نصايح أمي لي ... عطونا نصايح أمهاتكم ..

لا تعطين سرج لاحد

خليج ثقيله

طيبة بس مو طيبة زيادة عن اللزوم

 

[مــســك]

ماشاءالله البنات ما قصروو ...



بس امي دايم تقولي .. اذا شفتي شي من زوجج ولا اهله .. آصبري يا بنتي .. ترا الصبر مفتاح الفرج ..


وتقول كلنا صبرناا على رجالناا واهلهم .. والحمدلله الله فرجها عليناا ..



يعني اهم شي تصبرين ..




والله يوفـقـنــا يارب ..:/

 

[مذهــلــه]

يعطيكم العافية بنات

والله نصايحها نفس نصايح امهاتكم الله يخليهم ويطول باعمارهم

بس امي دايم تقولي : ديري بالج تشتكين من ريلج لابوج >>>> لان ابوي وايد يحبنا ومايرضى علينا يعني ممكن بدال ما يكحلها يعميها )

وتوصيني دايم على خالتي << ام ريلي ..... واني اكون طيبة معاها وأكرمها بهدية بين فترة والثانية عشان اكسب قلبها << طبعا اذا شفتها تستاهل مع العشرة

وان قالتلي اي شي يديد راح اقولكم

 

[طموحه بزياده]

خليج واثقه من نفسج بلبسج وجسمج حتى لو فيج عيب واضح ترا ثقتج بنسيه العيب وكلنا عندنا عيوووووب


خليج علاقتج رسميه ويا حريم الحموان ولا تصيرين ثقيله لحد الملاقه اللي يكرهونج فيها ...لا خليج حليوه وحيويه وبنت سنعه بس بحدود بالعلاقه..


وان زعلتي عليه بشي صارحيه وعلميه ان ما كان يدري ترا ان سكتي مهب دارن عنج رايح عنده ربعه ومستانس طول اليوم وانتي منطقه ما يدري شسالفه..واهم شي تختارين الوقت المناسب انج تكلمينه بوسط اليوم مو وقت اليل الناس بترتاح وتنام ولا من صباح الله خير الناس توها قاعده مالها خلق..خليج ذكيه في اختيار الاوقات المناسبه تناقشينه بشي يخصج او بمشكله بينكم


وخلي لج راي عنده حتى لو تكلم بشغله انتي ماتعرفيلها لا تقولين اي صح كلامك صح...لازم تحسسينه انج مره سنعه ولج راي مو خبله وجنج مع الخيل يا شقرااا...بس رايج بأي موضوع حسسيه انها وجه نظر لج مو انج انتي الصح والناس غلط بتطلعي تافهه



واهم شي ريحتج تكو نظيفه وحلوه ريحة ملابسج وجسمج وحلجج وكل شي...



وبس


,,,,

 

[نونيا]

up up 5osh mw9'oo3 ;D

 

[غرور وايل]

امي تقوول اهم شيء النظااااااااااافه والكحل لا يشووفه بعينج ساايح

واللي تصير بالغررفه ما يطلع براا

وامه امج وابووه ابوج

وبالتوووووفيق ..

 

[عذبة السجآيآ]

شالزييييييييييين يانبووضه

موووضوعج روعه مثل صاحبته

اممممممممم ,, أمي دآآيم تقولي ديري بالج تهملين بزوجج او تخلينه يعتمد على غيرج واني اهتم فيه من كل النواحي,,,

وان سري مايطلع من بيتي,,, وان اسرار اهله ما اقولها لاهلي والعكس,,

وداييم تقولي النظافه النظافه في بيتج ونفسج,,,و

وان اهله هم اهلج وبالاخص امه وابوه

واني اوجب اهله بكل المناسبات ولا اقصر معاهم بشي


هذا اللي اذكره الحين

يسلمووووووو حوووبي

 

[عطري الشوق]

وااااااااااااااااااااااااااا فديت امهاتكم وامي فديتهااااااااااااااااااا

تقريبا نفس الحجي


كل شخص يقدر باسلوبه يفرض احتررامه وحبه بقلوب الي حووووووووووله

 

[عروس فبراير]

رد : هاذي نصايح أمي لي ... عطونا نصايح أمهاتكم ..

اولا الله يوفقكم يارب







1- السانج حصانج ان صنتي صانج
لا تصيرين قرقه ولا ساكته جنه معقده ولا تحنين وتصيرين نكديه وامه لا تيبين لها طاري لا بزين ولا شين بالمره واذا فيه اي شئ بينج وبينها حلي انتي لا تدخلينه ومثل حفظي لو الخاله حبت الجنه ( مرت الولد ) جان ابليس دخل الجنه ( خلج رسميه
خواته خلج رسميه معاهم نصيحه اخت
حريم الحموان هم رسميه معاهم هذولا عاد صج خلج رسميه

2-اذا صار زعل بينج وبينه عمرج لا تشيلين قشج وتروحين بيت اهلج الا للشديد القوي تبين تزعلين زعلي في بيتج ولما تنزلين عند حمولتج خلج عادي ولا تبيني ان فيه شئ كل
ماله داعي يدرون عن سوالفكم
3- نصايح رفيجاتج بنات عمج بنات خالج تفكرين فيها 1000000 مره قبل لا تطبقينها ترى خراب البيوت ايي من الناس الجريبه

4- اللي بالدار يصير تطلعين تنسينه عند باب دارج وما تيبين له طاري عند اي احد لو حتى امج نصيحه

5-الريال تبينه يصير خوش واحد عطي ريج حلو وعطي شسمه----- حلو يصير لج مثل ما تبين

6- الحيا والخجل خليه من صفاتج مو تتطبع بس

والله يوفقكم اذا تذكرت شئ رديت

نفس الشي واضيف نصحتني اممي اني ما اذا لا سمح الله صار خلاف بينا واشتد الصراخ اني اسكت لا يشد واشد
والحجاب ما يطيح عن راسيي اذا نزلت عن حمولتي مو على بونا عاادي اخواني هم اخواني
ونصحتني صوتي يكون دايما ووااطي ما العلع ولا اضحك بصووت عاالي
وطايع زوجي عطتني حديث الرسوول بس للاسف مو حافظته فما ودي اقوله
وهم علاقتي بأهل زوجي دايما تكون طيبه
واذا تذكرت بقوولج
الله يخلي لنا امهاتنا :eh_s(17):

 

[مذهــلــه]

لايوقف

 

[زبدة ككاو]

رد : هاذي نصايح أمي لي ... عطونا نصايح أمهاتكم ..





أمـي كله تقــول إللي عنـد عتبت بـآبج مــآيطلع بــرى لو شنــو كــآن ولمنــو .. !! حتى لو لإختــج !!!
وحمــوآتـج وخصــوصــآ حريم حمــوآنج خط أحمـر ولآتدخللينهـم غرفـة نـومج لو شنــو
ومحــد يشــوف قمصــآنج ولآ يدري عن حيــآلتج الخــآصة مع زووجج أو مشــآكلج
بــآلعربي لآ أطلعين سـوآلف بيتكـم بـرى