هالااعراض يعني شنو ؟؟؟؟

[دغبووجه]

السلام عليكم



عندي بنت خالي اتييها اعراض وشرحت لي ماعرفت صراحه قلت اسالكم

تقول بين فتره وفتره يصير معاها فجاه صووت قوي براسها عى قولتها مثل اننننننننننننننننننننننننننننننننننن

جنها مكينة تشتغل ويبدا يخف السمع لين يروح وعيونها تدووور يعني ماتتحكم فيهم ومعدتها تقلب

تبي ترجع وانتو بكرامه ...

وتصير غمته داخلها وتموت حرررر ويعرق جسمها تقول جني بغيب عن الوعي

بس ياخذ دقيقه جذي يعني تقول لو يطول يمكن اموت وبعدها ترجع عادي بس يبرد جسمها بس تبقى

دووخه معاها ولوعه لازم تنام اقل شي ساعتين عشان ترجع طبيعيه


واتيي اي وقت حتى لو منسدحه عالمخده

قلت لها يمكن ضغط قالت اقيسه بالطبيب يقول تمام


مادري بنات اشرايكم احد مر عليه حاله جذي ؟؟؟؟؟

وعلى فكره اهي وايد خايفه تروح الطبيب


كاسره خاطري طمنوها بنات :0bee2e8d89:

 

[دنيا جديده]

ماتشوف شر انشاءلله
بس الطبيعي لازم تروح الطبيب تاخذ تحاليل واشعه ع راسها عشان تطمن
اختي والله كانت نفسها وتخاف تاخذ اشعه ماتبي تنصدم اذا طلع فيها شي بس هذا كل وسواس
ولما زادت عليها الحاله اخذت اشعه والحمدلله مافيها شي. من جذي اقولج الوسواس يلعب دور ولازم تفحص نفسها وتوكل ع الله

 

[سبائك]

بالضببببببببببببط نفس الاعراض الي اعاني منها

والمشكله انها تييني فجأه وبدون مقدمات!!!مره بالسوق بس الله ستر وكانت خفيفه

انا شاكه بأذوني الله العالم اهي السبب بس للحين مارحت ولا فحصتها

كنت منزله موضوعين عن هالحاله

http://www.q8yat.net/showthread.php?t=100587

http://q8yat.net/showthread.php?t=144833

 

[دغبووجه]

دنيا جديده

مشكوره حياتي وانا بعد اقولها لازم تروحين بس مشكلتها خوافه بحاول اقنعها وان شاءالله بسيطه




سبائك

الله يعينج ويشفيج يارب ويشفي بنت خالي

مسكينه تقول شعور غريب صعب ينوصف حزتها تقول احس قلبي بيوقف من كثر الدق وجني بحلم مو واعيه

وعلى فكره اهيا معاها طنين بالاذن من ثلاث سنوات او اكثر صار معاها لمن كانت حامل بولدها هالطنين

والدكتور قالها اذونج سليمه مافيها شي وبعد ماولدت بفتره صارت معاها هالدوخه

كانت اول مره تاخذ كمام الولاده تقول يمكن الكمام السبب ؟؟ وبعد كانت تاخذ فيتامينات شي من الدكتور

وشي من الصيدليه وتقول يمكن خبصت واخذت شي ماايحتاجه جسمي فصارت معاها هالدوخه

روحي انتي بعد ياسبائك وافحصي وشوفي شسالفه

تخيلي مره يتها الدوخه بالحمام وانتي بكرامه تقول طحت عالمرحاض بدون شعور

واذا صار معاج شي حبوبه بلغينا لان حالتكم وحده واجر وعافيه يارب

 

[نووووونا]

الله يشفيهااااا ويشفى سبائك

خل تسوى اشعه حق الراس واذا ما فيها شى تشوف اللتهاب الاذن الوسطى ساعات له علاقه


,, تحاول تقراء البقره وتكثر الاستغفار

الله يشفيهم ,,,

 

[دغبووجه]

امين نجد

مشكوره اختي

 

[قرمزيه]

نفس الاعراض اللي باختى وطلع التهاب الاذن شديد عندها ؟ سؤال بنات اذا تحسين بهوا باذنج من شنو مع العلم ماخذه حبوب ومظادات وكل شي وليلحين ماراح صوت الهوا؟

 

[دغبووجه]

قرمزيه منو دكتور اختج ؟

لانها راحت لدكتور بدار الشفا ودكتور ثاني على مااظن اجنبي وقالوا لها اذونج سليمه

والهواء باذن اختج ؟؟ يعني ماطابت للحين ؟


الله يشفيها يارب

 

[@Miss Dio@]

الله يشافيها يارب

 

[القرآن ربيع قلبي]

انا فيني الدوخة على طول باي وقت وبدون سبب يمكن فقر دم والله مادري
بس صوت الاذون جاني فترة حتى النوم ماانامه صوت براسي واذوني تعبت تعبت بس رحت السالمية التخصصي وعطاني قطرة تنظيف وقطرة جنها دهن واطلعت بلاوي متلتلة منها بس الحمد لله الحين ماكو صوت

 

[لؤلؤية]

مرة اخوي كانت تعاني من نفس الاعراض
وماخلت دكتور ما راحت له...شكوا انه التهاب بالاذن الوسطى...وطلع مافيها شي..وراحت لدكتور اعصاب طلع مافيها شي

وحتى مطاوعه راحت...وتعالجت بالاعشاب...عند المعالج الاماراتي >>نسيت اسمه
وكله مافاد...

الغريبة انه كل الدكاترة يقولون لها هالشي منتشر عند ناس شكثر بس ماندري شنووووو !!!!!!!

آآآخر شي حولها دكتور الاعصاب>>>د.سهيل
حولها لدكتور نفسي...وبدت تآآخذ علاج من دكتورها النفسي..والحين تحسنت حالتها ولله الحمد

 

[*دنــيـQ8 ــا الوله*]

الله يشافيها يارب

 

[barbya_q8]

بنااااااااااااااااااااااات هذي اعراض التهاب الأذن الوسطى اذا اختل التوازن فيها يصير جذي وانا صارت لي لي درجة بقوم ابطل الباب دعمتة لانه الروئية كانت موواضحة عندي

ونصيحة مني سألو مجرب التشخيص بالكويت عندنه مو ثقة وانا وحده اتكلم من واقع تجربة عانيت واهما موعارفين شنو فيني كنت اموت بالدقيقة الف مره واخيرا الاشعه المقطعية بينت كل شييييييي قصري الشر وسوي اشعة مقطعية هذي الاشعه تطلع كل شي فيج لانه اذا ماكان سبب الاعراض الي فيج التهاب الاذن الوسطى فهذا يرجع حق سبب بالراس وانا مريت بهالتجربة والله صدقوني لا تستهينون انا الله كتب لي عمر يديد وقاعه انصحكم لانه في وحدة مثل حالتي فقدت الذاكرة لانه ماتلاحقو عليها فقدت كل الي طاف ماتذكر شي

لا تستهينووووووووووووووووووووووووووووووووون بالاعراض في اشياء غريبة قامت تطلع

واى سؤال انا حاضر

 

[حمام شاقني فنه]

اتوقع فريي


اذا ماني غلطانه

نعرف وحده كانت جذي

 

[كويتيه كيوت000]

يمكن فيها نشاط كهربي في راسها ختراجع المستشفى لا تسكت على الموضوع


و الاعراض اللي قلتيها هذي نوبات صرع بسبب النشاط الكهربي
لان مريض الصرع الخفيف لازم ينام عقب النوبه اللي ذكرتيها