هالشغلات تأيدونها او لا ؟...!

[bent_albader]

شراايكم بالعروووس اللي تسوي هالشغلات كتحضيرات للزوااج تأيدونها او لا ؟...!

1) النقش عالايدين والرجلين

2) الاظافر الدائمه تركيب طبعاا

3) تخريم الخشم

4 ) صبغ الشعر غير اللون الاسود

 

[●° يآإ حِ‘ـبنيً ليَ . . ! «]

1) النقش عالايدين والرجلين

لأآ والف لآآآ ..؟
مو حلوهـ تكون العروس منقششة بصرآحة
حلآتهآ بعدهآ باسبوع
حلآت شكلي رايحتله ومتنقششةةة :krkrkr:

2) الاظافر الدائمه تركيب طبعاا

ضد وبقووة ، غير انهآ حرآم
وبعض الريآجيل مآيحبون الاظآفر كلشَ

3) تخريم الخشم

بعد العرسً احلآ ، لانهآ تغريُ بس عروسً وبدلة بيضآ وخزآمة صعبةة شوي

4 ) صبغ الشعر غير اللون الاسود
عآديُ بششرط مآيكون فآتح حيييل
يعني بنيُ غآمج ومآ الى ذلك خخخخ

< هذآ رآيُ وطبعآ كل وحدهـ يختلف رآيهآ
موفقةةة:eh_s(22):

 

[• JoJo •]

انا ضد كل هالشغلات اللي ذكرتيها


النقش مو حلو على العروس يمكن على الضيوف واهل العروس والعريس صح يلوق فيهم بس اهي لآ

ونفس الشي الخرم انا خير شر ما احبه لا قبل ولا مع ولا بعد العرس

الصبغ حسب رغبة كل وحده بس حلاتها الاسود ودرجات البني الغامق

 

[! بــدويه وآآيــد !]

،

النقش حسب العادات والتقاليد اذا فيه يلوه او لا بس حلوو النقش
وتركيب الاظافر اكثر العرايس يركبون والاظافر الطويله انوثه
حيل حلو ويحلي تخريم الخشم انا كنت خارمه خشمي ويهبل مع الماسه صغيره تهبل تطلع
الصبغ عادي اسود اوغيره بس مو فاتح او اشقر او خصل لا ماحس لايق

وكل واحد وله رايه وانتي قولي رايج؟
مششكوره حبيبتي ع الموضوع

 

[أحـلآم . *]

النقش حلو بس مو اروحله منقشه ، والاظافر ماركب ضد ، والشعر ع حسب الرغبه

يعطيج العافيه ، موفقين

 

[صوتي وصل]

شراايكم بالعروووس اللي تسوي هالشغلات كتحضيرات للزوااج تأيدونها او لا ؟...!

1) النقش عالايدين والرجلين

لا تخيلي شكل العروس وهي ناقشه مدري موحلووو...

2) الاظافر الدائمه تركيب طبعاا

ماحبهااا بعدين كني ساحره ....ويخربون الاظافر...

3) تخريم الخشم

ضده وبقوووووووووووووه مدري ماايد هالشغله يمكن بعد العرس اي...

4 ) صبغ الشعر غير اللون الاسود

لاا ضد حلات العروووووووووووس بالاسود...

وبس هذ راي تقبلي مروري....​

 

[توؤتـآإ]

1) النقش عالايدين والرجلين
اممم بعد العرس بجم اسبوع كـ تغير ممكن

2) الاظافر الدائمه تركيب طبعاا
لا طبعا مثل ما قالو البنات في رياجيل ما يحبون الاظافر

3) تخريم الخشم
مع اني احب شكلها بس ماحبها شلون مدري لووول

4 ) صبغ الشعر غير اللون الاسود
هم بعد العرس كـ تغير بالاول يشوف اللون الطبيعي

تسلمين حبوبه

 

[گـحِـلْ |~]

) النقش عالايدين والرجلين

لآآآ كللش مو حلووهـ


2) الاظافر الدائمه تركيب طبعاا

لآ , حلآتهآ آظآفر طبيعيه . وآلآهم ( مآ يجوز )


3) تخريم الخشم

ودي ! ومححتآآره
4
) صبغ الشعر غير اللون الاسود

غامج إي , غيرهـ لآ بعدييين كتغيير




مآآ قلتيلنآآ رآيج :eh_s(22):

 

[مسك الملوك]

1) النقش عالايدين والرجلين
لا مافضله حلاته بعد العرس بكذا شهر

2) الاظافر الدائمه تركيب طبعاا
حرام ويمكن المعرس مايحب الاظافر

3) تخريم الخشم

كلش ما احب التخريم بس اذا تبي تخليه بعدين


4 ) صبغ الشعر غير اللون الاسود

افضل العروس بالشعر الطبيعي

 

[bent_albader]

{ رايــــــــــي } ..............!

النقش = مو شي من اولها حلاتها بعد العرس كتغيير

تخريم الخشم= مادري انا مو مسويه قبل هالمره ودي اسويها احسها تطلع شي مع المكياج الخفيف وتعطي لمحه حلووه خااصه اني مااحب المكيااج الاوفر

الاظافر= ودي اركب تعطي انوثه اكثر لكن احس فشله وكأنها خدعه لمن يطيحون زوجي يشووفهم ويكتشف انهم تركيب

صبغ الشعر= حلو اللوون البني والاسود بس

 

[.: حلاها مبتليها :.]

1) النقش عالايدين والرجلين

حسب في ناس العروس عقب العرس باسبوع لازم نقش << بس برايي لأ ما احب شكلها على عروس

2) الاظافر الدائمه تركيب طبعاا

حلوه ة الاظافر الطال فيها انوثهآ << برايي مستحيل اسويها ما ادري زوجي يحب الاظافر الطوال ولا لأ

3) تخريم الخشم

اممممم لأ ما أأيد

4 ) صبغ الشعر غير اللون الاسود

لا حلات العروس لون شعرها طبيعي واذا صبغت يكون درجات البني

هذا رايي ..~:eh_s(22):

تقبلي مروري :eh_s(7):

 

[حطمۈكہ يآقلبي]

1) النقش عالايدين والرجلين

حلاته بعد اسبوع من العرس
2) الاظافر الدائمه تركيب طبعاا

حلوه مافيها شي أنـا بالمناسبات مرات البسهم واشحلاتهم
3) تخريم الخشم
مافيها شي اتوقع أنــا الحين مخرمه خشمي وبعرسي بدش وخزامــه فضيه صغيرونـه
4 ) صبغ الشعر غير اللون الاسود
عادي اذا كان لون غـامج

وأنتي حبوبه شتأيدين :eh_s(8):

 

[sweet-kamelia]

النقش حلوو لثاني يوم مع الدراعه والذهب وااو ويكون حنه طبعن ..

الاظافر لاطبعن لانه حرام وشلون بيصلون هذيل واهما مركبين .. .. طولي اظافرج وخلاص .

الخزامه عاادي حلووه وموحلوه في بنات تهبل عليهم وبنات لاا ..

الصبغ .. ايي احسن عشان يعطي رونق ولمعه للشعر

 

[جوانا2010]

1) النقش عالايدين والرجلين
اكيد يعجبني...واحس حلات العروسه بالنقش بس يكون ناعم طبعا....

2) الاظافر الدائمه تركيب طبعاا
لااااااااااااااا......مالها داعي الطبيعيه احلى......

3) تخريم الخشم
لاااااااااااااا.......مايعجبني .........

4 ) صبغ الشعر غير اللون الاسود
لاااااااااااااا.......حلات العروسه بالشعر الاسود......

 

[كيم كارداشيان]

1) النقش عالايدين والرجلين

إإحنا في الامارات لاااااااااازم العروس تتحنى لأنه جزء مهم من تجهيزات عرسها .. وإحنا نتحنى اوفر .. على طول اليد والقدم لين الركبة .. فهذا طبيعي وعادي ..

وبعد من أعرافنا إن الحنة ما تطيح من إيد العروس لين سنة .. يعني سنة لازم تتحنى كل ما راح تحنت .. بس موب لازم عاد على طول الايد يكفي لين تحت الرسغ ..

2) الاظافر الدائمه تركيب طبعاا
لا طبعا .. علشان الصلاة .. وعلشان شكلهم قبيح ..

3) تخريم الخشم
عيب عندنا تخريم الخشم .. اللي تسويه ينظر لها بنظرة سيئة.. ومافيه وحدة زوجها يرضى تسويه إلا عاد الل ما عنده غيره .. هذا مفروغ منه



4 ) صبغ الشعر غير اللون الاسود
عادي على حسب الموضة ورغبة العروس ..
بس عن نفسي عمري ما صبغت شعري أبدا .. لونه أسود .. وما أدري لين العرس بصبغه واللا لأ .. يمكن أسويها .. ما أعرف ..

مشكووووورة

 

[كلي لكـ]

< هذآ رآيُ وطبعآ كل وحدهـ يختلف رآيهآ
موفقةةة:eh_s(22):

:rerrerek:مع يويو بكل كلمه


:krkrkr:ماتخيل شكلي بالنقش و كريم الجسم ياويلي
ولا الاظافر يقول ماخذ ساحره هههههههههه

 

[مربية المستقبل]

النقش عالايدين والرجلين

لا كلش مو حلووووو


2) الاظافر الدائمه تركيب طبعاا

حلو بس الصراحه حراام


3) تخريم الخشم

لا انا مااحب
صبغ الشعر غير اللون الاسود

اي عادي بس حلاته غامج

 

[الحسن الرقيق]

ولا شـي من اللى قلتيه ايده .. وخصوصا النقش راح يطلع شكله كلش مو حلووووووووو وانتي حاطه على جسمج كريم اساس يطلع شكل الايد جنها مشوهه ..
والاظافر اذا تبين حطي مؤقت مو دايم عشان الصلاة.

 

[شيخه كويتية]

مايعجبني الحنه بيوم العرس والخزامه كلش لابعده ولاقبله مادري شلون موعاداتنا ولاتقاليدنا



صبغ شعري بخليه مثل لونه

 

[المـــــها]

النقش طبعا أأيده
و الحمدلله أنا عرست و خلصت و نقشت كفوفي من داخل
و رجولي كامل
و زوجي انجن ع النقش بس يطالع فيه الحمدلله



أما التخريم و تركيب الأظافر ما أأيده


و الصبغ عاااادي