هالشي طبيعي ولا عين ؟

[black rose BH]

السلام عليكم حبايبي

بكتب لكم الموضوع بإختصار ورشدوني او قولولي يمكن ضني غلط
ماحب اظن بالناس بس الي قاعد يصير مو طبيعي

انه طول عمري مافكرت ولا ايي ببالي سوالف حسد
او سوالف ان بتييني عيون
لان مافيني شي زود عن الناس الثانية
عايشة حياتي حالي حال الناس
ميسورة الحال مثل مايقولون
مع امي وابوي واخواني وخواتي الصغنونات

بقولكم كذا شي صار

انه انخطبت قبل ثلاث شهور انزين وسوينا ملجة وسوينا حفلة حق الخطوبة
يتني وحده من اهلنا تقولي اي انتي ماينخاف عليكم كل تعرسون وكل شي عندكم
وهم وحده تقول لامي اي افتكيتي اكا بنتج العودة انخطبت وباقي عليج الصغار الحين استانسي عااد وسافري وروحي وتعالي قالت لها امي ان شاء الله وعقبال بناتكم يارب
لان احنا اذا شرينا شي نستانس نوري الكل نقولهم شرينا
حتى لو شي عادي وبسيط !
المهم قلت يمكن من فرحتها تقول جذي مايه ببالي شي
وعقب شهرين صارت مشاكل وانفصلت الحمدالله وهم مايه ببالي كلش
بس كل اتذكر كلمتها
بعدها صارت اشياء تصير ورا بعض
مثل امي كل يطلع لها مسامير بجسمها
يعني تشيل وتحرق واحد بالمستشفى عقب يومين او ثلاث يطلع الثاني والحين هذي صارلها شهرين واهي كل يومين او ثلاث نروح نحرق لها واحد بالمستشفى ويطلع الثاني
هم قلت اوكي ماعليه هذي من الله
وابوي هم نفس الشي
صادته عيونه فيها ماي وشالوه
وعقب صاده كل ينزف دم من تحت وسووه عملية
والحين كل بطنه
وثلاث دعمات بالسيارة ورا بعض خلال شهر استغفر الله صرت اخاف اطلع بالسيارة ههههه ..!

كلمت بنت خالتي اقولها كل جذي تهقين عين ؟
الا تقول كل شي جايز اقرو ع نفسكم وطلعو صدقة
مادري بنات هل هالشي صج عين ولا ابليس جذي اييني ماحب اظن بآحد بصراحه ؟
واذا عين شنو الاشياء الي اسويها عشان تروح ؟
سمعت عن السدر بس ماعرف له بصراحه مافهمت

وبس شكرا يرحم والديكم :eh_s(7):
​

 

[زوجة عزيز]

الله يشفيهم يارب ويعوضج ارقي نفسج واهلج وبيتج العين حق ومذكوره بالقران

 

[لمى الهاجري]

اي اختي مبين انه عين شوفي اتصل على شيخ تجيبون ماي مقري وعليه وزيت زيتون خلي كل امج وابوج يتدهنون فيه وشربيهم ماي مقري وهم ما يدرون وعنده ملح خشن وسدر مطحون خليهم كل يوم بعد اذان العصر يتسبحون فيه ورشي كل البيت بماي مقري عليه وملح خشن حتى الحوش رسشي وهالمرة الي احسدكم عزموها وشربوا من وراها عشان تروح عنكم العين

 

[لصبري نهاية]

حبيبتي
خلو سورة البقرة دايما تتشتغل في بيتكم
و اقرو منها جزء كل يوم

 

[mf6nt el3lat]

يوه خطاكم السوء يا عمري ازمه وتعدي ان شاء الله


اذا تعرفون الحرمه هاذي اعزموها مره واخذي من اثارها قلاص ماي مثلاً تشرب منه بعدين اشربو انتو بس مو قدامها طبعاً خشو القلاص لين تروح وشربوه ...



قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود ". >>> انتبهو

وشكراً

 

[black rose BH]

فديتكم والله

ماقصرتوو لانكم رديتو علي ..

انه ماقدر اروح لشيوخ وجذي !

بس قاعده كل اقرا سورة البقرة

وقريت بمنتدى إن نقرا الرقية الشرعية على زيت وندهن جسمنا بس مادري هالشي صح ولاغلط شرايكم ؟

والسدر شلون طريقته بالضبط بسويه بالبيت ..

ومشكورين وايد وايد والله يحفظكم يارب

 

[بطوووطة$بيضة]

حبيبتي شنو يعني مسامير ابجسم امج

 

[PuPa^^SWeeT]

الله يكوون بعوونج و بعون امج

ارقو رووحكم


و اقرو على بيتكم


و دارو اموركم بالكتمان

 

[دعابة الشـتاء]

لا واضح ان عين ارقوا نفسكم واشربوا ماي مقري ولاتنسون تاخذون اثر من عطوكم عين ودايما تحصنوا بالمعوذات و اقضوا حواجكم بالكتمان موكل شي تورون الناس

 

[black rose BH]

حبيبتي شنو يعني مسامير ابجسم امج

يعني كل يطلع لها مثل الثواليل بجسمها

الله يبعد عنج يارب

تسلمون حبايبي

ان شاء الله باجر بسوي السدر

بكتب لكم الطريقة يمكن احد يحتاجها

طبعا ماخذتها من منتدى ثاني ..

تاخذون سدر مطحون وتحطون فيه ماي
وتقرون عليه ايه الكرسي والمعوذتين
وتتسبحون فيه بدون مايصيدكم الصابون
يعني بس تتسبحون فيه وتمسدون جسمكم فيه

وان شاء الله يبعد عن الجميع يارب


شكرا ALL :eh_s(7):

 

[!amorra!]

شغلوا سورة البقره بالبيت

واقريها 7 ايام متواصله

وانتي تقرينها لاتقطعينها او تخلين احد يقاطعج يعني قعدي بروحج واقريها كامله

اقري الرقيه الشرعيه

وغسلوا بيتكم بماي مقري وسدر

وهذا دعاء تحصين النفس اقروه كل مره

دعاء تحصين النفس:
"اللهم اني اعوذ بك من ساعه السوء و يوم السوء و ليلة السوء و صديق السوء و جار السوء و اعوذ بك من ذو الوجهين و ذو اللسانين و اعوذ بك من ابليس و ذريته و شياطينه و اعوذ بك من الحديد و الحريق و الطريق و ساعة الغفله ربنا عليك توكلت و انت رب العرش العظيم اللهم اني حصنت نفسي و اهل بيتي جميعا بالحي القيوم الذي لا تاخذه سنة ولا نوم و دفعت عني و عنهم السوء
*بلا حول ولا قوة الا بالله العلي العظيم. ​

١-{قراءة آية الكرسي}​

٢-قراءة:{قل هو الله أحد}{قل أعوذ برب الفلق}{قل أعوذ برب الناس}[ثلاثا]

٣-{بسم الله الذي لا يضر مع اسمه شيء في الأرض ولا في السماء وهو السميع العليم}[ثلاثا] ​

 

[جذابه بنت ذيابه]

حبيبتي

الله يعوضج باللي احسن منه و يشفي اهلج يارب و العين حق .. واكيد عين دام صار اكثر من شي
فنصيحه يوميا شغلي البقره لمدة ٤٠ يوم واقريها على نفسج و المعوذات لا تخلينها و اعزمو المره واخذو من غسالها

 

[ام الدرر]

حبوبة
لاتحطين في بالج انه عين اوحسد
كل الناس تصير لهم حوادث ورا بعض
والثواليل انا بنتي انترست ريولها
وقالت لي الدكتورة فايروس ويعدي
وتمينا 3 شهور نعالج فيه والحمدلله اختفى
وهذا مايمنع انكم ترقون نفسكم
ودايما ترددون اذكار الصباح والمساء
وما عليكم شر ان شالله​

 

[chalange girl]

اول ماتقومين اذكار الصباح ولما تنامين اذكار المساء لاتهدينهم

وشغلو سوره البقره بالبيت باكثر من مكان والله يشافيكم يارب

 

[om MaRyooM]

لاحول ولاقوة الا بالله

الله يحفظكم اختي

شوفي ربج سخر القران حق كل شي وفيه شفااء للناس
يعني علاجكم بيدكم لا مشايخ ولا شي

شغلو سورة البقرة بالبيت كل يوم لمدة 40 يوم

والتحصين مهممممم مهم

والدعاء والصدقة بنية دفع البلاء والعين

 

[black rose BH]

مشكورين حبايبي ماقصرتو ..

الحين قاعده اسوي الي تقولون عنه

وان شاء الله خير

جزاكم الله آلف خير والله يبعد عنكم كل سوء يارب

احبكم :$

 

[فووشيه كول]

الله يشفيهوم

 

[عادت ذكرياتي]

الله يفرجها عليكم يارب ويشافي الوالد والوالدة ويحفظكم من كل سوء آمييييييييييين

 

[ريماR]

عين وعين وعين
عين ماصلة على النبي
الناس الله يكافي يحسدون الميت للية اليمعه
روحي للحريم الاثنيتين الي كلمتج والي كلمت امج
قوليلهم نبي مايج بعد ماتوضين
وبعدين جنه يمكن تشربين منه اولا ممادري توضين فيه او لا مادري
البنات يفيدونج
واقري سورة البقره كل يوم على اهلج وبيتكم ونفسج ودايم اقري بماي وشربو منه
والله يكتب الي فيه خير

 

[لمسات فتاة]

اقري البقرة كل 3 ايام واستمري ع اذكار الصباح والمساء << هذا كلام الشيخ

والعين حق