هامسترتي تاكل عيالها الحقيره بليز هيلب

[coco-mad]

بليز ابي اسال عن هامسترتي يابت ياهال و مو عارفه اتصرف ... كلت 2 و باقي 2 بس شكلهم بيموتون لان ما يتحركون وايد .. انا فصلت الابو عنهم .. لازم افصل الام بعد ؟؟؟؟

 

[جلكسيه اس 3]

اي حبيبتي معروف لازم تفصلينهم

 

[coco-mad]

اي بس اذا فصلت الام عن اليهال شلون يعيشون ما يشربون حليب ؟

 

[رفيقة دنيا]

السلام عليكم

أمبيه حاشتنه هالمشكله

و فصلنا العيال و الأم لأن الأم بهاذي الفتره تكون حساسه و متنرفزه

أتوقع مثل حالة اكتئاب يحوشها و لازم توخرين الأبو بعد يعني جم يوم

و أنتي بعد دوري بالنت يمكن تلقين معلومات أكثر

لأن همستراتنا بعناهم بعد ما تعبونا هههههه​

 

[Ms.PeRFeCT]

تفصلين الابو عن الام

لأن الام اذا ماحست بالراحه او تنرفزت عادي تاكل عيالها .. شي غريب لأن الحيوانات بالفطره يخافون على عيالهم وهذي تاكلهم

سبحان الله

 

[حالة حنان]

امبيه ليش تاكل عيالها هااااااه تنرفز يحوشها اكتئااب
شدعوه ليه يبه أكيد يهاوشها حضرته امسوي نفسه حليل عندكم
وعندها مسود عيشتها بالحجي ويطقها من وراكم بس انتم ماتفهمونهم مو حيوانات
خخخخخخخخخخخخخخخخخخخخخ
تحط حرتها بعيالها اقلعيها تربيلج حقيره مجرمه ويييييييييييييع
استغفر الله استغفرالله
بطلع

 

[غزلان-2]

اللي فوقي هذي حيوان ماله لاحول ولاقوه
شنو اقلعيها وحقيره
استغفرالله

 

[غزلان-2]

طلعي منو قاضبج
داشه تفلسفين عالفاضي والبنت تبي تحل
صج ناس فاضيه

 

[زين ودلال]

امبييييييييه حرام

 

[ابي قطوة ميوووو]

حبيبتي عادي هذا شئ طبيعي حتى القطاوة ياكلون بعض من عيالهم
السبب!؟
لانه احد هالابناء يكون في مرض او شئ جذي !
بس انه شئ طبيعي ترا لا تخافين

 

[الاسكريم]

انتبهي لاتاكلك

 

[coco-mad]

@@ ههههههههههههههههههههههههههههههههههههههههههه

 

[coco-mad]

خلاص ماتو اليهال كلهم

 

[sunshine22]

اي والله حقيره


امحق ام

 

[حالة حنان]

طلعي منو قاضبج
داشه تفلسفين عالفاضي والبنت تبي تحل
صج ناس فاضيه

انتي شكو داشه موضوعج أنا تقولين تفلسفين عيل شدقولين حق نفسج
الحمد الله والشكر مريضه الله يكفينا شرج داشه على الموضوع مدرعمه
على الاقل أنا رديت بس انتي مامنج فود قال تفلسفين قال
لقافه اما تردين على صاحبة الموضوع ولا تردين يالتعبانه

 

[-فلانة-]

سبحان الله ربج له حكمة لأنها حيوانات تتصرف بالغريزة و الغريزة من الله فلا تستحقرون أي شي تسويه ما تعرفون الحكمة من وراه..​

 

[شقرا كويتيه]

الله يرحمهم ماعرف بسوالف الحيوانات عزكم الله اخاف مننهم كلهم

 

[سفيره الكويت]

مادري بس من رايي تعدمين الام والابو حطي لهم مشنقه مايصير تمر جريمتهم مرور الكرام


<الله يكون بالعون

 

[الزورق222]

ليش ماتطلعين العيال وتتركين الاب عندها عشان تاكله ههههههههههههههه احنا كان عندنا واحد واختفى مااندرى وين راح تتوقعين اكل نفسه ترى مااضحك بهالسالفة ..صراحة شى يضحك اول مرة ادرى عن هالمعلومة احد ياكل اعياله ..
مع انج تدورين حل حنا قلبناه لضحك .. الموضوع غريب سبحان الله.

 

[dnyay_mll]

اكيد مو مرتاحه او الاكل مو كافي لها
اول شي مفروض تفصلين الابو عنهم وتجهزين مع الام لي الولاده تعطينها كلينكس مفتت واكل زياده وبهالفتره تعطينها جبن وبياض بيض وتوست وحليب واهي بتظبط الوضع لي الولاده
ولما تولد ماتقربين يمها كللللللش وتلفين القفص بفوطه من الجوانب وخليها على راحتها لان اذا حست فيج تطالعينها بتاكلهم والمفروض ماتجيسين العيال كلللللش لما يسير عمرهم 3 اسابيع لان اذا شمت ريحتج فيهم بتاكلهم

عموما لا تضايقين نفسج اسبوع وردي الابو لها بنفس القفص واسبوعين وبتييب لج بيبي مره ثانيه