ها شرايكم اشتغل ابلة روضة ؟؟

[الزين يفرض نفسه]

سلام عليكم ابلات يعطيكم الف عافيه


انا تخصص رياض اطفال وتخرجت وبغيت اشوف رايكم : هل اتوكل على الله واشتغل ابلة روضة ولا ارح مكان ثاني ؟؟ وشنو الخيارات المفتوحه ؟؟

لاني صراحه وايد متخوفه من الشغل انا بالتربية العملية شفت الويل والحين يوم تخرجت وايد متردده وامس مكلمه ابلة كانت معاي بالروضه تقول احنا لاهين باجتماع الامهات لي يوم الخميس وحالتنا حاله و كل ما ادش هالقسم واشوف مواضيعكم اللي تبي اغاني واللي محتاجه افكار واللي تطلب منبهات واللي تبي مادري شنو اقول وااااااي يارب يارب توفق هالابلات صج الله يعينهم خاصة اني شايفه نفسي الحين قاعده بالنعيم لا شغل ولا مشغله لاني ماخذه بريك بعد التخرج شرايكم انتوا ؟؟

 

[أم _ أيون]

بصراحة من وجهة نظري دوريلج مكان ثاني غير التربية أنا لو يحصلي جان من زمان قابة بس طاح الفاس بالراس روحي مكان سنع مكتب و انترنت و تلفون و راحة ولا الهم والنكد والمحاتاة الي مالها والي وهذا غير الزف الي اييج ماتدرين من وين
استخيري وفكري
الله يوفقج

 

[سبحان الله^الحمدلله]

اول شغلة استخيري لان ممكن الي ما احبة انا تحبينة انتي

ثانيا انا ابلة ابتدائي يعني بنظر الناس ارحم خصوصا ان مادتي مو اساسية لكن لايعة جبدي

وفي يوم كنت نفسج سألت هني بالمنتدى ووايد انصحوني ابتعد عن التربية لكن النصيب نصيب

الي بوصلة عليج بنفسج حطي مميزات الشغلة وعيوبها بنظرج واستخيري واوزني الامور

والله يكتب لج الخير يارب

 

[غزلان الكويت]

نصيحة لوجهه الله والله لو اقدر انحاش من هالوظيفة رياض الاطفال متعب وتتعب نفسيتج وتبين تتاكدين اكثر روحي لاكثر من روضة وقت انتهاء الدوام واسالي الابلات شوفي شيقوللج

 

[sadeem yam yam]

حبيباتي انا معاكم في هالـشئ وانا توي تعيين يديد .. وفكرت استقيل وحاشتني نفسيه اول ماداومت خصوصا اني من الميداني للميدان على طوول يعني توظفت ومارتحت ..
وادري تعب وكرررررررف ومحد يخليج برووحج .. يعني الروضه تروح معاج للبيت بدل ماترتاحين وتقابلين زوجج وعيالج .. تروحين تفكرين حق درس باجر ..
بس لمن اقعد افكر بيني وبين نفسي .. اقول خل احتسب الاجر من ربي .. ومالي شغل بكلام الناظره وغيرها .. انا جدامي اطفال وبيدي اشكلهم واسسهم .. شحقه مااكسب فيهم اجر .. مو اهم الاطفال احباب الرحمن ..
فأنتي يبه اخدي الاجر من وراهم .. تحفظينهم جم آيه وتدرسينهم عن الطاعه والاساسيات .. وصدقيني ادا احتسبتي هالشئ لربج .. صدقيني صدقيني بترتااااحين ... ومن توكل على الله فهو حسبه .. وعسى ان تكرهوا شيئا وهو خيرلكم ..
ومن طبقت هالقاعده الصراحه ارتحت .. صرت استانس على سوالف الاطفال وقعدتهم .. واستنانس لمن يتعلمون مني شغله ويروحون يقولون حق امهم بالبيت ...
والحمدلله .. الي الله كاتبه لج اهو الي بيصير

 

[عالي مستواها]

هذا قرار المفروض أنتي اللي تتخذينه ..

يعني أنتي كانت لج تجربة بالعملي وشفتي بنفسج الميدان إذا عاجبج دشي ولا عليج من كلام أحد وإذا لا والله مو مرتاحة دوري لج مكان ثاني أريح مع أني أشك أنج بتحصلين وظيفة غير التربية ..

أهم شي القرار يكون نابع منج عن قناعة استخيري هالفترة وشاوري نفسج عدل لأنه قرار مصيري لا رجعة فيه

والله يوفقج ان شالله صج الروضة تجيب الهم <== بدا التحطيم

 

[زلابيا]

حبيباتي انا معاكم في هالـشئ وانا توي تعيين يديد .. وفكرت استقيل وحاشتني نفسيه اول ماداومت خصوصا اني من الميداني للميدان على طوول يعني توظفت ومارتحت ..
وادري تعب وكرررررررف ومحد يخليج برووحج .. يعني الروضه تروح معاج للبيت بدل ماترتاحين وتقابلين زوجج وعيالج .. تروحين تفكرين حق درس باجر ..
بس لمن اقعد افكر بيني وبين نفسي .. اقول خل احتسب الاجر من ربي .. ومالي شغل بكلام الناظره وغيرها .. انا جدامي اطفال وبيدي اشكلهم واسسهم .. شحقه مااكسب فيهم اجر .. مو اهم الاطفال احباب الرحمن ..
فأنتي يبه اخدي الاجر من وراهم .. تحفظينهم جم آيه وتدرسينهم عن الطاعه والاساسيات .. وصدقيني ادا احتسبتي هالشئ لربج .. صدقيني صدقيني بترتااااحين ... ومن توكل على الله فهو حسبه .. وعسى ان تكرهوا شيئا وهو خيرلكم ..
ومن طبقت هالقاعده الصراحه ارتحت .. صرت استانس على سوالف الاطفال وقعدتهم .. واستنانس لمن يتعلمون مني شغله ويروحون يقولون حق امهم بالبيت ...
والحمدلله .. الي الله كاتبه لج اهو الي بيصير

صح كلامج وانا قاعده امشي على هالقاعده

وكل مكان في السلبيات وفي الايجابيات ..وصلي استخاره وشوفي اللي الله كاتبه ..

 

[فز1عه]

انحاااااااااااااااااااااشي يابنت

والله التربيه سجن مؤبد

انا اتمنى اطلع منها بأي وسيله احاول اكمل دراسه واروح لاي مكان زهقققققققققققققققققققققققققققت

 

[^ليلاس^]

لالالالالا تتهوريييين

من صجج !!!!!! لالالالا ترى تندمين بعدين

 

[pretty sarona]

أنا اقول جربي منتي خسرانة شي ,, الناس قدرات انتي تتحملين و غيرج لأ والعكس ,, بعدين انتي تخصصج رياض اطفال يعني من 4 سنين متهيأة حق هاليوم .. استخيري , كل مكان في تعب , بس اهم شي التقدير , و بعدين روضة يهال يونسون بس يبيلهم طولة بال ,,

 

[غاية الكيف]

انحاااااااااااااااااااااااااااااااشي

ولا تغلطين مثل ماغلطنا

 

[سبحان الله^الحمدلله]

لا تدشين الا وانتي مقتنعة 100 % او لاتدشين لان انا قلت بجرب ماني خسرانة واذا ماعجبني اطلع...............مادري ان الطلعة صععععععععععععععععععععععبة ووهقت نفسي يعني غلطتي لما قلت خل اجرب

 

[الزين يفرض نفسه]

امبي عاد اان قايله وهم الناس قالولي دشي وجربي واذا ما حصلج طلعي بس يبيله واسطه

صراحه انا حطيت عيوب ومميزات والروضه مافيها مميزات الا المعاش والعطله

صج دوامها قصير بس يطلع العيون

وانا يوم كنت بالميداني مالي شغل بالناظره والوكيله بس علي من المشرفه والموجهه وطلعت عيوني الله يعين لو فوقي مشروفه وموجهه وناظره ووكيله ومدرسات ثانين ماتدرين شلون يصيرون معاج

واكبر اكبر اكبر عيب ان الشغل تشيلينه معاج لي البيت يعني احنا بالضبط 24 ساعه نشتغل الصبح كرف بالروضه ولمن تردين تفكرين بمنبهات ودروس وبعدين العصر لاااااااازم مشوار الشغل يا جمعيه يا سوق بو 100 يا مكتبه يا دسمان !! وبالليل تقعدين تشتغلين اهو تصمغ اهو تقصص اهو تلزق اهو كتابه عيل متى تشوفين نفسج وتشوفين ريلج وعيالج وبيتج واهلج ... حتى الويكند ما تتهنين فيها صح ولا لا ؟!

يعني تخيلوا هذا اللي كتبته غيض من فيض ... ترى بس هذا اللي انا تعبت منه عيل الله يعين لو اشتغل وتصير علي مسؤوليات ثانيه من الاداره ولا غيرها مثل درس نموذجي ولا اروح دورات العصر (احنا خل نفضى العصر عشان نروح دورات) ولا اجتماع امهات اسبوع كامل اجتماع !! ولا تحضير مسابقات وبرامج حق النشاط الصباحي ومسرحيات ومناقز وحاله وياااااااله ادشين بال الناظره


خلاص قررت اني ما اشتغل ابلة روضه شرايكم <<<< امبييييييي اخترعت صج قرار مصيري !! مادري حسافا على مزايا شغلة التربيه والمعاش مغري بس شسوي

 

[غلا مطير]

نصيحه والله انحاااااااااااااااااشي ولاتفكرين تشتغلين فيه

انا الحين تربيه عمليه وميته من التعب ولا اقدر اخذ راحتي بالعطله كلها هم وغم

 

[bnt_7waa]

واي بناات ليش انا كل حلمي اصير ابله روضه انتو تقولون جذي بس انا مو مقتنعه بكلامكم ابي اصير ابله روضه

ضيقتو خلقي

 

[الزين يفرض نفسه]

اي والله انا احترت


صراحه متحسفه على شهادتي جامعيه درجة رابعه وتعبت وانا ادرس وتعبت بالتربيه العمليه وايضا حسافه على الراتب يطير نصه اذا رحت مكان ثاني

ومن ناحية ثانيه ..... مادري احترت وايد :|

 

[خفايا الروح]

اشوا اني انحشت من رياض اطفال لي تربيه اسلاميه على الاقل ارحم

دخلت رياض اطفال على ابو اني احب اليهال ومن غير تفكير اخترت هالتخصص لما بحثت وسألت وشفت

قررت اني


انحااااااااااااااااااااااااااااااااااااااااااااااااااااااااااااااااااش شر نحشه وحولت اسلاميه على الاقل اشوا ..


والحين انتي خلاص مافي بيدج شي فكري عدل واستخيري واذا ما صرتي ابلة روضه اشبتصيرين ؟؟؟ حاولتي تقتنعين ..


وبالتوفيييييييييييق

:nbvppw: