هدايا العمره من وين و شنو ؟؟

[lina.q8]

بنات ساعدوني انا انشاء الله بروح العمره بس مادري شنو الهدايا الي اييبها معاي حق اهلي و معارفي
ابيكم تساعدوني شنو اييب اشياء حلوه و جديده ؟

 

[جكورة]

عندج ملافع الشرقيه بمركز مكه وملافع رداء الفخامة ومزاج....

عندج عطورات جنيد وأجمل بمركز مكـــــة

محلات قزاز للبخور والعطور..

وإذا تبين خام عادي عندج سوق المنصور ...

وفيه أسواق بن داوود داخل مركز مكــــة عنده إكسسوارات وسجاد للصلاة وملابس وتحف .وإن شاء الله تروحين وتردين بالسلامة ..​

 

[الغلاااااا]

السلااام عليكم

اولا<" تروحين وترجعين بالسلامه والله يتقبل منج انشالله

انا بالصيف رحت العمره واشتريت ماي زمزم بعلب صغيره ومجكنمه على شكل اسطوانه وبالدرزن يبيعونها وشريت مصاحف حلوه علبتها على شكل الكعبه ومنظرها حلووو تلاقينها بالمحلات اللي على الشارع من صوب باب المدينه وفي محلات صوب الباب اللي عند الصفاا بس ناسيه اسمه..

وفي وحده مدحت لي محل ملافع شوارفسكي وشغلات حلوه بالشيرتون بس مارحت له ماكان عندي وقت اهو بالدور الثاني تمدحه تقول حلووو ورخيص بس والله مو ذاكره اسمه

انشالله اكون ساعدتج لو بالقليل

اختج الغلاااااا

 

[أحلى الجياكر]

عسى الله يتقبل منا و منج ..
فى مركز مكة ..محل إسمه المتحف ..يبيع سجاجيد صلاة و مفارش ...أكو أكثر من محل له ..يبيع جنطة كبر كف اليد أو أكبر شوية داخلها سجادة صلاة خفيفة ..ممتازة كصوغة ..على 30 ريال ..

و عندج مساويج ..و ماى زمزم ..و ملافع ...

 

[lina.q8]

عساني ما انحرم منكم يا
جكوره و الغلا و احلى الحلوين
الله يسلمكم و الفال لكم انشالله