هدايا للحجاج ؟؟

[جاكليت]

يعطيكم العافية ..

بنات ودي استفسر شنو أفضل هديه للحجيات ؟؟ عطوني أفكار بأسعار معقوله لأنه عندي وايد حجيات يدد ..

وشكرا

 

[bnt q8 in usa]

والله اضن بس تروحين تيبين لهم كاكاو
اهم يبون هداياا واذا كلش كلش يبي اطقم صناديق من الشايع بخور وعود

 

[FANDA]

اخذي لهم عطر مركز او عود وبخور

 

[زلابيا]

والله احنا نعرف كذا وحده رايحه الحج عاد حطينا حطه وشروا لهم من الفودري صندوق مبيت فيه خلطات ومبخر وبخور .... الخ

احس ان هالصناديق اللي فيها العطورات والرشوش انسب شي

 

[جرح الليالي]

عندي توزيعات اذا تحبين راسليني

 

[موني موني]

هلا و غلا حبوبة

انه شريت للوالده الله يحفظها جنطة جفينشي تهبل ب 140 دينار ..

اما اذا عندج كذا وحده رايحين للحج .. مثل ما قالوا البنات .. يا حلو او ست رشوش و عود و بخور .. عاد الله ما كثرهم بالمباركيه ..

و بالتوفيق عاد اذا فكرتي بشي و شريته قوليلنا خل نقش منج هههههههههههه

 

[قلب راشد]

والله ما فيه على الكاكاو حتى يفيدها باستقبالها

 

[جارة القمر]

كاكاو

صينة حلو

الصناديق اللي فيه بخور ودهن عود

أشحلاتم مسويهم الفودري

ومحل الدر المنثور اللي بالمباركية

 

[Pink GirL]

احسن شي الككاو​