هدايا ولادتج لج ولا لمولودج؟؟

[ام معاذ]

الحين انتي ولدتي بالسلامه و عقب استقبالج للناس اغلب الهدايا كانت فلوس وطلعلج مبلغ حلو تعتبرينهم هديتج ولاهدية مولودج يعني هل تصرفينهم علا نفسج ولاتحسين انهم مو من حقج وتخشينهم لمولودج او تصرفين عليه منهم ؟*

 

[L.a.v.e.n.d.e.r]

اكيد حق البيبي

 

[tmtmt]

في ناس ايبون حقي واس للبيبي
بس الاغلب للبيبي
والفلوس حق البيبي بعد

 

[آهات الليل]

عادي ماله شغل اشتري للبيبي فيهم اصرفهم عادي

 

[حرم راشد الماجد]

لا والله انا بنتي طلع لها مبلغ حلو حطيت لها فيهم حساب لان ما شاء الله كل شي عندها فمو محتاجتهم وهم احس مو من حقي

مادري احس هذا رزق الياهل مو من حقي انا كبيره وعندي مصروف او معاش

 

[al7noona]

والله انا كنت اصرفهم حقي لاني كنت محتاجه ماكنت متوظفه

 

[شيخة الحلوة]

والله انا صرفتهم حقي عادي

 

[غد غد]

والله حبيبتي اذا تبين نصيحتي . انا من اول ما اولد افتح حساب حق عيالي و فلوس الهدايا احطها بحسابهم وبعدين اسوي استقطاع بقيمة عشرين دينار يعني مبلغ اقدر عليه كل شهر ينزل بحسابهم , هذا اللي اقدر اسويه علشان اامن مستقبلهم يختي الدنيا مالها امان وسلامتكم

 

[قمري]

و الله انا صرفت نصهم كان ناقصني جم شغله حق البيت و الباجي باحسابها بس انا اقول الفلوس لج و للبيبي يعني اذا انتي محتاجه عادي تصرفينهم و ااذا لا حطيهم بحساب له