هدية العيد لخالتج ( ام الزوج )؟؟؟

[قمورة الكويت]

شلونكم حبايبي؟؟

انا متزوجه صار لي 10 شهور !!

انا مره قرريت بالمنتدي ان في جناين يهدون خالاتهم بالعيد وبرمضان ودي بصراحه اجيب لها هديه اهي وعمي بس بعرف هالشي الكل يسويه يعني معروفه !!

اخاف اعطيها اتفشل واتحسف بعدها او اسمع كلام مايعجبني ..
شرايكم

وشنو تجيبون لخالاتكم ولعمكم انتو ؟؟؟

 

[حياة 26]

انا عن نفسي ما اهدي خالتي شي لانه خالتي ما يعجبها العجب ولا صيام برجب فخليني بعييد مو زين اطيح بلسانها للحين وانا بعيد ما سلمت منها
بس اذا حابه تهدينهم كيفج

 

[pinkoosha]

مادري بس انا هديتها بالقرقيعان, مو كل مناسبه بنقعد نهدي ...بعدين حتى لو ماهديتيها اكيد بتعذرج عساس انتي توج عروس ويديده عليهم فماتعرفين نضامهم, و اخذي رااي زوجج يمكن يقولج اي لازم او يمكن يقولج لا شكو ماله داعي

 

[خالف تعرف]

لا انا ما اعطيها كافي المناسبات كل شهر اشكثرها تخلص معاشاتنه اول باول

 

[مــ_ــا مــ_ــي]

امحق .. قال الرسول عليه الصلاة والسلام (( تهادو تحابو)) الهديه رمز محبه والا ماهي ميته على هدايانا لكن كتقدير وعشان نبين اننا ما نسيناها لازم نذكرها بأي هديه حلوه تفرحها .. وبعض البنات اللي تقول خاف اطيح بلسانها... ماعليج منها اذا هي من النوع العصبي كافي انج ذكرتيها ممكن هالهديه تمتص العصبيه وتطيح زعل او شي..

والله ما كثر الهدايا ,..بس الافضل تمسكين ظرف تحطين لها عيديه وتعطنيها ..

 

[قلبهـ 86]

اب اب ،،،

 

[* فطامي *]

امممممم

الصراحة ما أعطيها مو لانها مو زينه لاوالله حشا خوش مره الله يحفظها

بس بنظري كافي لمن أسافر ايب لها صوغه ولمن تعينت شريت طقم استكانات هديه لها عطيتنا اول رمضان


ما احس مهم بكل مناسبه اوزع الواحد عنده التزامات بي فترة وفترة ميخالف بس مو دائماً و بشكل دوري صعبه الصراحه

هذا راي وشكرا لحسن متابعتكم لوول قرقرت

 

[روح الصباح]

السلام

ما فيها شيء تقدمي لها هدية بالعكس شيء طيب
إذا حابة تهديها هدية خذي لها ساعة فخمة خليها تكشخ فيها ههههـ
انا ناوية اخذ إلى أمي و أم زوجي ساعات

 

[cat^q8]

انا بالعادة اييب لها اول رمضان


بالعيد ما اعطيها لان زوجي يعايدها فأحس كافي

لكن هالسنة ما عطيتها شي اول رمضان ، علشان جذي نوويت اعطيها بالعيد ان شالله

طقم ثوب صلاة مع معطر ملابس ،

واهديها هذا دليل كرمج وطيبتج

 

[هيبة ملك]

والله أنا اشوف مرت اخوي

كل مرة تجيب لأمي شئ

في رمضان جابت لها سجادة صلاة ودراعة

وللعيد سوت لها مضاعد فضه مع خاتمهم وركبت لونهم على دراعة العيد

شغلات بسيطة بس تفرح الخالات عاد سبحان الله من بد حريم خواني هذي غير

وأنا للأسف ماعندي خالة الله يرحمها
فجبت الهدية لأمي خام وقلت خيطيه على مزاجج

أنت جيبي لها شئ تعيد فيه قولي هدية العيد أما خام أو عطر وعمج جيبي له عود

وترى عادي راح يفرحون بها حتى لو بسيطة يمكن ماذكركهم إلا أنتي

 

[فديت عيني]

انا براي الهديه تسوي اشيااااء وايد والواحد مايعلم شنو بالانفس يعني يمكن خالتج حبوبه وخوش مره بس هم ماتدرين يمكن في نفسها شي... وساكته ..:eh_s(10):
لاتنسين قول الرسول عليه الصلاة والسلام تهادوا تحابوا:klhfl:
ولو كنت بمكانج راح اسوييه وانا مغمضه... اممم اخذيلها بخور منها شي حلو ولا تخبين نفسج...اغلب العرايس جذي بدايتها ببخور ..
او اخذي من محلات البخور صندوق بخور وعود بما انا مقبلين عالشتا...
واسمحيلي طولت ادري قرقت وايد:ssssso:

 

[emiemi]

انا بصرااحه للعيد ايب حلو غااالي للبيت اسلمه بليله العيد> والعيديه من ريلي>> بس انااا اهديهاا بكل مناااسبه واحبهااا وااايد >>بس امي احب اعطيهاا فلوس بلعيد مع الحلو>>

 

[وردة^الكويت]

انا اهدي خالتي بمناسبه او بدون لانها بحسبه امي

و بالعيد طبعا احسب احسابها بالعيدية

و هي تاج على راسي الله يخليها لي و لعيالها

 

[pusy cat]

تهادوا تحابوا

ليش لأ

بس ترى هالشي مو متعارف عليه يعني اذا ماجبتيلها هديه ماراح تنقد عليج

الا اذا عاداتهم وتقاليدهم جذي والله مادري

بالنسبه لنا ماعندنا هالسوالف والهديه ممكن تكون بأي وقت مو شرط برمضان او العيد

 

[aloooya]

انا اعطيها بعيدميلادها و عيد الام و صوغه لما اسافر بس

 

[استاهل الصيت]

امممممم
انا مادري يمكن مماجيب لهاا

مو لاني ماحبهاا

لا والله بس مهديتها بخوووور اول رمضااان

 

[PuPa^^SWeeT]

انا اعطيها بعيد الام هدية لها

واذا سافرت


وحلوة الفكرة انج تهدينها

بس خالتي مو قاصرها شي الحمدلله بخير و نعمة و كشخة

فا ساعات اييبلها وياي حلوو العيد اول ماعايدها


الحمدلله تستانس عليهم


واللي اتقولج لا اطيح بلسانها

ماعليج منهم


تهادو تحابو


و ريلج بيستانس انج تذكرين امه

 

[هذا مزاجي]

انا ام زوجي نسره ومايترس عينها شي
وماافكر اجيب لها هديه

 

[ام الحوراء زينب]

اهديها ختمه قرءان باسمها لانها الله يرحمها متوفيه والميت مايبي الا القرءان والدعاء

وحق عمي حبيبي اييبله دهن عود وعطر اهو يحبهم من زمان

 

[قارورة عطر]

والله حبيبتي الهدية تلين القلب خاصة للحريم الكبار وبعدين من المحبة والبر بها عشان خاطر عيون ريلك والله انا دايم ارسلها هدايا مع زوجي اشكثر يستانس وبرمضان وبالعيد شي اساسي اكثر شي اعطيها فلوس بالعيد اوذهب من غير الحلا
وكل شهر ازورهم مره واذا فيه مناسبة مرتين على حسب وبعض الاحيان يكوون اكثر من مناسبة ممكن اروح لهم مثلا 5 مرات والله كل مااروح اخذ شاي وقهوة والحلا لدرجة لما اسير عليهم مايعملون شاي وقهوة يفرحون بجيتي وانا فنانة حلا يموتون على حلاي لدرجة اذا احد تغيب يوصيهم شيلولي من حلا مرت اخوي وكل مابين شهرين اخذ لخالتي هدية
وانا سفرية بشكل جنوني واحسبهم كلهم كبيرهم وصغيرهم طبعا لوشي بسيط حتى اليهااال لما ادخل يحضنوني ويبوسوني ويقولوون وينك خاله زمان عنك
بنت اختي ماشاء الله عليها صغيرة وكانت توها عروس واول عيد لها عنده برمضان
خذت مقاس عمها وخالتها وفصلت لهم وجابت لهم هدايا وعطووووور انهبلوا عليهم لان كناينهم السابقات ماكانوا ييبون لهم شي وجافين معهم
واذا انك مرتهم الاولى لا يبي ثم يبي والله تكسبين محبتها حتى لوكانت غنية