هدية العيد

[ريـــانـــه]

السلام عليكم


شلونكم شخباركم


وكل عام وانتم بخير وعيدكم مبارك


بنات شنو بتهدون امكم بالعيد:klhfl:

ابي كل وحده تقول شنو عيديت امها منها


انا عن نفسي بخاطري اشتري لها عطر
بس محتاره شنو

 

[المجهولة قدراً]

اوووووووه فديتها امي والله
اول شي اقولج وانتي بصحه وسلامه
انا يارنه ياطويلة العمر
اشتريت لها بوشيه (شيله)
مليانه كيرستال وتهبل مع دهن عود
طبعاً مو لاحالي انا واختي مشتركين فيها
وسويت لها تغليفه تجنن بس باقي الشوكلاته
ويارب تخلي امهات العالم وتعطيهم الصحه والعافيه
مشكوره ياقلبي على فكرتج انه كل وحده تقول شنو تهدي
وتقبلي مروري

 

[ريـــانـــه]

تسلمين المجهوله واسعدني مرورج
بس وين باجي البنات ولا موناوين يعطون امهم عيديه
قبل كنا صغار ننطر منهم العيديه
بس الحين كبرنا واشتغلنا وعيدتنا بتفرحهم حتى لو شي بسيط

 

[ام ناصر 2009]

انا ماعندي أم من ولادتي
بس لأسف مقدرت أفيدج

 

[fdeetni]

انا ماعندي أم من ولادتي
بس لأسف مقدرت أفيدج

بعد قلبي حبيتج

الله يعوضج يارب

 

[ام ناصر 2009]

بعد قلبي حبيتج

الله يعوضج يارب

بعد قلبي حبتج العافيه
الله يعوضني بولدي

 

[ريـــانـــه]

ام ناصر الله يخليلج ولدج وتفرحين فيه

 

[بنت حمايل]

حبيبتي من اطياب المرشود في عطر حلو اسمه المرشود جديد روعه شكل عجيب وريحته عجيبة بعد
ذيت العطر بعلبة كشخة وحطيت لها 100 دينار عشرات لفيتهم وحده وحده بخيط يم العطر مع بخور كمبودي من الرصاصي عجيييييييييييييييب عشان تشبه بالعيد

وطلبت لها حلو من الصافي يوصلها ليلة العيد

وتستاهل الغالية

 

[ريـــانـــه]

بنت حمايل اسعدني ردج والله يطولج بعمر امج وجميع امهات المسلمين
انا امس اشتريت لامي من الشايع مجموعه كامله بصندوق حلو فيه خلطات وعطورات ومبخر ومغلف بشكل حلو
وبخاطري ارسله لها صبح العيد مع بوكيه ورد
بس مادري يفتح محل الورود الصبح اولا
الي عندها خبر تقولي وابيه يوصله لها

 

[*قلب جابر*]

الله يخليلكم امهاتكم ويرحم المتوفين منهم..........حبيبتي الورد تقدرين تطلبينه من الموقع واتحددين مت تبينه يجي...
هذا اللي اتوقعه لانه اختي دايما تطلب منه وحلو شغلهم حييييييييييييييييييييييييييييييييييييييييييييييييييييييييييييييييييييييييييييييل
واموفقين يارب

 

[شويهينه]

امممممممممممممممممممممم


انا شكلي بفتر السوق واشتريلها


عطر...اوكي



مشكوره ريونه والله يعين سايقنا صابر خخخخخخ عالدوجه في الظهاري خخخخخ