هدية الملجة

[حساسة حيل]

قوة بنات .............
رفيجتي ملجت ومحتارة شنو اهديها على ملجتها ....
منو عندها فكرة حلوة لهدية تترس العين
وشكرا

 

[pink-rose]

هلا حبيبتي:
اشرايج مثلا:
-- بجنطه حلوي او ساعة كشخه.
--تشترين لها طقم ناعم ذهب+عطر مع كريمه وتغلفينهم بشكل حلو (عند بوابة الهدايا مثلا)
--تقدرين تروحين اي محل من محلات العطور الشرقيه وتشترين لها عطر+دهن عود + بخور +رشوش وتحطينهم بصندوق رزه.
-- اشتري لها مجموعة من المكياج (يعني عده كاملة مع الفرش)وحطيهم في جنطه حلوي للمكياج.

 

[ريم ست الحريم]

هلا حبيبتي
اشرايج تيبين طقم ذهب استايله يكون ناعم
او

لانجري كشخه حق عرايس

واتمنى اكون فدتح

وموفقه حبيبتي

 

[يارا 2009]

انا اقولج قوليلها مبروك وبس


ههههههههههههههههههههههههههههههه

لا عطيها زجاجه عطورات فخمه

 

[om_jenan1978]

تشترين لها شيله غاليه ماركه أو ساعه حلوه

 

[ملح الدنيا]

الساعات والأطقم الناعمة أوكي حلوين لكن احتمال إييون لها وايد
إذا ما عندها كاميرا فيديو أو فوتوغرافية اشتريلها وترى سوني منزلين كاميرات يديدة تهبل وهالهديه أول شي بتنفعها وايد لأن وراها أكيد شهر عسل وسفرة وراح تاخذها وياها وأكيد كل ما صورت بتذكرج وبعدين ماراح تمل منها وعملية وتقعد عندها سنسن وأكيد بتكون مميزة لأن ما أعتقد أن أحد فكر فيها