هدية تخرج زوجي.....؟؟؟ ساعدوني باقتراحاتكم لاهنتـــو.....

[Umm rakan]

السلام عليكم ورحمة الله وبركاته....


انا متابعه للمنتدى من زمان بس ماصارت الفرصه اني اشارك معاكم....


وبصراحه احيي فيكم الروح الاخويه بينكم ماشاء الله تباركــ الله وحبكم للمساعده والنصيحه...


وهذا اللي شجعني اني اشاركــ معاكم واتمنى ماتخلووني...


زوجي بيتخرج هالفتره ان شاء الله ماجستير....وانا محتاااااره قوووة بالهديه ابيها تكووون مميزة ....


ماودي تكون مكرره ابيها شي جديد....!!


ياليت يابنات تساعدوني وتقترحون علي وش اخذ هديه...ماابي ملابس او عطور او كماليات ودي بشي رمزي ويبقى للابد...


فكرت اني اسوي اهداء على الكرستال ....بس برضو ماتكفي....


ياليت تفيدوني بخبرتكم وتجاربكم...والله يوفق اللي بتساعدني ويرزقها باللي تتمنى يارب...


للمعلوميه انا بامريكا يعني فيه مجال القى اشياء حلوة وغريبه بس محتاره ابي افكار....


:33_1185028183:

 

[الدلوعه2008]

حياتي والله ما ادري شقولج بس كثر شيء انصحج تشترين له سياره اذا انتي بتردين الكويت خلي اخوج يشتريها بدون ما يدري وفجاه فيها بيكون احلي هديه له بحياته منج

 

[دلوعه زوجها]

انزين حبيبتي حددي بحدود جم الفلوس اللي عندج عشان نقترحلج

 

[مهاووي*]

اهديلة دبلة مكتوب داخلها اسمج و اسمة و مبروك التخرج

 

[sho-sho_93]

بوك ماركه ساعه قلم او اي شي كلما شافه يذكرج فيه

 

[~ام خالد~]

ان شاء الله الف مبروك تخرجه
وعسى الله يسعدكم
سوي له درع تكريم منج انتي
مع هديه تنفعه بمجال شغله

او رتبي لكم سفره تغيرون فيها جو بعد الدراسه

او عندج هالطريقه
على ردتكم سوي يوم عشا حق اهلج واهله
وكرميه انتي بعد عطيه الدرع والهديه جدامهم
ترى بيستانس وايد

 

[ebtsama-3re9'a]

بصراحه
انا مره رحت فلم وعجبتني فكرة الزوجه

معطيه ريلها هديه بوصله

وقايلتله عشان اي مان بالعالم لو تروح ادل طريج العوده حقي

بما معناه

ووايد ودي اسويها

بامريكا اتوقع وايد اماكن فيها اشياء حلوه

وخاصه هالسوالف

او تسويله مجسم ينحط بالغرفه او اي مكان وتكتبيله فيه مبروك التخرج او اي شي

المهم يكون المجسم معبر عن المكان اللي تخرج فيه
مثلا شكل الجامعه اللي درس فيها
او لون روب التخرج وشكله

او اي فكره تطلع وياج

 

[Umm rakan]

تسلم يمينكم والله ماقصرتوا ....


افكاركم جدآ فادتني يعطيكم الف عافيه يارب....ولاانحرم منكم ان شاء الله....


وفكرة ام خالد مررره حلوة وغريبه شكلي باضيفها للهديه....

 

[الداانه]

اممممممم أشتري له جوال آخر موديل عندك n96 مره حلو ورجالي

والله يسعدك وياه ويفرحكم بالرجعه لدريتكم سالمين

 

[خشف المطران]

سويله ليله خاصه .. لبس وتزيين الغرفه وتغيير الكفر .. و تغطية وكله كله .. بدعي ..

ومنتجات الزوجيه و حركات ...ولو فندق أحلى بعد ..


وعندج .. بعد رحله .. أو طلعه حلوه بكنك بسيط ..حسب ميزانيتج .. ولو ميزانيتيج قويه تقدرين تروحين مكان بعيد أكثر ..

ومبروك التخرج عقبال الدكتوراه ..

والله يخليكم لبعض..

 

[الاسطورية]

اشتريله هديه للوظيفه الي ناوي يتوظف فيها تكون فخمه