هدية عروس :)

[ميممآإ]

مرحباً يا عرايس

ان شاء الله أموركم تمام





أنا الصراحة محتاره حيل عندي رفيقتي بتتزوج و محتاره وش أجيب لها هديه

ابي آرائكم لو سمحتو وش أجيب لها :eh_s(16):

 

[Katkoota85]

تقدرين تيبين لها طقم عطور

قمصان نوم

اسواره حلوه او قلب او تراجي

ساعه

ملفع حلو وكشخه

جنطه


بخور مع عطر


ترا كل شي تقدرين تيبين للعروس لانها كل هالشغلات راح تستفيد منها

 

[Katkoota85]

بعد تقدرين تيبين لها كفر حلو لفراشها

 

[a girl]

انصحج تعطينها ساعه ماركه او سوار ماركه مع خاتمه عشان تكشخ فيهم واهيا عروس اكيد الحين مو ناقصها عطور ولا قمصان لانها مجهزه شوفي LV or chanel Fendi dior شغلهم راقي وايد و ماركات عالمية و اذا تبين اسعار ارخص Coach CH moschino cacharel

 

[برنسيسة2007]

سااااااعه ماااااااااركه اهي اللي بتبقى عندها طووول العمر وتتذكرج فيها وممكن معاها عطر من سيكرت

والساعات الماركه عندج تشكيله من الاسعار انتي ميزانيتج
فيها الماركات الوسط اسعارها
وفيه الغااااااااااليه
وموفقه

 

[ميممآإ]

يعطيكم العافيه

 

[M!SS.LOBY]

أعتقد طقم عطووور افضل

 

[طريق السعاده]

اذا تمونين عليها شوفي وش ناقصها وجيبيه اما اذا رسمي وضعكم تخيلي نفسك عروسه وشوفي وش احسن هديه ممكن تجيك واهديها

انا بنات خالي حسبت خواتي واعرف عشقهم للكعوب بملكتهم شريت لكل وحده كعب ماركه وستايلها غريب ومميز وكشششخه غلفته مع فلوس داخل بوكس بشكل ذرب لما فتحته بعدين حيييل استانست عليه خخخ كلمتني تقول حسيت اني سندريلاا يجنن وحطته ضمن اغراض التجهيز < قصت حياتها خخخ

فانتي ادرى بصديقتك يعني وبعد تقدرين اذا ميزانيتك حلوه تدفعين عنها شيء مثلا الكوافير حق يوم عرسها او تهدين لها شريط زفتها يعني تقدرين تسحبين منها السالفه لين تعرفين وش تبي بضبط وتسوينه عنها لكن اذا ماتمونين عادي جيبي شيء حلو وتخيلي نفسك مكانها وشوفي وش ممكن تحتاج

 

[أنفاسي دخون]

على حسب ميزانيتش تحدد الهديه والافضل نقدي تاخذ اللي ناقصها اذا محتاره وش تجيبين

 

[PuPa^^SWeeT]

مجموعة عطور من فكتوريا سكريت


او ساعة حلوة من اون تايم


او عطر مع ست اللوشن و الشاور جل


او خاتم ماركة




يعني انا مرة اهدييت قميص نوم لعروس من صديقاتي بس بعدين انحرجت


هذيل السوالف تستفيد منهم