هدية لزوجي

[ام البندري 12]

مرحباااااااااااااااا


اشلونكم ياحلوين

ممكن تساعدوني وتعطوني اقتراحات


ابي اشتري لريلي هديه حلوه

من غير مناااااااااسبه ابي افكار حلوه وبنفس الكويت ما تكون غاليه

<<< مو موظفه هههههههههههههههه بتاخذ منه الفلوس اتغشمر

زهقت كله اهديه عطورات والا نعال عزكم الله ابي شي حلو وغريب ويستانس فيه

الساعات ما يلبسها والبوك نفس الشي ما يستخدمه

شنو اهديه:eh_s(7):

 

[A7LA_SHOSHO]

حبيت اساعدج بفكرة وانشالله تعجبج .. اذا ريلج يلبس غترة اشتري غترة من سوق الديرة بس تكون على ماركة انا شايفة ماركة سي كي او جيفينشي وفي ماركات وتكون علامة الماركة موجودة بالغترة شكلها وايد حلو وراقي وبعدين غلفي العلبة بتغليف حلو وحطي كرت وكتبي اللي تبينه يعني تقريبا سعرها من 10 الى 15 دينار تقريبا وبالتوفيق انشالله

 

[lolo77]

السلام عليكم

انا سويت فكره صندوق وحطيت فيه صورتي وصورة زوجي واعيالي

وزينت الصندوق بالورد المجفف

وطلع وايد حلوووو
واستانس عالفكره واهم شي اني انا مسويته مو جاهز

 

[ام البندري 12]

مشكورين على المرور

 

[ام ئنودي]

اذا زوجج رياضي سوي له اشتراك بنادي راقي وحلو لمده سنه وحطي له ورقه الاشتراك ببوكس كشخه عشان يتفاجئ

 

[ام البندري 12]

حلووووووووووووووووووو الفكره

يسلمووووووووووووووو يا قلبي

 

[dalprincess]

اخذيله هدوم ,,, اذا اهو من نوع الي يكشخ عندج ارماني الي بالسالميه هدومه حلوه وايد حق الرياييل ,,, وهم عندج لاكوست وقيس ,,, واذا مايحب الهدوم هممممممممم تلفون اخذيه واذا مايحب التلفون ساعه او بوك او بزمات ,,, واذا بتغيرين اذا انتي تسوقين اخذيه معاج وعزميه مطعم كشخه وحلو ,,, عندج لينوتر عندهم كبينه مالت مناسبات روووعه عالبحر ويحطونلج شموع وورد بس لازم حجز ,, اخذيه معاج مطعم حلو ,,,,, وبس هذا الي فبالي الحين واقولج اذا تذكرت شي

 

[om yousif]

فكرة المطعم حلوة الي قالتها dalprincess ,, او سويله بطاقة دعوة في سبا تايم للمناسبات وايد حلوة , طبعا اذا يحب المساج

 

[ام البندري 12]

وانا بس عطورات والنعال وانتو بكرامه لاعة جبده

ههههههههههههههههههههههههه صار يعرف الهديه وهو ما فتحهاااااااا

هههههههههههههههههههههههههههههههههههههه

مشكورين على الافكار

 

[bombo]

الله و ناسه تونس ادري لونوتر عنده كبينه حق المناسبات مشكوره على المعلومه

 

[ابداعات2007]

في وحدة هنيه كاتبة فكرة خطيرة ... شهادة تقدير باسم الزوج .... بدور الرابط و احطه لج

 

[ابداعات2007]

تفضلي اختي هذا الرابط

http://q8yat.net/showthread.php?t=74437&highlight=%D4%E5%C7%CF%C9+%CA%DE%CF%ED%D1

وهذا الرابط بعد

http://q8yat.net/showthread.php?t=49004&highlight=%D4%E5%C7%CF%C9+%CA%DE%CF%ED%D1