هدية للكل بس ادعو لي :)

[عهود الحب]

السلام عليكم و رحمة الله وبركاته

هدية لكم مني




هالموقع


http://www.videojug.com/tag/pilates


فيه تمارين ايروبكس وستريتشنج




وان شاء الله بحاول انزل لكم تمارين رياضية متحركة مجمعتها بالمفضلة عندي



بس باجر باذن الله الحين الوقت متأخر وانا اوعدكم لي عودة




بنات :tek: الي عندها شي وتجربة فاشلة او ناجحة لاتحرمنا



وابي منكم خدمة اذا احد يدل مكان يبيع دي في دي ايروبكس لايبخل علينا :tek:



شكرا

 

[سمي الزعفران]

مشكورة ياعسل الله يوفقج يارب

 

[عهود الحب]

نصيحة


المساج = خسارة فلوس ونهايته ترهل للجسم بشكل موطبيعي ويقال انه يسبب هشاشة عظام ان كثرنا منه



انا تجربتي الفاشلة مع مساج كوين انه سببوا لي دمامل بيضا باماكن الضغط بعيد عنكم والزنود لاول مرة بحياتي يطلع لي دور ثاني من الزند و الله انصدمت


والكرش صارت خلاقين مهتملة



طلع لي شي جديد



غير الخمول والنفسية وكله مالي خلق لاي شي جني مدمنة نوم ولا قنفة طايحة مو مرة عشتو






الدراجة روعه بس ماتحرق كثير من الكالوري بالقياس مع باقي الاجهزة




الاوربت تراك يطلع لي اني حرقت كالوريات شكثررررررررررررر وانا فعلا اكون خلاص سبحت بالعرق


بس الغريب انه الوزن مايتحرك ليش ماادري وفي ناس يقولون انه مجرد يشد الجسم






الجري موطبيعي بس العادات والتقاليد مايسمح والامن العام للدولة هم مايسمح يعني لو كل وحدة متينة فينا تروح للمشى وتركض
مصيبة شيصير بالكويت الشباب يقبون هههههههههه منظر مو شي للأسف





احلى من المشي مافي كل كيلو طاح من الممشى مارد والله العلي العظيم وجسمي صار معزل وشحلاتي ماخربه الا المساج قطيعه



الجو مايساعد كلش عالممشى فقررت التزم بالسير الكهربائي والي هو اهون شي من الاجهزة




الي عندها تجربة لاتحرمنا

 

[عهود الحب]

جل اليقانس << خرطي خرطي خربوطة مربوطة


مشد نحت الجسم << نكته بس قديمة



في بعد عضوة قالت طقي خلفيتج بالطوفة نصيحة لاحد يطق نفسه ترى هالتزرق يؤدي الى خلايا سرطانية يكافينا الشر



في بعد خلطات التنحيف مثل قهوة ولا خل ترى خرطي جربت الكل صرت مصخرة ماستفدت شي




كمون / زنجبيل / مرامية / فلفل / الكتان : كل الاعشاب كثرتها مضرة للأسف كل عشب ماله علاقة بالرشاقة والي تحلف انها ضعفت من هالخرابيط ترى بخنقها بس نصب يابنات


واصلا المرامية تلعب بهرمونات الرحم وتخرق المعدة


الليمون مع الكمون خرطي والليمون حمض اسيد دربالكم عالمعده



حبوب زين الاتات : جربتهم وسببولي نفسية الحق ينقال وصرت اتهاوش مع ذبان البيت

الزينكال و اخواتها : ياخراشي دي بلاوي متلتله وعلى قولة اوبرا لو الرشاقة بحبة جان توزعها مجانا عالعالم كله





السباحة <<<<<<<<<<<< ماعرفها اخاااااااااااف من الماي < جبانه


ياليتني اسبح يمدحونها بس فيني وسواس واخاف من الحمامات سباحة دربالكم يابنات




الاناناس + الكيوي : يمدحونه بس ترى موزين اكثر من مرة كل يومين


مايصير يابنات بشكل يومي


انا سويته على نصيحة بنت يوميا 3 مرات ولقيت موضوع كامل هني وبالاخر زاد وزني




اما وزني عجيب حده ههههههههههههههه

 

[عهود الحب]

اخر مرة رحت للدكتور قالي مشكلتكم تبون تضعفون بسرعة بدون مجهود


اهم شي تضعفون بصحة وعافية الريجيم القاسي موزين لكل شي بجسمج



انا اقول يابنات الصحة حلوة والرشاقة حلوة لكن اثنينهم مع بعض شنو استفيد لو انا رشيقة واعضاء جسمي الحيوية خربانة من الكيماويات والادوية



اي طبيب تروحين له ويعطيج ادوية تسهل انحاشي هذا اكبر غلط


لاتستهينون بالمسأله لأن كل شيء يتراكم وباجر تبين نتايجه لي كبرنا شوي



والعمليات يابنات مايحتاج اقولكم اكيد انتم ادرى مني



في زميلة لنا بالدوام الله يشافيها مومترقعه مسكينة من عقب عملية المعدة مادري شسوت بعمرها


بس لاهي الي ضعفت ولا هي الي تعافت دربالكم تغامرون بصحتكم



الرقص مافي عليه في الجسم ينحتج نحت بس يبيله شاكيرا



وسلامتكم

 

[H.Heavn]

صح لسانج يا عهود الحب انا معاج واؤيدج بكل كلمة قلتيها
اما عن الرقص واي فعلا اينن ويهبل
وسالفة المساج.....سكتي وخليها على الله الكرشة زادت والمؤخرة (على قولة رفيجتي عربة الخضار لوووووووووووووول) نطت زيادة!!!!
لكن ما نقول الا الله كريم مالنا غير المشي والرقص احسن رياضتين

على هالموضوع الحلو عسى الله يحقق لج كل امنياتج قولي امين

 

[supermarket]

لوووووووووووووولز ضحكتيني على الركض

موشي كل شي يركض بصوب

تسلمين على التصايح الحلوة والله يوفقج وين ماتكونين

 

[عهود الحب]

تسلمين هافن ياحلات نيك نيمج عسى ربي يسكنا الجنة قولي امين


تسلمين والله



هلا سوبرماركت تسلمين ياااختي



احسن شي الواحد ينصح لله في لله ويقول الصج


لاتسمحون يابنات لاحد يستغلكم ويضحك عليكم واخر شي نقعد نطبل عالكرشة من الضيم




الله يجزاج خير على هالدعوة الحلوة ابتسمت عن جد كنت محتاجتها

 

[عهود الحب]

تمرين للزند

في جم صورة ماقدرت احملهم بحطهم بملف واحد مضغوط واخليهم بالمرفقات

 

[بــ زايد ــنت]

تسلمين يالغاليه على الرابط والنصايح

والله يتمم علينا ونضعف

 

[ii DareeN ii]

شكرا عهود الحب ماقصرتي بس للامانة بقولكم شي انا جربت الزنجبيل والشاي الاخضر وصج لمى اخرب الرجيم مايزيد وزني

 

[أم جــاســم]

مشكوره يالغاليه على النصايح الحلوه
بس في شي ما جربتيه او يمكن نسيتيه
( نط الحبل ) او تنطين في اللعبه اللي تنباع بالشناكل
والله ما ندري شنو بنسوي بروحنا بعد

وتسلمين :tek:​

 

[لاهنت ياجدي]

يعطيك العافيه يسلمووووووووووووووو

 

[لعيـــ ترخص أرقاب ـــوني]

يالله يااااااااارب عقبـــــــــــال مانصيرررررررر رشيقااااااااااااااات ,,

 

[Emanova]

يسلموا

والله يعطيج اكثر من اللي تبين و يفتحا و يرزقج

 

[عهود الحب]

تسلمون بنات



اختي دارين الشاي الاخضر زين بس الي ينباع كله تجاري وكلنا ضايعين نبي الاصلي وماندري


نجتهد والله كريم انا مااجربته لتخريب الريجيم انا اشربه ابيه يضعفني ومانفع معاي نهائي


بس لما تخربين ريجيمج تدرين شنو الحل تدرين شنو <<<<<<< مافي حل


نخرب بس مانيأس نرد من جديد


انا اذا خربت ريجيمي اعاقب روحي والعب رياضة فقط

 

[عهود الحب]

ام جاسم نط الحبل يهبل والله


والدرج صعوده روعه بس دربالكم ترى يسبب تعب للقلب انا وانا صغيرة كنت اصعد الدرج بجنون تالي صار عندي مشاكل بالقلب




امممم الحبل يهبل وانا مدمنة حبل قبل





بس الحبل في عليه مشكلة


اذا بايجار وساكنه فوق تكفين لاتلعبين حبل ههههههههههههههههههههههه


ما انصحج

 

[تختوخه بطبوطه]

شكرا حبيبتي على التمارين

 

[عهود الحب]

الحين بنزل تمارين متحركة بموضوع جديد