هديتج = مقدارج

[PuPa^^SWeeT]

السلام عليكم



شلوونكم بنات شخباااركم



ورانا اعياد




بس قبل الاعياد و بعدها

ورانا مناسبات كثيرة

ولادات و نزول بيوت و زواجات


و عودة حج و و و و و و و



من بعض المناسبات اللي مايصير اتروحين فاضية



لازم تاخذين وياج هدية ولا مبلغ ولا ورد ولا ككاو ولا ولا ولا




كل تذكر المناسبة و لمنو و اتقول جم تتعطي



يعني مثلا انا بالولادات


اذا اهلنا لازم اوفر مبلغ لهم ولا حمولتي بعد لازم مبلغ حلوو


اذا ما كانت فيه قدرة اشتري قطعة للبيبي ولا للوالدة مرتبة و احط وياها 30


اذا صديقاتي و جذي


احب اشتري لهم اتحلى مادري ليش



نزول البيوت للحين ماصادفني


بس افكر شغلة للبيت اكسسوارات ولا مواعين


اذا ولادات


سهلة



قميص نوم مرتب


ولا ست لوشنات و عطورات



دووركم انتو شنو تشترون



و حق منو ؟؟؟ \

 

[ام الدرر]

الحمدلله كل اللي طقتي اكتفوا مايحملون
والهدية حسب القرب
خواتي وبناتهم وعيالهم للزواج فلوس من 100 وفوق
الولادة لبنات خواتي 50
وللعيال اما اشتري هديه قميص نوم او ملابس للياهل
استقبالات المستشفيات للاهل
هديه للمولود ملابس وتحت 15
نزلة البيت للخوات والاخوان من 200 او اجهزة كهربائية بنفس المبلغ
وللباقي هدية للبيت طقم للمطبخ او اكسسوار او تحف

​

 

[PuPa^^SWeeT]

يسلموووووو ام الدرر على مرووورج



بنات غلطت فووق



اخر الهدايا للمتزوجات


قميص نوم ولا ست لوشنات و عطورات

 

[فـراوله]

ولاده قريبه منه يعني خواتي بنات عمي جذي 50 دينار مع هديه للبيبي
أو سلة ككاو
رفيجاتي المقربين فقط هديه للبيبي مع 30 دينار
المتزوجات بشكل عام طقم قميص نوم أو طقم عطورات شرقي أو فرنسي
نزلة البيت للحين ما صادفني بس أكيد بشتري شيء يخص البيت أجهزه
كهربائيه أو طقم جدور ومواعين أو مبلغ معين وراح يكون هالشيء لأهلي
بس خواتي واخواني ​

 

[في غيبتك راحه]

الولادات كاكاو وفلوس نزلة البيت طقم يكون الاشياء الهابين فيها وفلوس الزواجات طقم عطر شرقي وفلوس او عطر فرنسي وفلوس اما غير الاهل والحموله فقط فلوس
باجي المناسبات راده من سفر من عمره او حج او علاج او ترقيه،تخرج والخ عادي الشيء المحبب لكل وحده عطر جنطه طقم مكياج اساور الخ

 

[في غيبتك راحه]

بالمناسبه احيانا الناس ودها تقدم احسن ماعندها بس ماعندهم استطاعه ف ياخذون من اشيائهم ويعطونج هديه
ب عرسي وحده حاطه ساعه مو مغلفه ولا شيء ب جيس صغير والله قلت لها وانا صاجه ليش مكلفة على عمرج ييتج بروحها تكفيني! لذلك اللي كلش كلش مو قادره تقدم ششيء تمد مبلغ بسيط اهون من انه الواحد يعطيج شيء مستعمل

 

[PuPa^^SWeeT]

لا والله اذا ماعندي امكانية اشتري شي


ما اعطي شي مستعمل



يمكن من الهدايا القدييمة اللي ماطلعتها


ايي



بس اييب شي من اغراضي و احطه بجييسة


لا والله

 

[فـراوله]

عاد أنا مفكره أعطي حماتي طقم اكسسوار جاني هديه من أخوي يوم كان بالعمره

بس قلت الهديه ما تنهدا مادري شسوي

أنا عندي امكانيه وجايبه لهم هدايا يوم جيت من العمره بس قلت ما أحتاجها ولا ألبسها
شسوي فيها عندي وللحين محتاره أحطها بجيس الهدايا أو لا


اشرايكم بنات ​

 

[PuPa^^SWeeT]

اذا الهدية غالية علييج من قيمتها المعنوية

لاتهدينها




بساذا هدية ماتناسبج


اهدييها

 

[بكيزة هانم]

الهدية على قدر المهدى له

 

[PuPa^^SWeeT]

^^

لا والله


انا مو معاج بهالشغلة



اهدي الناس بذوقي و احترامي لنفسي و قدري



قبل قدرهم



وهذا الاساس

 

[جذابه بنت ذيابه]

للاخوان والخوات من ١٠٠ وفوق

لرفيجاتي ٣٠ و هديه للبيبي

للمتزوجات قراب مني حيل ٥٠ و هديه
اذا رفيجتي قميص او عطر و لوشنات



و اذا نزول بيت طقم مواعين او حسب الاختيار

 

[$الاميررة$]

انا نفس الطريقه بالولاده ٣٠ او ٢٠ بهالحدود والعرايس صندوق عطور بس اللي يتعب ميزانيتي بالعيد لازم اهدي امي وخالتي شي مرتب هذا غير هدايا عيد الميلاد لبنات خواتي وحبايبي عطور وساعات بس عندي تحفظ على سالفة قمصان النوم ماحب اهدي احد قميص نوم احسه شي خاص وسبيشل يعني حلاته البنت نفسها تشتريه مايكون من احد عن نفسي مستحيل البس قميص نوم جايني هديه شكلي غيوره حيل وانانيه لووووول وبخصوص اللي موعاجبتها الهديه ومتوهقه فيها انا وايد تصير فيني لاني ذوقي صعب بالعطورات مو اي شي يعجبني وشكثر توصلني عطورات كلش ماتقبل ريحتهم مو ستايلي فأضطر اني اعطيها احد اعرفه مع ان ماودي لاني ادري الهديه ماتنهدا بس بعد حرام مستخسره انها تظل عندي عالفاضي

 

[om MaRyooM]

اذا عندي ميزانية احط فلوس

اذا لأ اشتري شي بس يكون حلو

والبنات ماقصرو

 

[دلال و غلا]

اذا والده اشتري هديه للبيبي و ٣٠
و العروس طقم عطور او لوشن
و ام زوجي احب اشتري لها خلطه ودهن عود معتق وبخور كل مناسبه يكون غير و من مكان غير
وهالعيد محتاره حابه اخذ لها مسك الغزال لان سمعت انها تبي تشتريه

و صراحه جااا موضوعج ع الجرح والله مأزم معاي هالموضوع
كل ما ابي اهدي احد شي مميز وحلو يصير لي ظرف بنفس الوقت
واعطي شي مو حلو كلش مثلا مرت حماي والده مجهزه ٣٠ دينار ف الشنطه و قلت بطلب من وحده طقم للبيبي او اروح اروح السوق
و يوم ولدت دقيت ع المره اللي تبيع ما ترد وقلت حق زوجي ودني السوق قال مافيه مجال و تضايقت ولمن بقيت اشتري لها كاكاو ع شكل سرير من المستشفى لقيته غالي فوق ميزانيتي وزوجي ما كان ساحب وابتلشت قلت برد البيت بس شافوني ف المستشفى فشله امشي ونفس الشي صار مع مرت اخوي رحت لبيت اختي ع اساس نروح مع بعض و عامله حسابي اشتري لها حلو و اعطيها فلوس وانصدم اني ما اخذت من زوجي فلوس بس كان عندي ٢٠
وكنت معطيتها خبر اني جايه بالطريق ... يعني انا احب اوجب الناس وما اقصر وعندي الحمدلله بس تصير لي ظروف تخليني اتضاااايق *

 

[PuPa^^SWeeT]

اب اب اب
اب اب
اب