*.. هديـة له ..*

[xxx]

هـدايـا للرجـال

حلو لي ذكرنا شخص ابمناسبة اتخصنا وأهدانا هدية

والهدية تعكس ابشكل واضح ذوق صاحبها

فهالمره بذكر بعض الأفكار تساعد المحتارين باختيار نوع هداياهم

أكيد الأغلبية ملاحظين سهوله ورود الأفكار لي بغينا نهدي أي امرأة هدية جميلة

لأن الاختيارات لهدايا الحريم وايدة

فهالمره بنشوف مجموعة هدايا للرجال .. سواءا التقليدي أوالغير مألوف منها

شوفوا معاي



1

الـمدالية

ممكن اتكون ابفكرة غريبة وان كانت عادية يفضل بأن تكون ماركة علشان تلفت الانتباه

2

صندوق مخصص لحفظ الساعات

3

الولاعة

4

slippers ... ممكن نهدي

يكون ابلون حلو يفضل سادة مو ابعفسة ألوان

5

اذا كان الشخص اللي بنعطيه الهدية مثلا دكتور أو مهندس

ومن هالشغلات اللي تفرض عليه لبس البدلة

فممكن نختارله كرفته

6

ساعه يد ..وصراحتا اتكون احلى لي كانت بألماس

7

حافظ البطاقات

وهذي نعطيها للي عنده اكروت عليها أرقام تلفوناته وشغله

ابحكم شغلته

8

باقة من المعطرات ولكريمات ممكن تكون للجسم أو للوجه لبعد الحلاقة

9

بجـامة نوم أو قميص للطلعة

10

محـفظة

11

عطر يديد توه نازل مو مصدي من زمان نازل حتى ولو كان عاجبكم

12

قلم ماركة

13

حقيبة عمل للأوراق الرسمية أوحقيبة للسفر

14

كاميرا ديجيتال أو تلفون اخر موديل

طبعا أختار هالدية ان عرفت فقط ان الرجل عنده تلفون أو كاميرا قديمة

وبالنهاية بذكر شغلتين

تغليف الهدية يلعب دور اكبير فلازم ننتبه على شكل التغليف وتزيينه


ولي اخترتوا أي هدية ابتعدوا عن الألوان الغريبة

لأنها مو شرط تعجب اللي ابتهدونه وبعدين ما يستخدمها

فخلكم عالألوان اللي ممكن نستخدمها ابكل وقت

 

[نفيشه]

رد : *.. هديـة له ..*

خوووووووووش موضوع بنوته

واحب اضيف شغله

هم فكرة انج تهدين زوجج علبة فيها دهن عود وبخور حلوة

ممكن مسباح اذا يحب المسابيح

او ممكن جوتي عزكم الله

ممكن علبة فيها السيت مال الحلاقة

واذا اهو رومانسي اخذي له كرستال اللي يتعلق بالسيارة مثلا

او طقم حق مكتبه بالدوام

واذا عندج عيال خلي كل واحد فيهم يمسك هدية وناسة خل تصير لوية

 

[xxx]

رد : *.. هديـة له ..*

مشكوووووووووووورة نفوووووووووشه على الاضافه

 

[خلود العامر]

رد : *.. هديـة له ..*

انا احب اهدى بدون مناسبه بس هم ابى احد يهدينى بدون مناسبه

وافكارج وايد حلوه عمرى تسلمين عليها

 

[مون*]

رد : *.. هديـة له ..*

الله أموت بشي أسمه هدايا ’’’’’’’’’’’’’ مشكورة بنوتة عالموضوع ........

 

[أغلى حبيبه]

رد : *.. هديـة له ..*

واذا اهو رومانسي اخذي له كرستال اللي يتعلق بالسيارة مثلا

او طقم حق مكتبه بالدوام

وين القا هذيل بنات عندي مناسبه ولي الحين مالقيت شي اشتريله

 

[نفيشه]

رد : *.. هديـة له ..*

الكرستال اللي يتعلق تلاقينه بمجمع الفنار عند شواروفسكي فوق بينيتون

اطقم المكاتب يتراوالي العجيري وهالمكتبات الكبيرة

 

[xxx]

رد : *.. هديـة له ..*

مشكورة نفيشه

 

[أغلى حبيبه]

رد : *.. هديـة له ..*

مشكوره نفيشه على العناوين

ومشكوره بنوته على الموضوع

 

[xxx]

رد : *.. هديـة له ..*

حياااااااااااااكم الله

 

[jolie_q8]

رد : *.. هديـة له ..*

خوش موضوع

تسلمون

واحب اضيف ..اذا بالشتاء..خام دشاديش كشخه
يستانسون الرياييل

هم غتره كشخه..مو غلط

تغيير

 

[xxx]

رد : *.. هديـة له ..*

الله يسلمج جولي

خوش اقتراح

 

[دلوعة امها]

رد : *.. هديـة له ..*

هلا والله فيكم كلكم ...... اللى اعرفه ان الرياييييل يحبون المسابيح وخاصه الكهرب ويتباهون فيه بعد جدام ربعهم والساعات الماركه مثل كريستيان ديور او سان لوران واذا الميزانيه ماتسمح عطر ايتين اجنر او شانيل او سكادا يعنى المجال واااااااايد مفتوح للأختيار واى استفسار انا حاضره

 

[xxx]

رد : *.. هديـة له ..*

مشكوووووورة حبيبتي على المرور

 

[بروق اليل]

رد : *.. هديـة له ..*

فكارجوايد حلوه مشكوره ياقلبي

 

[ذكريات]

رد : *.. هديـة له ..*

مشكورة بنت الكويت على الافكار الروعة

انا عيد ميلادي بعد جم يوم اذا تذكر بحطه فوق راسي يوم عيد ميلاده و اذا ما تذكر ياويله

براويه شي عمره ما شافه

 

[جارة القمر]

رد : *.. هديـة له ..*

^^بنت الكويت^^


مشكوره يا الغاليه

والله يعطيج العافيه

 

[xxx]

رد : *.. هديـة له ..*

مشكورين وحياكم الله

ذكريات من متى الرياييل يذكرون كل احنا الي نتذكر واهما يفقدون الذاكره بهاليوم

 

[اهـات]

روعة يعطيج العافيه

 

[xxx]

الله يعافيج