هديه حق رفيجتي

[العنود]

السلام عليكم بنات رفيجتي جابت توأم صبيان ومحتارة شنو اهديها اللي تقدر تساعدني او ادلني علي وحدة تسوي هدايا بس مو غالية

 

[أم هـجـرس]

تقدرين تطبقين الفكره انتي حبوبة اشتري مثلا بدلتين ومصاصتين يعني الي يطري على بالج ووديه بيت الهدايا وهناك تحصلين علب على 10 دنانير يعني التكلفه يمكن تطلع عليج 20 دينار بس مع تغليفهم للعلبه بشكل حييل ذرب وكيوت

 

[al-zabarjad]

تقدرين تشترين لها بيجامتين وبدلتين وسداري

وتحطين لها العاب لليهال

تروحين دايسون يبيعون علب احجام اشتري 3 كراتين كبير وسط صغير وحطي فيهم الشغلات بشكل ذرب

وغلفيهم بهالطريقة

مشاهدة الصور

إنشاء الله تعجبج فكرتي

 

[manoooram]

أنا من رأيي الغالية انج ما تهدينها ملابس أو من هالأمور ليش ما تحددين مبلغ من المال وتعطينها اياه خاصة ان توها والدة والحمدالله على سلامتها والتوينز وما شالله صرف سأليني الحمدالله عندي توينز أولاد فحاسة فيها الحمدالله على نعمة رب العالمين لأن رفيجتج أكيد مجهزة لهم قبل الولادة من مجاميعه أغراضهم هذا رأيي
وتقبلي مني فائق الاحترام والتقدير :tek:

 

[^كويتية^]

الحمدلله على سلامتها
في هذيلا العربانات اللي حق التوين من مذركير شحلاتهم يشوقوون
ولا تعطينها كوبون مساجات اللي بعد الولاده عند رويال حياة يهبلوون والله

 

[ebtsama-3re9'a]

احس فلوس احسن عشان اذا ناقصها شي تشتري فيهم

او انج تشتريلها من مذر كير مجموعة اشياء بحيث اذا تبي تبدلهم تقدر